|
|
بنات انا صارلي مده في شخص ظلمني ظلم شديييييييييييييد بدوامي ضرني مضره والله يا بنات لاتنذكر ولاتنقال
تقريبا صارلي سنه وانا ادعي ومنهاره وابجي واتحلم واحس اني اتقطع اقوم وانام بحرتي ونزل وزني وتعبت تعبت تعب
كوابيس وسرحااان بكل وقت وشعري انترس شيب من التفكير وانعزلت عن الناس وبس ابجي 
حسبي الله ونعم الوكيل
حسبي الله ونعم الوكيل
وبنات وانا ادعي اهوكل يوم جدامي يروح وايي ويضحك ومستانس وانا بموت بموووووت اتنفس واكل وامشي بالقصب والله العظيم حسبي الله قطني بمصيبه الله ينتقم منه
المهم بنات الله ما يرضى بالظلم
اناتحريت كل اوقات واسباب الاجابه ومشكوره مقدما كل وحده بتنصحني اشلون ادعي لان سويت كل شي ودعيت وبجيت بكل وقت وكل حزه بالليل والنهار والفجر وكل وقت وبالعمره وبالبيت وبالسياره وبالدوام ما اقدر امسك روحي بكل مكان ابجي وادعي
وتصدقت وكل شي سويت كللللللللل شي
لكن يا بنات الله ما استجاب لي
مو مهم بنات ان الله يستجيب دعوتي الله يخليكم فهموني
بس انا الحين ابي ارتاااااااااااااح
يمكن الله سبحانه يستجيب بعدين او يمكن لا عوضي عليه يعوضني خير
بس ابي اسلم على نفسي
على صحتي
وراحتي
بموت من القهر والتفكير حسبي الله ونعم الوكيل
كل ماقلت انسى او الهى بشي ثاني قصبن علي افكر وابجي
ساعات اقول اذا شي حيل تبييييييينه وكل يوم تفكرين الله ما يعطيج لازم تثقين ان حقج محفوظ
واحاول انسى بس ما اقدر
الي ظلمني قطني ببلوه
بمصييييييييبه
جنى علي بشغلي الله ينتقم منه
اشلون ارتاح
ابي اوصل لقناعه
شي يريحني وحتى مابي شي ابي ارتاح وبسسسسسسسسسس
كل ما قلت برتاح اقول لالالا بدعي وببجي يمكن الله يفرجها بلحظه من باب العباده وحسب الظن بالله
والدعاء والبجي خلوني جلد على عظم وعيوني متفخه وما انام
شسوي بنات والله احترت شسوي
ابي بنت متدينه وتفهم تساعدني
انا اقولج رب العالمين يمهل ولا يهمل
لا تقولين ربي مااستجاب لي
ادعي فديتج بس لا تدعين عليه خلااص
ادعي لنفسج ادعي ربي يريح قلبج ربي يفك المشكلة يرد لج عافيتج
انا يمكن مافدتج عدل بس ماحبيت ادخل من غير مااكتب لج رد فديتج
ربي ينتقم منه وياخذ لج حقج ويريح قلبج ويرد لج عافيتج
ويعوضج خييير ان شاء الله
واحمدي ربج انج مظلومه ولا ظالمه
انا زمان كنت بعمر ال 18 وحده من صديقاتي طاحت ببلوه انا ماادري عنها وماكنت صديقه قريبه مني
لكن يومها كان عندهم مناسبه وكلنا مجتمعات في بيت اهلها وبلوتها كشفها اخوها ومن خوفها حطتها براسي وظلمتني حسبي الله عليها
وانتشر الكلام عني وانا ماادري عن شي وبعد سنين وحده الله يجزاها خير قالت لأمي المهم سمعتي تشوهت عند عايلتها واخوها قايل
لها ان مشيتي مع فلانه اذبحج وانا مظلومه مالي اي يد بموضوعها ولا ادري عنه
امي واثقه فيني وانا الي سويته رحت للبنت وقلت لها وانكرت انه صار شي
ودعيت ان الله ياخذ حقي ومرت السنين وانا اشوفها بالمناسبات الكبيره واموت حسره وغبن على ظليمتها لي وسبحان الله بعد 15 سنه
الله اخذ حقي منها …..وانا والله مادعيت عليها الا اني دعيت ان ربي يكشف الحقيقه خصوصا لأخوها لانه يعرف اخواني ويعرف عايلتنا
