|
|
أنا لما سجلت في جامعة برا الكويت محد علمني رحت بروحي سويت كل شي بروحي والله العظيم
ورحت وايد اماكن ووايد ضيعت ومابقى مكان مارحتله ماكنت ادري شسالفه ولا وين اروح
وسألت بنات يدرسون برا نحسسس مايعلمون المهم الحين عرفت الطريقه والاجراءات الصح
وبقولكم الطريقة الاجراءات علشان تسون شغلكم بنفسكم لحد يقص عليكم
ولما قمت اشوف في جم موضوع ناس نفوسها ضعيفه وتحاول تفص عليكم وتستغلكم احتريت الصراحه وحطيت هالموضوع
المهم اللي تبي تسجل وتدرس في جامعه خاصه برا الكويت
تسوي هالخطوات والاجراءات و الطريقه كالتالي :
(1) تروحين التعليم العالي تسأل عن الجامعات المعترف فيها مبنى 2 وهم تسألين عن التخصصات المعترف فيها
لأن في جامعات معترف فيها بس في تخصصات في نفس الجامعه مومتعرف فيها
(2) تاخذين من التعليم العالي اوراق فيها اسامي الجامعات والتخصصات المعترف فيها وعناوينهم وتلفوناتهم وويب سايتهم
طبعا في قسم في التعليم العالي للجامعات العربية وفي الجامعات الاجنبيه وفي موظفات متخصصات للبكالريوس
وفي موظفات للدبلوم وفي الماستر والكتوراه
(3) بعدين ترديتن البيت عقب ماتتغدين وتنامين العصر وترتاحين تصلين صلاة الاستخاره
وتدخلين سايتات الجامعت وتسألين عن الجامعه ونظام الدراسه والتخصصات طبيعة الدراسة.. وغيرها
في الاماكن التالية
اذا الجامعه عندها منتدى تسألين عن الجامعه في المنتديات ملوت الجامعه
أو اي منتدى
أو في الفيس بوك او اي مكان في النت
أو تروحين كليتج اللي درستي فيها وتخرجتي وتسألين دكاترتج الحبوبين عن الجامعات لانهم يعرفون عن الجامعات
أو تسألين في سفارة الدولة اللي تبي تدرس فيها عند الملحق الثقافي
أو اذا تعرفين احد يدرس في الجامعه اللي تبينها تسألينه عنها
أو تسألين رفيجاتج يشوفون يدرون ويساعدونج اذا يعرفون احد دارس في هالجامعه
أو تتصلين على الجامعه نفسها وتسألينهم عن اللي خاطرج فيه
أو الموظفات اللي في التعليم العالي يعرفون عن الجامعات
واذا حصلتي احد عنده دليل طالب الجامعه اخذينه واقريه عدل
وضروري تخزين رقم تلفون الجامعه في موبايلج
(4) بعد ماتختارين الجامعه وتسألين عن التخصص وتتأكدين انها معترف فيها وهم التخصص معترف فيه
وخلاص تقريرين قرار نهائي شنو الجامعه الللي تبين تدرسين فيها ويا التخصص
(5) تتصلين على الجامعه وتسألينهم عن مواعيد التسجيل من الساعه جم لي جم يستقبلون المستجدين ومتى يفتحون
لان في جامعات تكون فاتحه بس التسجيل يكون مسكر
(6) تجهزين الاوراق المطلوبه ( الاوراق اللي طابتها الجامعه )
مثل صور من شهادة الثانوية + الدبلوم + صور شخصيه + صور من الجواز …..الخ
(7) تروحين وزارة الخارجية صايرين يم هلال الاحمر اللي بشويخ وتصدقين شهاداتج
وفي رسوم على الطابع جنه 10 مااردي 5 دنانير راح يحطونلج طابع ويوقعون على الشهادات واذا بتروحين وزارة الخارجية روحي قبل ال12ولا تحاتين تخلصينها في نفس اليوم بس لازم تروحين مبجر
(8) تروحين السفارة اللي انتي تبيت تدرسين فيها وتودينها الملحق الثقافي
وتعطينهم شهاداتج اللي موقعين عليها وزارة الخارجيه علشان يحطون عليها طابع الدوله
االلي تبين تدرسين فيها والطابع عليه رسوم على حسب السفارة وحسب كل ديره
(9) تسافرين وتروحين الجامعه ومعاج كل الاوراق المطلوبه ومعاها نسخ زياده من الاوراق المطلوبه
زيادة الخير خيرين تزيد الاوراق ولا تنقص
(10) تروحين قسم التسجيل بالجامعه راح يعطونج طلب الالتحاق وتسجلين بياناتج والتخصص
واذا في امتحان قدرات روحي سجلي مو عد للامتحان وبعدين تدفعين الرسوم
(11) تسألين التسجيل عن المكاتب الدكاترة وين صاير وتسألينهم عن مرشدج شسمه
