تجمع إلي عيالهم بيروحون أولى & ثانيه روضه & حياكم &

السلام عليكم

شلونكم يا أحلى أمهات

بعد نجاح تجمعنا السنه اللي طافت (تجمع إلي عيالهم بيروحون أولى روضه)

هذا الرابط ..

https://www.q8yat.net/showthread.php?t=359629
حبيت أفتح تجمع يديد بس هالسنه غير لأن راح يشمل تجمع اللي عيالهم بيروحون

أولى روضه و ثانيه روضه عشان نفيد ونستفيد من بعضنا ونتكلم عن احتياجات وملابس وأغراض

يعني كل ما يحتاجه الطفل في هذي المرحلة

وانشاءالله نشوف تفاعل في الموضوع

تفضلوا القهوه

السلاااااااااااام

شلووونج ام الحلوين وشلووون الحلوين الله يحفظهم ,, والله وركضت الايااام بسرعه ..

خلصتي اغراض عيالج

عليكم السلام

نور التجمع

أنا زينه والحلوين بخير ،،

اي والله الايام تركض وكله من عمرناا

وعلى طاري الاغراض ليلحين بقالي دلاغات وجنطه وانتي خلصتي ؟؟

حبيبتي منور بووجودج

انا خذيت كل شي بس بااقي الاانش بوكس

وناااااطره المدرسه منااطر لاني ملييت من الازعااج

اي والله ماشاءالله عليهم ازعاااااااج

يالله مابقى شي

اسبوع الياي الثلاثا يداومون تاريخ21/9 صح ؟؟ بس انا مفكره ما راح اوديهم بخليهم يداومون من يوم الاحد26/9 شرايج؟

اي 21 يداومون ,, عاادي لان اول يومين مااكو شي انا بوديه عشاان المغرب يناام بسرعه لان الاسبوع اليااي طلعتي من الاربعين ماابيه يخرب علي ههههههه عشاان ينام بسرعه

انا ولدي انشالله اولى روضه بس وايد احاتي للحين ماشريتله ولا شي واحتمال اولد بأي لحظة واذا داوم راح يكون ابوه معاه مو آنا لأن احتمال كبير اكون والدة _ بعد اشوي انشالله بروح جمعية بيان مؤيد المير فوق آخذلة شورت وقميص وملابس داخليه ودلاقات وبعدين اذا فية وقت بروح بروي شايفة اهناك اطقم اتينن على كل الشخصيات جنطه ازغيرونه مع بوكس الاكل وكراسه والوان وبخليه ينقي الشخصيه اللي يبيها وبشتريله جوتي من ايكو وبس

أنا ابي انظم لكم عيالي توائم رايحين اولى روضا بس صج الدوامات الثلاثاء عبالي الأحد … ليش تشترون جناط …الروضه لهم جناط …يمكن أنتو عيالكم مدارس خاصه …

اي عشان جذي قلت ما أبي أخليهم يدامون الثلاثاا ،،
يه يه يه نعيما مقدماا وطالعه من الشر انشاءالله

هلا وغلا فيج بتجمعناا

والله يعدي عليج بالسلامه يارب

اي مؤيد المير لبسهم اينن كد ومد ويقولون بروي منزل جناط حلوين ودي باجر اروح اشوفلهم

واهم شي عيالنا اهم اللي ينقووووون الله يعيناا عليهم

وعلى طاري تكرمين الجواتي أنا خذيت لهم واحد من سنتر بوينت وواحد من النصر الرياضي ،،

حياج لله حبيبتي

الله يحفظ عيالج ذكرتيني بالسنه اللي طافت أنا هم عيالي اسم الله عليهم توأم بس هالسنه انشاءالله يروحون ثانيه روضه

يقولون الدوامات يوم الثلاثا يبدي حق أولى روضه تدرين معاناة أول يومين صراخ وحنه وما يبون يروحون الروضه

فأول يومين انتي تروحين معاهم الروضه وتقعدين بالصف وتتعرفين على المدرسات ،،

وعلى طاري الجناط لا حبيبتي احنا عيالنا مدارس ( حكومه )

أهو مولازم بس الاغلبيه ايبون معاهم جناط أنا عن نفسي أحط لهم جنطه وأحط داخلها عصير

(صغير + كرواسون ميني + بطاط + بسكوت + كلينكس مرطب + مطارة ماي )

ترا أنا أحط لهم كل هالاشياء بس ترا كل شي موجود وداخل كل صف حتى براده داخل كل صف

وعندهم وجبتين اهي الفطور والضحى ،،

اي انا خذيت من مؤيد الشورتاات والتي شيرتات من مذركير والجوتي تكرمون من النصر مع الدلاغااات

اي مؤيد المير معروف من عمر

بروح اشتريلهم ساعة ايد عشتوا يقولون لازم نلبس ساعه كبرنا كربووونهم

يخليلج عيالج الحلوين ..أنا متنبأه بيوم الصراخ والبجي ..لان عيالي اصلا انطوائيين ..وما يحبون الناس ..أنا اول مره اسمع عن المويد اللي في بيان ..أنا شريت من سنتر بوينت …

ام الحلوين .. يسلمو

كنت ااتابعكم العام كان ولدي حضانه

هالسنه بيدش اولى روضه وايدي على قلبي

ما شريت له الا جوتي مكرمين

وملابس داخليه

باجي الدلاغات ..ما احب الا القصار مالقيت

الهدوم من المدرسة

وجنطه يبي جنطه عليها باص

من وين اييب له ما ادري يتشرط جنا صج

احنا دوامنا الاحد الياي ان شا ءاالله