|
|
السلام عليكم
شخباركم يا بنات
خواتي انا بحرينية ورحت سوريا هذا الشهر ومريت على دكتور كنت بستفسر عن تكيس المبايض
ولما عرف عن حالتي اني اجهضت 10 مرات سألني عن عملية تثقيب للمبايض وفك الالتصاقات اللي في الرحم وهي عملية تنطير بطني ورحمي يفكون الالتصاقات لان الجنين مايثبت في مكان في التصاقات لما يكبر ما يحصل له مكان بسببهم ونصحني ان اسوي هذي العملية بس انا ما ارف عنها اي شيء هل يكون لها مضار او شيء ارجوكم بنات اللي تعرف عنها اي شيء تخبرني لاني كنت ناويه بعد رمضان اسوي انابيب بس الحين لما عرفت اني احتاج لهذي العملية هونت عن الانابيب فقلت لازم اعالج المشكلة اول عشان يصير حمل ويثبت ارجوكم
بكون شاكرة لكم
تحياتي
فتح الانابيب المسدوده
دارسين وريوف يعطيكم العافية
هو قال لي تثقيب عندنا في البحرين يسوون عملية الكي للتكيسات واشعة الصبغة اني سويتها والحمد لله عندي الانابيب مفتوحة
بس اللي صاير عندي التصاقات في داخل الرحم مو في قناة فالوب الصبغة عافة شنو يسوون بس ابغي اعرف احد سوى كي للتكيسات ؟؟ وهل هو التثقيب نفسه الكي ومشكورين خواتي على ردودكم
تثقيب المبايض هذي عمليه يسوونها حق اللي فيهم تكيس على المبيض وإهي أخر طرق العلاج له وعندي أخت سوتها وحملت بنفس الشهر والحمد لله ..
بس عادة اللي فيهم التصاقات بالرحم وتكيس المبايض عندهم كبير مو بالسهوله يحملون … أتوقع عندك مشكله بالإجهاض مو بالحمل
بس سؤالي بليز شلون عرفتي إن فيك إلتصاقات بالأرحام ؟؟
وترى عملية فيك الإلتصاقات بالنفخ بتكون سهله منظار وما تاخد منك ساعة إن شاء الله سواء للأنابيب وإلا الرحم
وساويها الله يرزقك