والحمدلله يكفي انه عرف حقيقة اخته
حبيبتي لاتخافين الظلم ظلمات يوم القيامه وبيشوف جزاه عاجلا او آجلا
ونصيحتي انقلي من دوامج وحاولي تنسين عشان صحتج
اختي ظلمتها اخت زوجها وفشلتها قدام الكل بشيء مو فيها اصلن وكل ماجاء احد مادرى بالموضوع علمته
اختي ماتت قهر ماقدرت تنام اسبوع كامل لان محد وقف معها والكل اعتبره موضوع تافه ولا اهي ابيدها تسوي شيء
هذا غير اللي الناس جو يقولون لها الكلام اللي طالع عنها
اختي تحسبت عليها لكن مادعت عليها لان يمكن يرجع على اختي
ودارت السنين واخت زوجها تزوجت وانست السالفه
الا اختي تحلم بشيء مقارب لسالفه وان اخت زوجي تعتذر لها وتقول نفس اللي صار لج صار لي
واليوم الثاني ع طووووول ينتشر خبرها ويصير نفس اللي صار لختي
سبحان الله الدنيا تدووووووور حتى بالاشياء التافهه
انتي طمني روحج ان حقج بيرد لج بارده مبرده
وكل ماشفتي الشخص هذا لا تبينين له انج مقهوره للحين
عادي ولا كأن في شيء صح صعبه لكن بتتعودين مع الوقت لين تلهين شوي
والله يساعدج ويرد لج حقج ويبرد قلبج
|
المشاركة الأصلية كتبت بواسطة صعبة المنال ,,
 فديييتج حبيبتي والله عورتي قلبي
انا اقولج رب العالمين يمهل ولا يهمل لا تقولين ربي مااستجاب لي ادعي فديتج بس لا تدعين عليه خلااص ادعي لنفسج ادعي ربي يريح قلبج ربي يفك المشكلة يرد لج عافيتج انا يمكن مافدتج عدل بس ماحبيت ادخل من غير مااكتب لج رد فديتج ربي ينتقم منه وياخذ لج حقج ويريح قلبج ويرد لج عافيتج ويعوضج خييير ان شاء الله |
والله ادري ان الله سبحانه بياخذ حقي ومسيري بشوفه جدام عيني بس المشكله بصدري ناااااااااار مو راضيه تنطفي
وكله ادعي ان الله يمسح على قلبي ويهديني
ياااارب تعطيني حاجتي والله اني مظلومه وربي ما يرضى بالظلم ومستحيل بيخليني لين يصيبني مرض من الهم والعياذ بالله
يارب احفظني
اللهم لاتكلني لنفسي طرفه عين
تسلمين يا الغاليه كافي ردج ماقصرتي
|
المشاركة الأصلية كتبت بواسطة مرتاحة البال
حبيبتي مثل ماقالت الاخت ان الله يمهل ولا يهمل
واحمدي ربج انج مظلومه ولا ظالمه انا زمان كنت بعمر ال 18 وحده من صديقاتي طاحت ببلوه انا ماادري عنها وماكنت صديقه قريبه مني لكن يومها كان عندهم مناسبه وكلنا مجتمعات في بيت اهلها وبلوتها كشفها اخوها ومن خوفها حطتها براسي وظلمتني حسبي الله عليها وانتشر الكلام عني وانا ماادري عن شي وبعد سنين وحده الله يجزاها خير قالت لأمي المهم سمعتي تشوهت عند عايلتها واخوها قايل لها ان مشيتي مع فلانه اذبحج وانا مظلومه مالي اي يد بموضوعها ولا ادري عنه امي واثقه فيني وانا الي سويته رحت للبنت وقلت لها وانكرت انه صار شي ودعيت ان الله ياخذ حقي ومرت السنين وانا اشوفها بالمناسبات الكبيره واموت حسره وغبن على ظليمتها لي وسبحان الله بعد 15 سنه الله اخذ حقي منها …..وانا والله مادعيت عليها الا اني دعيت ان ربي يكشف الحقيقه خصوصا لأخوها لانه يعرف اخواني ويعرف عايلتنا والحمدلله يكفي انه عرف حقيقة اخته حبيبتي لاتخافين الظلم ظلمات يوم القيامه وبيشوف جزاه عاجلا او آجلا ونصيحتي انقلي من دوامج وحاولي تنسين عشان صحتج |
