بنآت التربيه الأسآسيه دكآترتي مآ أعرفهم أبي أسألكم عنهم ادخلو بليز ~~

قوهـ بنآت
بحطلكم أسآمي دكآترتي و اللي تعرفونه قولولي شلون نظآمه و زين ولآ لأ و جم أخذتو عندهـ بليز بنآت ترآ مآ أعرفهم وأبي أرفع معدلي لأن عندي انذآر

تدربيآت لغويه = حسن هندآوي

كويت و تنميه = عمآد الطآحوس

تطور فكر تربوي = غآنم الشآهين

مدخل إلى علم النفس = عبدالله العصيمي

لغه انجليزيه 1 = ريم الرشيدي

بليز بنآت إذآ مجربينهم اكتبولي عنهم لأني كلللش مآ أعرفهم

نآآطرتكم

وينكم ينآآآت

اهلين

هندواي سمعت زين ع ماذكر
عماد زين ماعليه يعني حجي
غانم الشاهين يحب يطفر البنات عشان يقبون منه هههه بس بالنهايه لابأس فيه
ريم الرشيدي محد ذمها
العصيمي متتتتتاز وكل وحدا يعطيها حقها وامتحانته سههههله

موفقه

غانم الشاهين حبوب ويعطي درجات ويقدر الظروف خذيت عنده a
ريم الرشيدي الكل يمدحها ويبي عندها بصراحه ماعرفها

حسن هنداوي المختصر المفيد– معظم الطلبة يقولون 5/4
ان مستوى الاختبارات سهل
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 4

التقييم ملاحظات الطلبة – النجوم:
– المستوى: صعب
– الشرح: شرح ضعيف
– حصلت على: D
لا ننصح به
المـادة: تدريبات لغويه التاريخ: 2010-02-23 الطالب: جامعه الكويت رقم التقييم: 1537

على كثر ما سمعت ان هالدكتور زين على كثر ما انصدمت فيه

قالو عنه زين بس انا شفت العكس تماما

حييييييييييييل شديد بالمحاضرات والامتحااان صعب وما يعطي درجات

وشرحه مو ذاك الزود

انا تندمت خذيت عنده

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تدريبات لغوية التاريخ: 2009-10-06 الطالب: velvet رقم التقييم: 1292

دكتور ملتزم بمحاضراته ،، اهم شي عنده الاحترام والاخلاق في المحاضره.

يحب الطالبات اللي يتواجدون في الصفوف الاولى ..

شرحه مبسط وممتاز ، ويعطي امثلة كثيره ..

امتحانين وكل واحد فيهم من 20

واحيانا يطلب الدفتر يشوف شنو كاتبه وياه ومنظم والا لا.

واللي يكتبه اهو نفسه بالامتحانات واهم شي عنده التشكيل

لا تنسين لا فتحه ولا ضمه ولا كسره

والفاينل نفس الشي بس يحط سؤال خارجي وانتي فهاميتج.

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تدريبات لغوية التاريخ: 2009-05-04 الطالب: فطامي رقم التقييم: 1067

الدكتور حسن هنداوي من أروع ما يكون

أخلاق
احترام
ابتسامة

ممتاز في إيصال المعلومة، ورغم انني كنت أتوقع تقديراً أقل بسبب عدم حبي لقواعد اللغة العربية ، لكنه جعلني أستلطف القواعد ببساطتها التي شرحها .

امتحاناته تأتي تماماً كما يشرحها في المحاضرة،أما في الإمتحانات النهائية يغير المثال فقط .

دكتور يستحق الإشادة

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تدريبات لغويه التاريخ: 2008-05-14 الطالب: LISA رقم التقييم: 630

صراحه دكتور ممتاز والله

والتزم معاه بالحضور والغياب واكتب اللي يشرحه وتاخذ عنده A وانت مرتاح

اللي يكتبه يجيب نفس المثال اللي يكتبه بالاختبار مايغير فيه وامتحاناته سهله والله وماقصر عطاني A

الامتحان الاول خذيت 20 من 20
والثاني 18 من 20

بس دكتور رووعه

فديتج عوآر قلب مآآآ قصصرتي

عماد الطاحوس المختصر المفيد– معظم الطلبة يقولون 5/4.8
ان مستوى الاختبارات سهل
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 5

التقييم ملاحظات الطلبة – النجوم:
– المستوى: سهل جدا
– الشرح: شرح ضعيف
– حصلت على: B
ننصح به
المـادة: كويت و تنمية التاريخ: 2010-07-11 الطالب: aSSoSa رقم التقييم: 1758

قمة في الاحترام اسلوبه راقي حيل بس المشكله ان اول مره تمر علي طريقته و حتى طريقة امتحانته ما كنت متصوره ان سهل كنت خايفه و ما درست عدل حطيت الشرح ضعيف لان مو اهوه اللي يشرح الطالبات يشرحون الماده و للامانه اهوه شرح شوي شرحه حلو بس اغلبية الشرح كان على الطالبات