(12) تروحين للمرشد وتاخذين رقمه و ايميله ضروري وتسألينه عن كل شي
وكلمت استحي مسحيها من قاموسج اذا بتستحين تسألين بتضيعين لازم تسلأين عن كل شي في خاطرج
في شغلات يمكن تكون بسيطه وتعتبرينها تافهه بس بعدين لما تسأبين الدكتور تطلعع مهمه
وسألبه متى اسجل مواد وشلون الطريقه
(12) اذا كان مطبقين على الجامعه نظام الكوتنا
تروحين المحلق الثقافي الكويتي في الديرة اللي انتي فيها علشان يوقعون على قبولج بالجامعه
في جامعات يقولونج احنا نودي اوراقج للملحق الثقافي الكويتي على حسب الجامعه
(13) بعد مايوقعون على الموافقه تردين الجامعه وراح يعطونج شهادة القبول
ولا تنسين تسجلين مواد وتاخذين الجدول وتاخذين ورقة من المرشد فيها كل لمواد المطلوبه منج للتخرج
واذا كنتي تبيت تكملين بكالريوس تعادلين موادج وتاخذين شهادة المعادلة
(14) لما تردين الكويت تروحين التعليم العالي مبنى 4 علشان تصدقين
شهادة قبولج بالجامعه وتكون درستج معترف فيها ومصدقين عليها و معاج تودين شهادة القبول مالت جامعتج
وتودين معاج اوراقج مثل شهادة الثانوية والدبلوم اذا كنتي تبين تكملين بطالريوس والصور شخصيه
وصور من الجواز والبطاقه المدنيه ….الخ
راح يقولونلج اذا خلصت الورقة وصدقنا وتوقع عبيها وكيلة وزارة التعليم العابي راح نتصل عليج
بعد 10 ايام او اسبوع راح يتثلون عليج علشان تاخذينها
وبـــــــــــــــــــس 
|
المشاركة الأصلية كتبت بواسطة ocean
 حلوه حق الماستر تسلميييين و يعطيج العافيه حبوبه و انشالله الكل يستفيد مشكوره
|
حتى البكالريوس عفوا حبيبتي نورتي الموضوع
|
المشاركة الأصلية كتبت بواسطة spanish-girl
خوش موضوع يعطيج العافيه
|
الله يعافيج حبيبتي نورتي الموضوع .gif "Eh S(17)")
ان شاء الله ناويه اكمل ماستر بس اتخرج اول من بكالريووس
ويعطيج العافية ..
|
المشاركة الأصلية كتبت بواسطة اشغلت بالي
تسلمين حبيبتي ماقصرتي
|
الله يسلمج حبيبتي 
|
المشاركة الأصلية كتبت بواسطة القصار
من صج يعطيج الف عافيه انا عاد بكمل ماستر بس ناطره التسجيل شهر 6 ان شالله بإذن الله و بسوي الي قلتيييي عليه ولا انا كنت ناويه اروح مكتب ولله
|
الله يعافيج والله يوفقج حبيبتي
نصيييييحه لا تروحين مكاتب
والله التسجيل مايبيله شي انتي تقدرين تروحين وتخلصين كل شغلج في يومين بالكثير
شغلج كله بالامكان التالية وكلهم قراب من بعض :
(1) جامعتج اللي تخرجتي منها (علشان تاخذين شهادتج ) اذا خريجة جامعة الكويت في شويخ
واذا التطبيقي تروحين العديليه واذا عندج نسخ من شهادج مايحتاج تمرينهم
(2) التعليم العالي يم جامعة الكويت اللي بشويخ
(3) وزارة الخارجية بشويخ يم هلال الاحمر
(4) السفارة الديرة اللي تبين تدرسين فيها (الملحق الثقافي)
واذا رحتي مبجر على الساعه 12 او 11 تكونين خالصه كل شغلج
بس اذا في السفارة زحمه يمكن يطولون ويقولونلج تعالي باجر
|
المشاركة الأصلية كتبت بواسطة أفوق الوصف
مشكوووره وتسلم ايدج حبوبه ..
ان شاء الله ناويه اكمل ماستر بس اتخرج اول من بكالريووس ويعطيج العافية .. |
العفو زالله يعافيج حبيبتي
حتى البكالريوس نفس الطريقه
|
المشاركة الأصلية كتبت بواسطة miss dal3
بعطيج الف عااااااافية
|
الله يعافيج
بس انا رحت التعليم العالي وما عطوني ويه وحدة تحذفني على الثانية انا ابي اكمل ماجستير تخصصي رياض اطفال ابي اعرف شنو خياراتي حق الماجستير شنو اقدر اتخصص فيه والجامعات المعترف فيها ..التعليم العالي قالولي عندج موقعنا جيكي منه وموقعهم كله يكون في عطل ما ادري شسوي والله احترت منو يقدر يفيدني بتخصصي حق الماجستير ؟؟