ربي ما يخلي حوبه احد انا ادري ومتأكده والله يكتب اني انتقل وقاعده احاول والله كريم
بس اشلون اهدا
اشلون انسى
ابي اسوي مثلج وانسى السالفه
شسوي
|
المشاركة الأصلية كتبت بواسطة s.a.m.a
انا بعد بقول قصه اختتتي
اختي ظلمتها اخت زوجها وفشلتها قدام الكل بشيء مو فيها اصلن وكل ماجاء احد مادرى بالموضوع علمته اختي ماتت قهر ماقدرت تنام اسبوع كامل لان محد وقف معها والكل اعتبره موضوع تافه ولا اهي ابيدها تسوي شيء هذا غير اللي الناس جو يقولون لها الكلام اللي طالع عنها اختي تحسبت عليها لكن مادعت عليها لان يمكن يرجع على اختي ودارت السنين واخت زوجها تزوجت وانست السالفه الا اختي تحلم بشيء مقارب لسالفه وان اخت زوجي تعتذر لها وتقول نفس اللي صار لج صار لي واليوم الثاني ع طووووول ينتشر خبرها ويصير نفس اللي صار لختي سبحان الله الدنيا تدووووووور حتى بالاشياء التافهه انتي طمني روحج ان حقج بيرد لج بارده مبرده وكل ماشفتي الشخص هذا لا تبينين له انج مقهوره للحين عادي ولا كأن في شيء صح صعبه لكن بتتعودين مع الوقت لين تلهين شوي والله يساعدج ويرد لج حقج ويبرد قلبج |
شفتي يعني انا في شي صح بكلامي لكن محتااااااااااره
اخاف ما ارفع ايدي وادعي يكون هذا من باب اليأس والعياذ بالله واصلا الله سبحانه يحب الي يدعي ويتذلل له
بس كل يوم ابجي وابجي وابجي راح استخفففففففففففففففف
و تعبت نفسيتي زيّكـ و أفزّ من نص الليل أتذكّر الموضوع و القهر مشعلل بقلبي ,, و حسّيت إن نفسيتي أوشكت على الدّمار
فما كان قدّامي إلا حلّ : إنّي أسامحه و أحتسب الأجر عند ربّي ,, طيّب شلون اقدر أسامحه و أنـا كل يوم أشوفه قدّامي
ثم أرجع و أتذكّر الموضوع ؟
الحــل إنّي أغيّر مكاني و أفارق أي حطّة قدم له في اي أرض ,, و بكذا نسيت الموضوع و سامحتــه و أجري على الله ما يضيـع
و نفسيتي زيّ الفل ^_~
عشان كذا : سامحيـه , و ترتاحيـن ^_^
قال الله تعالى : ( فمن عفا و أصلح فأجرهـ على الله )
والله مع المظلوم
|
المشاركة الأصلية كتبت بواسطة ^:عطر الجوري:^
شفتي يعني انا في شي صح بكلامي لكن محتااااااااااره
اخاف ما ارفع ايدي وادعي يكون هذا من باب اليأس والعياذ بالله واصلا الله سبحانه يحب الي يدعي ويتذلل له بس كل يوم ابجي وابجي وابجي راح استخفففففففففففففففف |
السؤال:
ما حكم من يظلمك، وبعد ذلك يطلب منك السماح، فتسامحه بلسانك ولكن من القلب تدعو عليه، نتيجة الأضرار التي لحقت بك من الظلم؟
الإجابة:
الحمد لله والصلاة والسلام على رسول الله وعلى آله وصحبه، أما بعـد:
فقد حرم الله ظلم المسلم وأذيته بغير حق، قال تعالى: وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا
فَقَدِ احْتَمَلُوا بُهْتَانًا وَإِثْمًا مُّبِينًا {الأحزاب:58}، وجعل الله الحق للمظلوم أن يقتص من ظالمه بدون تعد،
وأباح له أن يدعو عليه بقدر جنايته، وتراجع في ذلك الفتوى رقم: 22409.
