|
السلام عليكم …
بنات تكفون انا بجر وماعندي خبره .. ولدي عمره 6 شهور ووديته المستشفى تنوم يوم وطلعته ورجعت حرارته توصل 39.5 وسويت له اشعه لصدره طلع فيه التهاب رئوي وبلغم ووديته عياده خاصه للاطفال .. مشاءالله عليه فاهم قالي انه صدره متروس بلغم وحليب ومايقدر يتنفس :"( وعطاني يوميا ابر لمدة 6 ايام وارجع له واليوم هذا ثالث يوم لي ماشوف اي تحسن .
ولد اختي حرارته تلزق فيه جذي طلع بالاخير من اللوز
ودي افيدج بس انتي كمديه على طول وردي مره ثانيه حق الطبيب وشوفي شيقولج
وانصحك نصيحه لوجه الله اذا فيه بلغم روحي جيبي من الحواج علك لبان..وذوبيه في ماي دافي واسقيه ..منه على قد ماتقدرين ان مارجع تكرمين بلغم بينزل بالدايبرز الله يكرمك..
والله العظيم انا جربتها بولدي والله مامداني شربته الا مرجع البلغم ,,,
وتكفين ان فع معاك ادعيلي ان الله يسهل ولادتي
وشربيه وااااااااااااااايد ماي
وعطيه علاجه عدل
ولاتنطرين يصخن تعطينه الادول لا قبل مايصخن عطيه يعني كل جم ساعه مثل ماقالولج
واقري عليه قرأن
لا سمح الله لا سمح الله حرارته ارتفعت وديه طبيب تره طواريء الاطفال بمبارك زينين
يارب يشافيه ويعافيه لج بسرعه كله ولا اليهال كربونهم
وبعدين ادهني قاع القدم بالفيكس تخفف الحرارة ان شاء الله
وكلامي مثل كلام البنات
وترى السباحه بالماي الدافي تفيد وااااااااااااااااايد
عن تجربه
بس البلغم مودري لازم تعالجين
لا لاتسبحينه الماي لايجيس صدره
حتى لودافي على طووول كمادات وطفوا التكيف
وولدج لازم يتنوم فالمستشفى على طول كمام ووقائي ليش طلعتيه
ودرب بالوريد افضل ليش طلعتيه ؟؟
وخليهم يفحصونه يمكن معاه التهاب بالبول انا بنتي
صار معاها جذي انا خبره بالصدر لاني بعد اعاني السباحه تهيج البلغم وماتخليه يرتاح
وازمات الصدر اطول ماعليج لاتحاتين طبيعي ماراح تنزل حرارته لان الالتهاب
موجود ورضيعه واهوا قاعد مو نايم وارفعي راسه على طووول
ان شاء الله ماتخلص الابر الا والحراره نازله بإذن الله
اظن كل اربع ساعات تعطينه ادول وعلطووووووووووووول كمادات
والله يشافيه يارب