بنات لو ما فضفضت لكم احتمال يطيح الي ببطني من القهر والعصبية ! :(

قوه بنات شلووووووووووونكم شخباركم

بنات انا ماصارلي متزوجه سنه … والحمدلله حملت … مشكلتي اهي (((((((ريلي ))))))))

ريلي انسان طيب وخلوق بس طيبته زايده عن اللزوم حيل وعلى حسابي انا !!!!!

بتسالوني وين المشكله؟؟؟
المشكله <<< ان ما يعرف يمسك نفسه بالفلوووووس وايد يقطط واااايد لدرجه ينزل المعاش ويصير له 10 ايام ووخلاص يطير فلوسة !!!!!!!!! ونقعد ننطر باجي ال 20 يوم علشان ينزل معاشه مرة ثانيه ….

اهو معاشه على قده … وانا طالبه جامعية … لو اني موظفة جان مدبرة حالي ولا هالقهر الي بقلبي ؟؟
طبعا لمه شفت ان ما يعرف يمسك نفسه ويوفر ,,, انا قمت اخذ منه فلوس كل شهر مبلغ حق ولادتي … وبجذي انحلت السالفه ….
بس قاهرني حيل الله يسامحه !!!! من كثر ما ان طيب حيل يفكر بخواته اكثر مني … مثلا اطرشة الجمعيه يشتري اغراض … يدق واهو بالجمعيه يقولي شوفي اختي شنو تبي ! وكل ساع يقووووول مسكينه اختي لازم اعطيها فلوس للحين ما توظفت !!!!
الي قاهرني .. انا شذنبي كأنه يضغط علي عشان يصرف للكل وانا عادي عنده ما يحسب حسابي .. ولا فكر فيني انا الي كل مرة اساله عن فلوسة واحذرة ان لازم نيمع ورانا بيبي !!!!! مادري ابجي ولا اضحك ؟!!!! @@
وصار موقف بعد ؟؟ احنه تونا متزوجين وماعندي بيبي يعني مو ضروري يوزع عيادي على اهله !!! بروحه مفلس ؟!! عشان ما اكسر بخاطرة من فلوسي عطيته يعطي لخواته وحتى الخدم عطاهم ! بس قلت له صراحه عيد الاضحى مابنوزع …. احنه ورانا مصاريف وايد مو بس ولادة ؟؟ مصاريف البيبي بعدين ؟؟

واللي قاهرني .. اهي اخته متزوجه شكو يحاتيها اكثر مني ؟؟ ما يحاتيني ولا يحاتي الي ابطني ؟؟
شعور خايس حيل =(

مع العلم اني ما قلت لاهلي كلش .. كل ساع اقول يمكن يتسنع .. يمكن عشان توه مو حاس بمسوؤلية الزواج .. بس ماشاء الله مو حاس بمسوؤلية الزواج وحاس بمسؤولية خواته واهله !!!!!!!
كأنه يبدي اهله علي وانا بالطقاق !!!! هذا واحنه اول سنه لنا هاه !!!!
فيــــــني قهر هالكثر بقلبييييييييي كل مرة اقعد ابجي .. شسوي بناااااااااااات شسوي

الله يعينج حااولي انتي تووفرين وحاجيه بالهدووء وقووليله خنفكر بالمستقبل

الله يقومج بالسلامه يارب

قوليله ان لازم يسوي جدول ويوفر

وان انتو اولى بالفلوس

واختها ماعليها قاصر

الله يعينج حياتي .. والله يتمم عليج ريلج بطيبته ..

بس ماعليه ا ا لومنج على طول اخلي لي مصرف منه وايمعه .. اهو صح حلو
الكرم لكن بالعقل .. ومعاج حق بأنه شي يضايق شوي لانه الفلوس انتو اولى فيها
خصوصا مو موظفة ومعاشاه مو قوي ..

لكن فكري فيها انه من طيبة يسوي هالشي مو انه قاعد يقهرج اهو شايف انه موقصركم شي
ويفكر بخواته ويحاتي يمكن ناقصهم شي .. فأهو بتفكيرة انه قاعد يعوض او يأدي دوره ..
لازم تحددين له مصرف لج عشان تضمين حقج شوي لانه يايلكم بيبي ..

ومن الحين جهزي للبيبي .. عشان يضطر انه يدفع حق مصاريفكم .. وان الله قدره
يعطي اللي يبي من اهله على قدرته .. بس اذا جهزتي من الحين راح يضطر يدفع وتضمين انه مايلعب
وتخلصين من شي لج ولبيبيكم ..

والله يهديه يارب .. ويسعدكم ..
موفقة ياقلبي

معـآإها ..
والله يوفقكك ..
=)

بعد عمري ماتقصرووووون ؛( خففتو علي وايد *

سلامات يمه بطيحين اللي ببطنج عشان فلووووس !!!!!!!!

وين المشكله !!!!!

اذا مو مقصر معاج وانتي تاخذين منه كل شهر وتخشين

اشعليج وين يقط باجي فلووووسه !!!

بالعكس كرم منه وطيب اصله قاعد يفكر بخواته و يعطي عيادي

والله انتي بخيله !! في ريال مايعطي عيادي !!!!!!!!

حتى المومتزوج يوزع عيادي عاليهال

بس يمكن انتو ببيكم مو جذي كل واحد خاش فلوسه ومحد يسأل عن الثاني عشان جذي مستغربه الوضع وشايفتها مشكله

بس انا اشوفها جدا طبيعيه حتى انا اذا بروح الجمعيه اسأل اللي بالبيت كلهم تبون شي من الجمعيه

قلبووو صج ششي يقهر بس حمدي رببج موبخيييل
واذا السالفة كذا تنحلل يبا
مصارييف ولادتج كل ششهر تطلبينها جم بنقول 100 طلبي 200 وخلي المية لباجي الشهر لمى تكونون مفلسيي وهيك بتنحل

اي والله عيارة حريم قولي الحمدالله على النعمه الي انتي فيها حاسده خواته الله وكبر عليكم يالحريم والله منتو وجه نعمه صج شوفي غيرج واشكري ربج على هالذهبه الي عندج غيرج ماتشوف الفلس ومتحمده ربها على النعمه وانتي تحسدين خواته انه يساعدهم ماقول الا الله يعينج على نفسج وعلى الطمع الي فيج انا معاج يا الغاليه اوبرا كلامج عسسسسسل والله يعطي كل وحده على نيتها ان شاء الله

بيتغير بعد البيبي الله يقومج بسلامه

امبيييييي جنج تتكلمين عن ريلي
بيجلطني
والمشكله بطريقته محسس الي معاه ان اهو خلاص مسكت
من كثر فلوسه مايدري شيسوي

زين شالمشكــله فلووس وتآخذين منه ومجمعه ع قولتج مابخل عليج
خوآته هم لهم حق عليه وآهو حر نفس انتي بآآجر لي توظفتي هم حره
تعطيني امج تعطين خوآآتج حتى لو متزوجآآت
خليه يعطيج معآآش شهري وحطو ميزآنيه للمآجله ع صوب ولحد يقرب لهآآ
وآصرفو منهآآ والبآآجي هو حر فيه

قلتي الي كنت بقوله