|
زميلاتي ،،،،،،،، عندي مشكلة مع بنتي الصغيرة
المشكلة ان بنتي كل يوم تجي وتشتكي من معلمتها انها توزع هدايا على الأطفال وهي لأ بالرغم ان الهدايا أكيد رمزية وأنا مو مقصرة معاها بس المسكينة نفسها تنكسر ،،،
أسألها ليش ما تعطيج تقول لاني ما أغني بصوت عالي وهي طبيعتها خجولة ومو لاقيه تشجيع من المعلمة ومعرفة لشخصيتها غير ان المعلمة تحرجها بتعليقاتها وصار موقف جدامي اثناء اليوم المفتوح وقعدت البنت تبجي وقلبي يحترق والمعلمة ولا كأنها سوت شيئ ،،،
مسكينة مرة جات من الروضة وصوتها مبحوح وجهها أصفر وعيونها مزغللة والسبه الصراخ اللي فوق طاقتها ومع هذا ما حصلت الهدية،،،
المصيبة ان معلمات الفصل كلهم جدد وما يتقبلون ملاحظة ولية الأمر ويبررون لأنفسهم ،،،
للأسف أغلب معلمات الروضة مو الكل طبعا يتعاملون مع الأطفال على انهم كبار ومن مستوى تفكيرهم ،،،
لاتنطرين من المعلمات تكريم لبنتج
ولاتفكرين متعمدين
حطي لهم عذر وسامحيهم يمكن مو قاصدين كلش او سهوا عن البنت ويمكن مع ضغط العمل تدرين
يمكن خل نقول يمكن
لاتنتظرين تكريم منهم وابيج انتي تبادرين وتشترين لبنتج هدايا من ابومية لاصدقائها وخل تحطهم بسلة سنعة وتوديهم معاها
وجذي تضربين عصفورين بحجر
اول شي بتخلين بنتج تتجرأ وتعمق صداقتها مع اصدقائها بالصف وكلهم بيحبونها خو جابت لهم هدية
وثاني شي بتستااااااااانس بنتج حيل وتزيد ثقتها بنفسها والابلات بعد بيحبونها
وبين فترة وفترة
جيبي حلاو لو مصاص
وخل توزع
شوي شوي راح الابلات يخصونها بالهدايا
اطعم الفم تستحي العين على قولة المثل
وصدقينى مراح يقصرون وبينى لهم ان بنتك حساسه وتعانى من مشكله
والله معاك واحسنى الظن بالناس
والله يعينج على رياض الحكومة وعقد معلماتها هذي التربية عندنا
|
شدعوة اختى ليش مو تحكمين على مدرسة وحدة شفتيها ان الكل رديين لا عندنا مدرسات شكثر فيهم الخير والبركة
ومن قلب يعطون وكل مجال فية الزين والشين وكل مكان فية اختلاف بالاراء وعندنا مدرسات يطلعون الاطفال من
اروع مايمكن
ان كان في ابلات مقصرات
فالاغلبية ونعم فيهم
انا من الاغلبية الي فيهم خير وبركة
واقولج انه المدرسات مايقصرون صدقيني مانقصر
مير شكوانا لرب العباد ان كانه مابين بعين احد
والله يعينج على رياض الحكومة وعقد معلماتها هذي التربية عندنا
|
الله يعين هالابله الي كل من ناقد عليها وعلى كثر ما تسوي ما تعجب
وصلت للعقد
حبيبتي .. لا تجمعين وتقولين عقد ..
المعلمه ما تقصر وتبذل الي تقدر عليه عشان هالطفل
مو كافي معاشها كلها طاير على عيالكم وهم مو عاجبكم
الشكوى لله
شوفي لا تنطرين منت المدرسه روحي اشتري حق بنتج لعبه الي تحبها وقولي حق المدرسه تعطيها جدام اليهال جذي
مراح يصير في احراج
شوفي يالغالية
لاتنطرين من المعلمات تكريم لبنتج ولاتفكرين متعمدين حطي لهم عذر وسامحيهم يمكن مو قاصدين كلش او سهوا عن البنت ويمكن مع ضغط العمل تدرين يمكن خل نقول يمكن لاتنتظرين تكريم منهم وابيج انتي تبادرين وتشترين لبنتج هدايا من ابومية لاصدقائها وخل تحطهم بسلة سنعة وتوديهم معاها وثاني شي بتستااااااااانس بنتج حيل وتزيد ثقتها بنفسها والابلات بعد بيحبونها |
انا اتفق مع الاخت عهود بهالراي والتمسي لهم العذر وترا الابلات دايم يحبون الام اللي تشرح لهم عن عيالها وشنو مشاكلهم وتستشيرهم بمشاكل عيالها وابلاتنا ما يقصرون وترا بعد طبيعة فينا حنا البشر دايم الطفل الحرج ينحب وياخذ القلب اكثر من الهادي والمطيع وانت بعد عليج دور لازم تشجعين بنتج وتقوين ثقتها بنفسها جايتها ابتدائية وهالمرحلة تبي اللي يكون جاهز لها
كلميهم باسلوب حلو
وصدقينى مراح يقصرون وبينى لهم ان بنتك حساسه وتعانى من مشكله والله معاك واحسنى الظن بالناس
|
أولا أنا معلمة قبل كل شيئ ثانيا اشدراج اذا الاسلوب اللي كلمتهم فيه كان حلو والا لأ ولو كان مو حلو مو معقولة تحط المعلمه حرتها في طفلة أمانه عندها ثالثا ماعندي ظن سيئ بالناس اشورى أسأل بنتي أي وحدة تحبين من معلماتج ترد وتقول ولا وحدة ، يترى اهي ما تحسن الظن بالناس !!!!!! أكيد الطفل مشاعره صادقه
بس ترى الابلات بشر
احيانا تلاقين مدرسة تحببب الجاهل بالروضة
واحيانا تكرهه بروحه فعادي تقبلي الامر الواقع
انا ما ألومج انتي ام وقلبج معورج
بس شتسوين ؟ الشكوى لله
اهم شي بنتج واتوقع لو تتبعين طريقتي راح ترتاحين صدقيني نصيحة
انا بنتي مثل بنتج عندي بنت صغيرونه وكله الابلات مطنشينها فاتخذت نفس الاجراءات
الابلات ماتغيروا بس بنتي تغيرت صارت عندها صداقات وتجرأت شوي
وسئليها عن السبب اللي يخليها ما تكرم بنتج
يمكن في اسباب ثانيه مو بس ما تغني
وبعدين في اشياء ثانيه الابله تسويها للأطفال
تحط لها نجمه على ايدها
ستكر على ملابسها
طباعه
تشجيع الاطفال لها
وايد اشياء بس يمكن بنتج تبي الهديه بعينها
فهمي السبب حبوبه، الابله لي شافتج مهتمه ويايه تسئلين عنها راح تنتبه لبنتج اكثر
كل كلام المعلمات صحيح وانا مع اللي قالوا كلمي المعلمة ومع اللي قالوا اشتري هدايا وخلي البنت توزع على الاطفال
وعطيها استكرزات تعطيها حق الابلة علشان تعطي الشطار " واكيد اهي منهم "
وطبيعي كل مكان فيه الزين والشين .
انتي عززي في بنتج ثقتها في نفسها اكثر واكثر .
واكيد من طريقة كتابتج مبين ان اسلوبج حلو ما شاء الله عليج
ربي يبرد قلبج ويخلي لج بنيتج ويبلغج فيها اهي واخوانها يا رب