ولكنه رغبه في العفو، ووعده عليه بالأجر العظيم، قال تعالى: وَجَزَاء سَيِّئَةٍ سَيِّئَةٌ مِّثْلُهَا فَمَنْ عَفَا وَأَصْلَحَ
فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ {الشورى:40}.
فإذا كنت تقصدين بأنك تدعين عليه من القلب: أن دعائك عليه باللسان مع موافقة القلب، فاعلمي أن
الدعاء على الظالم لا يجوز بأكثر من مظلمته، كما أنه نوع انتصار منه، قال الإمام أحمد: الدعاء قصاص
. وقال: فمن دعا فما صبر. أي فقد انتصر لنفسه.
وقد حرض الشرع المؤمنين على مقابلة الإساءة بالإحسان، قال تعالى: وَلَا تَسْتَوِي الْحَسَنَةُ وَلَا السَّيِّئَةُ ادْفَعْ
بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ {فصلت:34}.
فالذي ننصحك به هو العفو عن هذا الإنسان، وخاصة أنه جاء معتذراً، يطلب السماح وليس من خلق
الكرماء أن يردوا من جاء معتذراً، بل إن ذلك من مساوئ الطباع، ووردت أحاديث تدل على وقوعه في الإثم
بذلك..
واعلمي أن في العفو خيراً لك وله، وفي ترك العفو ضرر له، وليس لك فيه نفع،وإياك أن يغرك الشيطان
ويصور لك أن العفو نوع من الضعف وأنه يطمع فيك الناس، فالصحيح أن العفو يزيدك عزاً وكرامة، قال
رسول الله صلى الله عليه وسلم: ما زاد الله عبداً بعفو إلا عزاً.
كما أن العفو سبيل لنيل عفو الله ومغفرته، قال تعالى: وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ
غَفُورٌ رَّحِيمٌ {النور:22}،
والله أعلم.
المصدر: الشبكة الإسلامية .
باذن الله اذا كنتي مظلوم ربي بينتقهم منه لو بعد حين
لاتاجلين الا لربج مهما مرت الايام والاشهر باذن الله ربي بينصرج لوكنت مظلوومه
الله سبحان قادر علي كل شي ولايعجزه اي شي خلج ايمانج بربج كبير
ان سكرت بوجهج الابوب وانظلمتي الجي لربج بس بينصرج باذن واحد احد
بقولج قصة اختي …
اخوي كاان املج وعقب الملجه مرته تبي تتحكم فيه وتبي تتشرط عليه المهم ماصار نصيب وطلقهاا
مرته او طلقيته تبي تنتقم قامت سويت *** ا ورشته عند باب بيتنا اهي ومرت عمها والسحر لاخوي وقامت وسوت *** لاختي عشان اتطلق ولاخوي يكره امراته الثانيه
اختي عقب فتره تطلقت وراحنا للمطوع قال هذا *** وصارت مشاكل لاخوي مع مرته الثانيه صار يكرها
المهم عرفنا ان اهي اللي مسوويه السحر واختي ماضرته والله ثم والله اختي طوول االسنين تدعي ربي ينتقهم منهم
واقسم بالله اختي كانت تدعي عليهم ينتقهم منهم وتدعي علي مرته عمه ينحرق قلبها علي ولدها نفس ماخربت حياتها وهدمتها وتطلقت
اللهم لاشماته مرته عمها ولدها مات قبل عرسه بجم شهر ماهي شماته بس شووفي عقب 10 سنين اشلون الدعوه استجابة والحين طليقة اخوي
شوفي حاله اللهم لاشماته عسي ربي ينفقهم منهم
ادري طول عليج بالحجي بس قدرت ربج كبير فووق كل شي مهما طالت السنين ومرت الايام بيجي يوم تنتصرين
حبيبتي لا تيأسين من الدعااااء ..!!
هذا اختبار من الله سبحانه ..
دايما قولي حسبي الله ونعم الوكيل..
انا مرت علي ظروف دعيت ودعيت والله ما استجاب لي بالشي اللي ابيه بس قلت اكيد خاشها لي بعدين او بالآخره 
باذن الله ..
ولو شنو كانت المشكله حطي في بالج ان الدنيا ما تسوى .. ما اقولج لا تزعلين ولا تبجين بالعكس مرات البجي يريح الانسان
بس لا توصلين لمرحله خلااص تكرهين حتى نفسج فيها عشان واحد ما يستاهل ..