|
انا نزلت موضوع قبل هالمره بعنوان مصروفج من يلج
اللي ما شافته تتفضل و لا عليها امر تشوفه
https://www.q8yat.net/showthread.php?t=312107
و تقرا ردودي كلها بلييييييييييييييز
بما ان المصرف اهو المشكله في حياتي و زوجي مو راضي يتفهم هالموضوع
فدايما بين فتره و فتره افكر بشي اللي اهو
"ابيع طقم الذهب مالي"
و اخليه لي مصرف للشغلات الاساسيه
و هذا ما يمنع ان اهو ملزوم كل شهر يعطيني مصرف
و بجذي اكون كل شهر خشيتلي شويه منه
بما ان بالوقت الحالي محتااااااااااااااااااااااااااجه حيييييييييييييييل
شرايكم؟
و صدقوني اني مضطره لو مو مضطره جان ما بعته
و ادري في وايد راح يلوموني بس شسوي
ريلي مو راضي يتفهم
شنو تشوفين الحل بذاك الوقت
انه تعود انج تدبرين عمرج
واتكل على جذي
يا انج تتاقلمين مع المصرف اللي يعطيج اياه
او تحاولين تقنعينه بدون ياس
واايد اريح لج لما تستقرين بفلوسج .
و100 دينار ما تسوي شي كللش ،
واذا بعتي الذهب راح تفلسين من كل شي ، وراح تطير فلوسه على مصروف يومي وبس بححححح
عقبها راح تقعدين من غير فلوس ومن غير ذهب وبعد الحين اهو واايد طاايح سعره
حراام لا تسوين هالشي
صدقيني تقزر انتي ما تحاتين الاكل واللبس مو كل يوم بتشترين ، يعني مواسم وحسب الحاجة ، يعني ما اتوقع لهالدرجة ضرورة ملحة عشان تبيعين الذهب .
انا اقول اسعي بمسئلة الوظيفة واذا زوجج مثلا مو راضي قنعيه عشان تستقر اوضاعكم المالية ، ويصير عندج مبلغ يعينج .
والله يوفقج .
الله يعينج حبيبتي ويفج ضيقتج ** اذا السالفه تستاهل واساسيه ** بيعيه مع ماعتقد زوجج بقصر عليج اذا شاف انها ضرورية *** اما اذا عشان مظاهرررر ** تركي عنج هالسوالف وقنعي بحالتج ترا المظاهر ماتجيب الا الفقر ** والله *
وعسى الله يرزقج يارب ** على قد نيتج
والسموحة حبيبتي اذا ضايقج كلامي **
يعني حل مؤقت وبعدين ؟ شنو بتبيعين ؟ انتي محتاجه الى حل جذري مو حل مؤقت
الله يفك عوزج ان شاء الله
و صدقوني بالعكس انا ما تضايقتكم من ردودكم بالعكس يمكن انتو لكم خبره
بالحياة اكثر مني
و زوجي كلش مو مقتنع بالوظيفه نهائياااااااااااااااااااااااااااااا
و انا راح اقولكم بشنو افكر
اذا بعت الذهب
راح اصرف منه اللي احتاجه حاليا و راح اخش الباجي
و اهو كل شهر راح يعطيني مصرفي اصرف يمكن شغلات بسيطه
و بجذي يبقالي من مصرفي مبلغ
و بنفس الوقت باجي فلوس الذهب راح اخشه للزمن ما راح احتاجه
انا عشان ما ابيع ذهبي خشيتا عند امي لان انا عادي اسويهاا بس امي محرصتني تقول اذا بتلبسنا اخذيه بس اول ماتخلصين منه رديه عندي بالتجوري
حتا لو محتاجا لاتبيعيناااااااااا انسي ان عندج ذهب
واذا صارت عندج فلوس اشتري ذهب
لان الذهب زينه وخزينه ومايطيح سوقه مثل الالماااص
الل يعينج بس و الي يرحم والديج لا تبيعين ذهبج الل يخليج
سمعي كلامنا ياقلبي
مايسوى تبيعين ذهبج عشان خرابيط
انسي سالفة الذهب
روحي لزوجج وقولي له فلان
وقعدي ابجي وقولي له ببيع ذهبي عشان جذي والخ الخ
اهو بينصدم طبعا
يعني بيني له ان موكافيج هالمصروف
وبعدين حبيبتي لاتنسين ان زوجج قاعد يدرس وبإذن الله بس يتوظف بيتغير الحال
ذكري ربج ولاتخلين الفلوس والمصروف تخرب علاقتج بزوجج
والله ان مرت علينا فتره تخيلي شهرين ماكو فلوس @@ قاصينه البنك وانا ولااااااااا كلمه ولاتحلطمت ولاشي
بالعكس قويت علاقتي بزوجي وصج ترى الفلوس مو كل شي قوي علاقتج بزوجج
والف حمد وشكر الحمدلله الحمدلله ربي عوضنا وحبيبي زوجي عوضني بعد عيني عينه
لي بعتي ذهبج شتلبسين جدام الناس؟؟؟؟لا لا لا مايصير حبيبتي بلا لعب عيال
صبري شوي
صج ان الفلوس مهمه
ودوام الحال من المحال
ماحب الحلول المؤقته
اساسا كم راح يجيب لج لابعتيه ؟؟ مايكفي شي كلش