بنات ودي :"(

السلام عليكم

.
.
.
.

ودي اربي جلب عندي بالبيت

بس ياربي شلون بفاتح امي لاني لو قلتها يمكن تحذفني من الدريشه لووووووووووول

بيتنا صار كله قطاوه وهامستر وطيور الحب :"( بس الجلب حسيته يفهم اكثر

بس مابي من الجلاب الزينه :/ لا

في وحده اذكر تقول جلبها ضايع نفس شكل الذيب ولونه ابيض شكله يفتح النفس

وفي صغار حلوين :/ بس ياربي محتاره الي يقول تربيتهم حرام اذا مو صيد ولا حراسه

وفوق هذا الملائكه ماتدخل البيت

عاد الي خلاني احطهها براسي

امس كويتيه لوول مبطله الدريشه واهي تسوق الجلبه بحضنها ومطلعه راسها من الدريشه يعني شوفوني

بنات شنو تقترحون اشتري ولا لا

اهيا من ناحيه راح تحذفج من الدريشه هذي مضمونه لووووووووووووول..

ثاني شي الجلب عزج الله الملائكه معروفه ماتدخل البيت .. وبعدين مومثل القطوه مدربه على لتراب يعني بكل مكان راح يوصخ يعني مؤذي
ثالث شي لا شريتي لازم ينابح يعني صوته مرتفع وراح يسبب ازعاج..

واخير لازم تدريب يعني عالطاعه ومايهجم على الناس لادخلوا بيتكم يعني يبيله عنايه …

قبل ماتكلمين وتفاتحين امج بالموضوع انتي شوفي تقدرين على هذوله ولا لا..

مانصحج الصراحة راح انيسون البيت وماراح تدخل الملائكة لا وبعد كلام كب كيك مرفووووض رفضا باتتتتااا
فكري عدل عشان ماتشترينة وتتعلقين فيه وبعدين يحذفونج انتي وياه من الدريشة!

وييييييييييه سكر ما عليج من كلام البنات
يه خلوها تاخذ اللي بخاطرهاا علامكم
شوفي حبيبتي..شكلها البنت الكويتيه اختي ههههههههههههههههههه امس رايحه الدولي مودية جلبتها تسبحها
المهم اذا تبين جلب لازم يكون صغير مثل اللي عند الويا جلبها عمره شهرين ان شاء الله تلاقيه ميه بالميه انباق مسكينه
يعني اخذيلج عمره شهرين تربينه على كيفج طبعا الجلب لين يصير عمره 4 شهور يالله يطيع ويفهم
وحطيه بغرفة بالحوش او قفص عود تلاقينه بهاردوير كبااااار وحطيه بالحوش وكل يوم طلعيه بالحوش لعبي معاه ووكليه ومن هالامور لا تدخلينه البيت وامج بتوافق على جذي وقوليلها حراسه لين يكبر ههههههههههه والله جد بس لا تفكرين ابدا تاخذين جلب عود
واللي تقولين ابيض وجنه ذيب اتوقع هسكي شحلاتهم بس حرام ما يتحملون جونا يعني يبيلهم تكييف على طول بالصيف

اذا ربيتي جلب كليوم ينقص من حسناتج قيراط و بعدين نيس شلون تشتهين تجيسينه
انا احب الحيوانات بس كلش ما افكر اربي جلب

مي تووو
سكر ابي بس محد يخليني

عفواً من وين هالفتوى؟
ياريت تجيبيلنا الفتوى ومن قال انه ينقص قيراط من حسناتنا؟

انا معاكم ان يونس الجلب .. بس الملائكه ماتدخل البيت .. ثاني شي صح الجلب خصوصا لاكان يرو يونس بس لاكبر شنو تسوين
يبيله واحد طول بعرض يعني الجلب اذا شافج اضعف منه راح يأذيج وهذي معروفه وكل ماكان صاحبه قوي راح يطخ شوفي اللي يدربون الجلابه عزكم الله يخرعون لوووول ..
وفوق هذا تطعمياته غاليه يعني مو طقه 5 مثل لقطاوه وعضة والقبر .. اهوا حلو بس في اشياء وايد تخرع ..

شوفـي الكـــل يبــي…يربـــي<<والكــل بينحذفــ من الدريشهـــ…

بســــ المشكلهـ انه حــرامــ..

