بنات والله زعلانة على حال بنات الكويت دشوا وبتعرفون السالفة عدل مدل

السلام عليكم

بنات سؤال محيرني ليش كل بنات الكويت او مو الكل الاغلبية يولدون بمستشفى خاص وين راحت مستشفيات الحكومة

والله يا بنات ما في احسن منها امهاتنا اولدوا فيها ومن احسن ما يمكن

المستشفيات الخاصة بس يهمها المادية

والمستشفيات الخاصة اسعارها نار على الفاضي هذي مستشفى وهذيك مستشفى بدال لا تقطونها على مستشفى خاص تبرعو فيها احسن

والمستشفيات الحكومة اكثر اللي يولدون فيها اجانب مستغلين الفرصة لانة ببلدهم ما يحصلون نص اللي يحصلونة اهني والصراحة انا زعلانة لانة الحكومة موفرة كل هالاطباء والسسترات والادوات والمعدات لبنات الكويت واللي قاعدين يستفادون منها الاجانب والله باطين جبدي

بنات خلنا نرد لمستشفيات الحكومة وخلونا من الخاص

كلامك صح ولكن ……………….

الخاص رعااااااااااايه واهتمام

اما الحكومى حدث ولاحرج

من اسبوع بنت خالتي والده بالحكوومه

هي بجر

تقول جني قاعده بالسجن المركزي

خاالتي ودتها المستشفي بـــــــــــس ما تدري عن بنتها الا ثااني يوم

يوم ولدت وخلصت بلغووها ان بنتها أولدت لابعد حبيبتي بنت خالتي تعباانه وهي الي دقت
ليش عااد مسكنيه خالتي قااعده علي اعصاابها وخصووصا هي بجر تحاتيها واايد يرووحون يووقفون عند البااب يطروون بس يبون اي خبر عنها مااااااااااااكو

ولابعد يعطوونها سرير مع هنوود و ………………..

ليش عااد؟

صراخ وتقول ماعرف اناام الي يمي تصاارخ والي ماتسكت ولدهاااا

يعين بنت خالتي والده وتعباانه تبي تناام والي يمها بس قرقه او ولدها ما يسكت من البجي؟!!!

وثاانيا تقول ان يطقوونها وقت الولاده تحلف

تقول اصرخ من الطلق وهما يطقوون ريلي سكتي سكتي تخرعين البيبي

جذي ما يطلع

امبيه انصدمت منهم

والسسترات مايدروون عنهاااا

وعزكم الله الحمامات زباااله

ونسيت اقول اول مادشت المستشفي قالولها مافي سرير هههههههههههههههههههههههههههه ماكو الا تييب سرير بيتهم توولد فيه

بعد اكمل ولا اقتنعتي ليش الكويتين يرووحون للخاص

الحكومه والخاص كل واحد وفيه خيره من الاخطاااااااااء لكن الخاص يترقع اشوي لان فيه مميزات اكثر الحكومه عادي يعني بس صراحه الحامل ليش تتعب نفسيااا وجسميااا يكفي عليها تعب واحد

اذا ما قطينا الفلوووس علشان نشتري صحتنا و راحة بالنا شالفايده منها ؟؟

اذا وصفات الدوا الحكومة يستكثرونها فيها ؟؟ اذا الغرف اتييب المرض و تمرض زيااده ؟؟ اذا السسترات وصخين و نفسهم بخشمهم جنه عاله عليهم ؟؟ اذا الدكاتره اغلبهم غشيمين ومتعينين بالواسطة والا يايبين وافد من بره حيالله واحد علشان معاشه اقل من الكويتي و يالله تجااارب بالعالم ؟؟ اذا الممرات مسوينها مدينة ملاهي ياهل يركض و خدامه تصرخ و عايله سوالفهم لي عندنا وين الخصوصية هني ؟؟
ويييييييييي يامعوده انا لو تصير فيني نشله ما اقط روحي عالحكومة عادي يشيلون اللوز شكوو مادري سأليهم !!

الحمدلله ياربي عالصحة اول و الله لايحوجنا للمستشفيات ان شاء الله بس الخااص فرق وولا تقنعيني انج اذا ماقطيتي فلوسج عالخاص بتتبرعين فيهم ؟؟ ليش احنا من كثر معاشاتنا ؟؟ والا من رخص الاسواق وفلوسنا زاايده ؟؟؟

وبعدين امهاتنا اولدو هناك لان اصلا ماكانت ظروفهم الماديه زينه ! وماكان في مستشفيات خاصه كثر الحين و الاهم ان الناس اللي بالحكومة كانوا شوووفي كااااااااااااااانوووا يشتغلوون بضمير

طبعا الاغلبيه و ليس الكل

نعم ؟
يحليلج والله

اولا ولادتنا بالمستشفيات الخاصه ماردتنا عن التبرعات والصدقه او اي عمل خيري .. الحمدلله انسوي كل هذا وفوق هذا كله نشتري راحتنا دام الله انعم علينا بالخير ليش نبخل على نفسنا

ثاني شي على قولتج امهاتنا اولدوا بالحكومه لازم انسوي مثلهم .. اختي ممكن سؤال؟ ليش ماتسوين مثل ما الي سوه يداتنا وتولدين بالبيت؟ وبدل لاتشترين بامبرز لحفي البيبي اب خرجه مثلهم قبل ولاتشتريله ملابس اخذي من جيرانكم .. اهم قبل جذي ايسوون وفلوس تجهيزت البيبي تبرعي فيه افضل شرايج