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: الكويت والتنمية التاريخ: 2010-02-28 الطالب: الحلا رقم التقييم: 1567

السلام عليكم

اول شي احب اقول اني كلي فخر اكتب كلمه عن هالدكتور!!
صراحه دكتور قمه في التعامل انسان راقي جدا وكان يعطينا الماده بشكل حيييل سهل ومبسط

اهم شي عنده الحضور يعني ان التزمتي وياه بالحضور راح تطلعين من هالماده وانتي مستانسه ان شاء الله

صراحه كنت انطر محاضرته لأنها حدها حلوه وخفيفة ومايعترف بنظام الواسطة وهالسوالف

اتعبي عنده بالتلخيص والشرح وصدقيني الله ماراح يضيع تعبج وياه

عطانا امتحان قصير مقالي عليه 10 درجات باصعب فصلين بالمذكره عشان مايدش ويانا بالفاينال,,,جاب سؤالين اختاري واحد منهم ووجاوبي عليه السؤال الاول مكون من أ و ب كل قسم عليه 5 درجات والسؤال الثاني اكتبي 10 جمل مفيده بالبحث اللي كل وحده سوت عليه صراحة كان مفاجأه حيييييل هالسؤال واكيد اغلبنا اخترنا نجاوب عليه

امتحان الفاينال كان بااربع فصول اذا ماكنت ناسيه بس صدمنا فيه حيل لأنه كان عباره عن 25 سؤال اكملي فراغ كل سؤال عليه درجتين

بالنسبه لي ماسويت عدل بامتحان الفاينال بس طلعت بقريد حلو الحمدلله

والله انصح كل البنات انهم ياخذون عنده لأنه شخصية فذة بكل ماتحمل الكلمة من معنى

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: كويت وتنميه التاريخ: 2009-12-19 الطالب: ريانه رقم التقييم: 1370

موخذت عنده سحبت خفت منه مادري ليش

– النجوم:
– المستوى: سهل جدا
– الشرح: شرح متوسط
– حصلت على: A
ننصح به
المـادة: الكويت والتنميه التاريخ: 2009-12-08 الطالب: smarties رقم التقييم: 1347

اول شي مو مخلصه الماده .. بس متوقعه A ان شاء الله

دكتور عماد ..مادري من وين ابتدي

بالاول كشيت منه .. ويا ربي شهالدكتور ؟؟

بس عقب ما عرفناه عدل .. اقول ودي ما يخلص الكورس

دكتور محترم .. ومو مسيب الامور .. ومسهل الماده

طريقته بالشرح ..

1. يقسم الشعبه قروبات على عدد فصول الكتاب
2. كل قرب يلخص فصل
3. الفصول تتجمع مع بعضها وتصير مذكره ندرسها بدال الكتاب << شنو اسهل من جذي ؟
4. كل طالبه تشرح الي لخصته ..

القروب الي يشتغل صح يعطيه اووف

واهوا يتدخل شوي ويروووح بمواضيع ثااانيااااا
بس هم يونس

اما تقسيم الدرجات ..
طبعا 50 فاينل
10 عالحضوور .. الغياب الواحد عليه درجه
10 شرح التلخيص
10 بحث
10 شرح البحث
اممم نسيت اخر 10 على شنو

بس ما راح يخلينا نشرح البحث بخليه امتحان من 10 عشان يخفف الفاينل

وجنه قالنا انه امتحان الفاينل 25 جمله اكملي الفراغ .. الله يسهل

دكتور عماد .. الله يعطيك الف الف عافيه ..

الي تحصل عنده لا تطوفه

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: الانسان التاريخ: 2007-08-24 الطالب: sweet رقم التقييم: 126

أستاذ يفهم و طيب ويساعد وعيد الامتحان ويخلي المادة سهلة جدا

سووري ترى مالقيت غيرهم

عسى الله يوفقج

يَ حيآتي وربي طمنتيني حييييل الله يوووفقج

طبعي مزآجيه

فديتــــج والله مــآآآآ قصرتـــي حييييل ريحتيني لأن هالدكتورين بالذآت موو سآمعه حتى أسآميهم
مـآآ قصرتــي الله يوووفقج بدرآآستج

ريم الرشيدي
و العصيمي
والطاحوس
وغانم شاهين

كلهم زينين

بس الهنداوي ماسمعت عنه

ماعرف فيهم الا الدكتور عماد الطاحوس خوش دكتور
ويخليج تشرحين ويسويكم على شكل مجموعات تلخصون الكتاب
يعني بالنهايه تسون مذكره انتو مختصرينها

العفوو يااقلبي ما سويت شي

وااميييييييييييين وياج يالغاليه

عماد الطاحوس

غانم الشاهين

عبدالله العصيمي

هذيل زينين والبنات يمدحونهم

والباقي مااعرفهم

بالتوفيق

عبدالله العصيمي ممتاز خوذي عنطه وانتي مغمضه

الاختبارات سهله جدا والشرح ممتاز ويعطيچ حقچ