|
|
التعامل مع الزوج اولا : اياكي وتحقيره او التقليل من شأنه مهما كان حسسيه دايما انه مهم في حياتك وانه رجل عظيم راح تشوفين نفسك بعد فتره بسيطه انك انت المهمه في حياته واعظم امرأه
ثانيا : اياك ومراوسته ( يعني لا تحطين راسك براسه) اذا عصب التزمي الصمت حتى لو كان هو الغلطان وحذاري ثم حذاري تردين عليه في هذي اللحظات بل ّّّّّّّّّّّّّّّ<<<<<<< مزيج من الفصيح والعام خخخخخخ
اصبري الين تهدئ العاصفه على الاقل ب3 ساعات ثم قوليله انت فاهم الموضوع غلط لا حظي الي تحتها خط انتبهي تقولين له انت الغلطان علشان ماتقوم القيامه مره ثانيه
صدقوني يابنات الرجال مايرتاح لين تصير كلمته هي لاخيره شنو انت خسرانه لو سكتي بالعكس راح تنتهي المشكله بسرعه.gif "Eh S(1)")
ويرجع البيت هادي لكن اذا رديتي عليه راح تتأزم الامور والي عندها عيال التفتي وشوفي عيالج وشلون وجيهم وقت الهوشه والله هذا الشي راح يأثر على نفسيتهم..
وصدقيني هو في الاخير راح يجيلك
ويحاول يعتذر اذا انسان فاهم
اما اذا كان قفل فراح يحاول يرقعها بشكل غير مباشر
ثالثا : اياك والعناد فهو مدمر للعلاقات اذا كان نفسك في شي وابو الشباب رافض لا تعاندين واتسوين الي تبين لان هذا الشي يناقض البند الاول من النصائح فعنادك له اكبر دليل على انه ولا شي في حياتك..
حاولي تقنعينه بالي تبين واول ماتحسين انه عصب غيري الموضوع وبعد فتره ارجعي وكلميه وهكذا وكل مره جيبي له فيها مبررات لطلبك واطلبي منه مبررات لرفضه.
صدقيني في الاخير راح يرضى بس انت تصرفي بهدواء وراح تشوفين انتيجه بس المسأله يبيلها وقت
انا هذي سياستي مع ابو الشباب والله انها جابت نتايج ماكنت احلم فيها
رابعا : وهو تابع للبند السابق اختاري الوقت المناسب لنقتك (طلبك)
لا تطلبين منه شي وهو معصب او تعبان لانه طبيعيا راح يقول لااااااااا لو طلبج دينار
لا تطلبين منه شي والعيال يركضون يمين يسار ويلعبون عندكم لانه راح يتوتر وراح يتهرب منك بهواش العيال.. اجل متى؟؟؟
اذا صرتو على الفراش وهو مسترخي ومرتاح اطلبي بدلع وترجي
مو امر، تكفى يابو فلان لا تفشلني ومن هالكلام وانتم في السياره بعد سالفه حلو بشرط يكون مروق ولا طولين يكفي انه يحس انك مصره وكل ما حسيتي ان الوقت مناسب اطلبي بكلمه اوكلمتين وبعدين قفلي عالموضوع يمكن اطول السالفه يمكن تحتاجين اسبوع ويمكن شهر ويمكن اقل حسب طلبج وحسب يبسان راس ابو العيال بس انت طولي بالك وخليك صبوره.
ملاحظه/ فاقد الشيء لايعطيه عطي زوجج الي يبيه وراح تلقينه معك مثل المسحور.
الرجل مثل الطفل لازم تتعاملين معه بطريقه خاصه لانه هو جنتك ونارك..gif "Eh S(6)")
اذا رضى عليج راح يعيشج اميره واذا زعل………….. الله يكفينا الشر..
اسفه على الاطاله لكن هذي سياستي والحمدلله مريحتني عالاخر قلت اسدحها لكم يمكن تستفيدون…
ام ناصر الرويلي 
على الأقل ارفعووووووووه
ونصايحج حلوووه
ما يعجبهم العجب ولا الصيام في رجب ؟؟
شخصيتهم معقده .. ومملين .. ومالي خلق زوجي .. وودي اذبحه
ادري كلامي ماله شغل بالموضوع بس طفرانه حدي .. وفشيت خلقي عندكم
يسلمو على الموضوع اللي ماراح انفذه لأني زهقت اني انا دايما اللي اتنازل واضحي واسكت واصبر وهو من اقل شي عصبيه وصراخ ومادري شنو … خلاص طقت روحي
| انتبهي تقولين له انت الغلطان علشان ماتقوم القيامه مره ثانيه صدقوني يابنات الرجال مايرتاح لين تصير كلمته هي لاخيره شنو انت خسرانه لو سكتي بالعكس راح تنتهي المشكله بسرعه ويرجع البيت هادي لكن اذا رديتي عليه راح تتأزم الامور |
والله كلامج عيييييييين العقل
التذكير حلو ومهم .. ومشكورة جدا جدا . . وعسى الله يسخرلج زوجج ويهنيكم ويكملج بعقلج
بس تدرين مشكلتي اذا تجادلت مع زوجي ولو شي بسيييط علطول أزعل وانتقده وايد وتزيد الطين بلة .. وبعدين ارجع يكسرلي خاطري اقول ليش انا جذييييي .. بتصرف بعقلانية ..
ووووبس..مشكورة مرة ثانية
نصائحج صحيحه و ممتازة ، بالنسبة لي استحي اطلب منه فلوس كل شهر ؟؟ شلون اعلمة ان هالشي يطلع منه ماله داعي اطلب ؟؟
و عسى الله يرزقني و يرزقكم الصبر و الحكمة و سعة الصدر و يقل فينا العناد .
هم هالشى ياثر على نفسيتتى ويخلينى اينى يوم وانفجر صح ..؟
الله كريم انشالله ربى يهديهم ويسعدنا وياهم ويعينا عليهم ..
وأحنا الله يعينا عليهم وعلى نفسيتهم ألي تغث الواحد دايم نفسه بخشمة على شنو؟؟؟؟؟؟؟؟؟؟؟؟؟؟؟