المستشفيات الحكوميه اغلبها فاشله وخاصه الولاده .. اذا عندج بيزات قطيهم بالشمس وقعدي بالظلال ,, والي ماعندها مجبره اتروح حكومه

والاجهزه الحديثه ماتلقينا بالحكومه ابعكس الخااص اجهزتهم نظيفه وحديثه ومتطوره

سوري انفعلت بس انقهرت من كلامج لول اتمنى ماتزعلين

بس ما اقول غير عسى الرحمن الرحيم العظيم يرزقج اب هالايام الفضيله الحمل اب بيبي معافه عاجلا غير اجل وتولدين بالخاص واتعرفين الفرق

امبيه لا لا تكفين الحكومه لو يعطوني مليون مره ثانيه ماولد فيها لو شنو يصير انا اول وثاني ولاده بالخاص بس الثالثه بالحكومه ويييييييييييييييييييع وييييييييييييييييييييييع ويييييييييييييييع انا والله حاشتني وقتها ظروف ولاجان ولدت بالخاص اهم شي الراحه والصحه ويييع اذكر يوم ولدت ولدتني سستر مو دكتوره ولاتتحلطم بعد علشان انا اصارخ تقولي لاتصارخين لوووووووووووووول يومها حصلت مني زف خخخخخخ ولافوق هذا ريلي ناطر خمس ساعات ماقالوله انا ولد تخيلو انا اللي دقيت عليه وقتله انا ولدت ولافوق هذا انا توني طالعه من الولاده تقول عطي البيبي حليب لان المستشفى مافيه حليب ويحطونلج الياهل يمي طول الليل ويبجي وانا تعبانه بموووت بس ماكو احساس ولافوق هذا كله يوم خيطوني والله والله ثم والله ان الم مو طبيعي اصارخ عليها اقولها بنجيني بعدين خيطي تقول في بنج والبنج ولاجنهم امبنجيني وانا الحين حامل الحمدالله راح اولد بالخاص انشالله لو اطر فلوس العمليه ولا اولد بالحكومه وعادي خلي الاجانب يلعبون ويمرحون ويتبهذلون بالحكومه احنا شكو

خليه حق الهنود احسن عزر الحكومى شوفى اسهاله من الله اختى مو من الطبيب بس الواحد يبى نظافه يبى سنه يبى ريج حلو انا فى بجرى حبيت اجرب الحكومه دخلت وانا مفتوحه 3 صانتى ودخلت الوضع قلت ابى الحمام قالت السستر يله قومى قلت ابى نعال قالت لا روحى حافيه ويع شسوى كنت ابى اصلى ولما رحت الحمام كله دم وووووووويع قمت ابجى دقيت على زوجى ورحت الدار شفا فرق واضح

انا سعووديه ونعاانى مثلك من اهماال المستشفياات الحكوميه صاار حالتى صدفه هالاسبووع جانى الم وزوجى من كثر مهو عاارف شيسووى قطنى بحكوومى قريب جمب البيت بس اشوماولدت كان بس الم نيموونى يومين عندهم شغوول عاانيت حيل انااادىللمرضات ولا كانهم يسمعوون يخلص المغذى اتم 3 سااعات انطر على مايجوون كانت تعباانه ولا اقدر امشي واسمع حرمه بتوولد وصاارخ تبى وحده من الممرضات تجى ولا في احسااس ابد شغوول بس
كل هذ وتبوونه نولد بحكوومى

نفسهم خايسه وقلاص ماي يوم كامل اطره منهم ماجابولي والغرف والحمامات وصخه والله اشتري صحتي احسن

ويسلمووو

مادرى على اي اساس تبين الناس ترد لمستشفيات الحكوومه انتى شفتيهااا عدل اعوذ بالله تجيب الضيقه

السهالات من الله
ومرات يكون تشخيص الحكومي احسن
بس نفسيا الخاص اريح وانظف

ومع اني سمعت تجارب حلوة مع الحكومي
بس ماافكر اولد بحكومي

بالنسبة لامهاتنا
ترى مستوى المستشفيات ذاك الوقت مو نفس الحين
كان عندهم ضمير ونظام دقيق

افضل الخاص

انا ببجري كنت والدة بخاص شنو معاملة زينة السستر عند راسي تبتسم لي وتمسح علي والدكتور يبتسم والرعاية والعناية والنظافة واهم شي الكمام

وبولادتي الثانية انحديت على الحكومي الطلق حامي معاي والسسترات قاعدين يسولفون و يتضحكون حسبي الله عليهم

واقولها سويلي توسيع تقولي ما تحتاجين ليما انفتق الخياط الاولي وحزتها تغير وجهها ونادت الدكتور اللي شكله تقول جزار لابس بالطو

وصخ وع منهم وزيادة على هذا نفسه شينة وخيطلي واهو ينافخ ما ادري شحقه حاطينهم لاني اعتبر نفسي ولدت بروحي محد ساعدني ولا
خفف عني الا زادوا همي هم حسبي الله عليهم

ولا الحمامات حرام عليج ذكرتيني ما ادري هالعمالة شنو شغلها

الحمامات وصخة الكاشي وصخ الستاير وصخة ما كو ادارات سنعة هذا عيب الحكومي