|
السلام عليكم ورحمة الله وبركاته، حبيت اليوم أوريكم عملية صنع جحر صغير للقوارض، سواء كان وبر أو هامستر أو شانشيلا أو يربوع … إلخ من عايلة القوارض الحلوين، وأنا سويته حق خنازير الغيني الي عندي واستانسو عليه وصارو كله ينامون داخله (( يتهاوشون عليه هههه ))، تعالو نبدي وبسم الله :
* الأدوات:
1- جوارب .
2- علبة فارغة متوسطة الحجم .
3- شريط لاصق .
4- قطعة قماش قصيرة .
5- كماشة .
6- فتاحة علب .
7- مقص .
أول شي تاخذون العلبة وتزيلون منها القاعدة باستخدام الكماشة وفتاحة العلب (( يستحسن طلب مساعدة من شخص قوي … قعدت 100 سنة على ما شلتها ههههه ))
بعد ما شلنا قاعدة العلبة يمكن تحصل معاكم إن العلبة تنقسم لنصفين من شدة السحب والضغط عليها
طبعا لا تخافون تقدرون ترجعونها مثل ما كانت، كل ما عليكم إن تستخدمون الشريط الاصق وتلفونه على العلبة وبتطلع
والحين مكان القاعدة، نلاقيه مملوء بالتعرجات الحادة وهذا طبعا رح يأذي القارض ويمكن يجرحه
نقدر نعالج هالمشكلة باستخدام قطعة قماش (( انا استعملت قطعة فوطة قديمة )) ونحطها على التعوجات الحادة للعلبة ونلصقهم ببعض باستخدام الشريط اللاصق
ناخذ الحين الجوارب ونقص أطرافها (( الجوربين مو بس واحد ))
والحين نلبس أحد الجوربين العلبة من الداخل
ونلبس الثاني من الخارج ونقص الخيوط الزائدة منه بالمقص علشان ما تضايق القارض، وبجذي ننتهي من صنع الجحر الصغير
طبعا تقدرون تغيرون حجم العلبة بإنكم تختارون أكبر أو أصغر على حسب القارض الي عندكم، تصلح للأرانب بعد، وانشالله نال الموضوع اعجابكم وباذن الله تستمع قوارضكم فيه .
منقوووووووووووووووووووول
كتبي بقوقل خنزير غيني وشوفي شكله
ويعطيج العافيه حبيبتي ع الموضوع القيم
ويسلمووووووووووووووووووووو
تقبلي مروري
xXBountyXx
ممممم
بصراحه ما فهمت الفكره بس يا ريت تحطين لنا صوره
يع؛ــطيج الع؛ــاافيــه ..