اناا ماا انصحجـــ..

حرامـ عليج القطااوهــ اهونــ ويحسونــ اذا قدرتيهمــ<<<لووول…

والله هو الجلب حلو

وانا امووووووتن على الهسكييي يووووي

نص جلب و نص ذيب

بس يختج مايجوز الا لحراسة و صيد

وبعدين لما ياكل من صحن لازم تغسلينه على طريقة معينة وجي

ووووو اهي تقصد الجيرمن شيبرد الابيض جنه

نفس مال طباخه الي انباق

وحبي قبل لا يكون وصاخه ولا تدريب ولا مقدرة

في نص ينهي عن تربيته للتسلية .. من ترك شيئا لله عوضه بأحسن منه حوبي انتي

:**

استغفر الله وايد اشياء بهالوقت قاعدين نسويها و اهي حرام ردت على تربيت الجلب
الاغاني حرام الحف الحرام و و و و

لطالما انها مو من المعاصي استانسي شهر شهرين فيه لا تخلين بخاطرج و بعدها بتلمين و توقفين ..

في حل وسط سوو جبره او غرفه بره البيت بمكيف و لعبي معاه بالحوش او حديقه مو شرط داخل البيت فعلا احلى تربيه تربيه الجلب فديت الجواوا

عواده مابي اصدمج بس ترى كلام البنت صج.. ينقص من حسناتج كل يوم..

لأ لأ لأ يا كاواي لا تصدميني.. ما نقول جذي بس شي عن شي يفرق.. يعني مثلا الاغاني اي اوكي حرام والله يهيدنا ان شاء الله.. بس الحف لأ هذا "طرد من رحمة الله" يعني تعدى الحرام بمراحل.. هذا شي.. والشي الثاني الواحد يحاول يلقط هالحسنات ويدور الاجر بأبسط الأمور.. نروح نربي لنا جلب وينقص من حسناتنا كل يوم قيراط او قيراطين.. لأ ما تسوى علينا قلبوو

سكر.. هو صح كيوووت ويدننوووون خاصة الصغار .. بس يختج ما ودج تجيبين لنفس الاثم .. ومن ترك شيء لوجه الله ابدله خيرا ً منه >>> المعنى مو النص

ههههه فديتج سوييتاا :*** .. لا تنصدمين و لا شي انا تكلمت بحال هالوقت بشكل عام .. حبيبتي تقدر تتفادى الحرام و تحطه بره بس جونا ما يساعد حرام بهالحر و حرنا يلسع .. اذا عندها غرفه او حوش او تسوي جبره بمكيف ما يكلف واايد مافي مانع .. بس اذا مو متوفر لها هالشي و حييل بخاطرها ما توصل درجه الطرد من رحمه الله على قولتج اثم بس مو معصيه .. يعني عن خاطرها شوي و بعدين مردها بتمل و تعطيه لاحد او تعرضه للتبني او تحطه بمركز تبني اللي اهو يعني اذا هالكثر بخاطرها لا تحرم نفسها
رايي من راي عود و مسك .. وايد اتفق معاها

امممممممممممممم هو حلو شكله موكلهم بس اللي يشآبه آلذيب ويكون لونه ابيض

بس آلمشكله حرآم

بس نصيحه لتشترينهـ لأن الملأئكه مآراح تدخل بيتكم

يا سويتني عمري ما اختلفت معاج يا صديقتي الصدوقه فديت قلبج
لكن لما تقولون ينقص من حسناتج قيراط وقيراطين
طيب على اي اساس حللتو انه عادي يكون للحراسه او للصيد؟
شلون هني حلال وهناك تقولون ينقص من حسناتي؟
اشرحيها لي يا اوختشي ومنك نستفيد :$ <<؟ هههههههههههههه
لا جد حلال للصيد والحراسه وينقص من حسناتي على كذا مابيه والا كيف؟ومحد بيربيه للحراسه والصيد اذا كان ينقص من حسناتي مش هيك يا ئلبي؟
اصلاً حتى سكر قالت مابي زينه تبي ممكن يكون حراسه
لانه حتى لو كان صغير وبالحوش ينبه بوجود اي شخص يعني عندج قوانا زينه بس بحوشنا الله لا يوريج مسجله الشارع بسمها ممنوع احد يمر صوب الباب ههههههههههههههه