|
شلونكم كويتياااات
ابي تجاربكم ناويه اوالد فيه بس ناس تمدح وناس تذم فيه
احترت
الي والدو فيه قريب اومن فتره قصير
لاتبخلونة علي بردودكم
الله يجزاها الجنه
يالله بنات عطونا خبراتكم
وايد زين
واسعاره ممتازه
الغرفه العاديه 200 بس طبعا اذا ولاده طبيعيه كمامهم وايد مريح
والدكتوره انا احب الهنديات لانه ايدهم خفيفه
دكتوره ندني
و التساهيل من الله
لو تسوين بحث عن مستشفى لندن بالمنتدى تلقين الأغلبيه يذمونه وفي وايد عضوات والذين هناك شوفي آراءهم
واستخيري
بس ابي تجارب حي وحاليه
يالله ينات واين تجاربكم لحد يبخل عليناااااا
بليززززززززززززز
أنا جربت ولادتهم حلوه وعنايتهم حلوه عند الدكتوره الهنديه كنت أراجع عندها حتى بالسونار صدرها وسيع وتبسط الامور
وخياطها حلو بعد بس وصيها انتي ولاتجينها كلش وانتي فيج الولاده لامريها لادشيتي التاسع وافتحي ملف وفهميها كل شى وحالتج شنو عشان لاجيتي إلا عارفتج وتهتم فيج أكثر
والله يسهل عليج يارب
حبيبتي انا بقولج تجربتي التعيسه مع مستشفى لندن و انت حكمي !!
بس نصيحه من اخت محبه لا تجازفين بحياتج و حياة ولدج الي ياي بالطريج نفس ما سويت انا
انا ماكنت ناويه اولد فيه بس زوجي اجبرني لانه اسعاره رخيصه و مدحوه له اياه ربعه*
المهم : اول مارحت لهم و كنت مفتوحه 2 سم الدكتوره قالت لي ان دمي*
ضعيف و اني محتاجه جيس دم ضروري*
طبعا وافقت على طووول و عقبها اسألتني شنو فصيله دمج قلت لها ب بلس*
تخيلي بدون ما تجيك على دمي و لا على فصيلته قامت و ركبت لي جيس دم*
و قعدت عليه 4 ساعات
و عقب ما خلص على طول العمليات بدون ما يجيكون شصار بدمي*
لما سألتها تقول ماله داعي نجيك
عقبها دخلت غرفة العمليات الي جنها بقاله كل شوي واحد مشرع الباب و داش و زوجي يقوم و *يسكر الباب من ورا الدكاتره*
صار بواب عندهم
طلبت ابره ظهر و انا مجربتها من قبل بولادتي الاولى و عارفه طريقتها
يابوا لي دكتور تخدير هندي و عطاني الابره غلط 3 مرات*
تخيلي ابرة ظهر يعني المفروض ما اقدر احرك جسمي الجزء الي تحت و *
انا قاعده ارفع ريلي بالهوا جدام الدكتور*
جان يقول خلاص ما اقدر ازيد كمية التخدير عطوها كمام بس*
و لي الحين في اثر مكان الابره الي عطاني اياها قبل سنتين مو راضي يروح
المهم ولدت عند الدكتوره الهنديه و صار شويه خبصه بالغرفه بس ماعرفت ليش*
كنت بعالم ثاني من الكمام*
بس زوجي قالي انه لما قصوا الحبل السري المشيمه ارتفعت داخل بطنج و الدكتوره الي موجوده توهقت جان تدق على وحده ثانيه من الطوارئ و اهي الي دخلت ايدها كلها بطنج على قولت زوجي و طلعت الباجي*
تخيلي زوجي قاعد يوصف لي الموقف و انا قمت ابجي كان ممكن المشيمة تخنقني و اموت بهاللحظه*
لي ثاني يوم العصر و انا ما شفت بنتي و زوجي كان عندي بالغرفه ما خلاني
*
كل ما قلت لهم يبوها طلعولي عذر من تحت الارض
المهم قمت و قعدت بالويل جير و قلت لهم انا بشوف بنتي الحين*
و صعدت فوق و هني كانت الصدمه و الطامه الكبرى*
بنتي مدخلينها بالحضانه و انا و زوجي مو بلغينا*
الدكتوره المصريه الي هناك تقول ( ما تخفيش ما تخفيش دي حاجه طبيعيه ) و الله اني لي الحين مو ناسيه الجمله الي قالتها لها و عذرها انه ما كنت ابي اخرعج انت و زوجج فخليت امج توقع عالاوراق*
عشان ندخلها و امي المسكينه ماتدري شالسالفه انصدمت نفسي عبالها اوراق عادية*
و تقول بعد انج و انت قاعده تولدين البنت طلعت و دشت مره ثانيه و شربت ماي من المشيمه عشان جذي مو قادرين يطلعونها من الحضانه*
انزين انت وينكم اهني شلون الياهل يطلع و يدش عيل شنو فايدة الدكاتره الي كانوا واقفين على راسي*
و قعدت تبهدلت مع بنتي عندهم اكثر من اسبوع و المستشفيات الحكوميه مارضوا يستقبلون بنتي لاني يبتها بمستشفي خاص*
و تخيلي**خذوا مني اكثر من ألف دينار بس حق بنتي*
هذا غير حسابي انا و ولادتي و جيس الدم
يعني لو رايحه والده برويال حياه جان حسابي طلع ارخص من لندن **
ادري طولت عليج بس انت و الي ريحج عقب هالكلام ترضين تروحين عندهم ؟؟!