|
|
السلام عليكم بنات
اول شي اتمنى ترحبون فيني انا يديدة بينكم و هذي اول مشاركه لي و للاسف اتمنى تعذروني على هالسؤال الغريب بس ابي اعرف
شنو تسوين و شنو يسوي زوجك او تبينه يسوي لو صار لك هذا الموقف:
انتي متزوجه من 3 سنين و عايشة في شقه مع ريلج و معاشه يالله يكفيكم حده حده و اهل ريلج راهين ماديا من عمارات و محلات لكن ما تاخذون منهم شي لان ما يبن يصرفون على ولدهم اذا بيصرف فلوسهم على زوجته. بس انتي ما همج اذا حياتج مع زوجج و مع هذا تموتين عليهم مو مسوية و لااااااااا شي تحبينهم و عبالج ان يحبونج و عبالج ان كل شي بينكم مثل العسل …… و ريلج من النوع اللي مخليج على راحتج بس اهما يبون يتحكمون فيج و يفرضون عليكم التالي……
1- ان ريلج يعطيه امه و اهله فلوس من معاشه (معاشه غصب يكفيكم).
2- تروحون لهم كل يوم مهما كانت الظروف (المشوار قريب الساعة الا كل درب)
3-زوجك يشتغل في الوظيفة الي امه قدمت له عليها من غير رايه و من غير لا تتدخلين انتي
4- لازم تلبسين اللبس اللي امه و خواته يحددونه لج (رغما عن ذوقك و قناعاتك)
5- زوجج ما يشترلج سيارة و ما يبونج تسوقين سيارة و يقولون احنا نوصلج و ناخذج
6- لازم ولدهم ما قام يكتب ابحاث و تقارير اخوانه و خواته الجامعيين بنفسه و اهما بس نايمين طول اليوم و يسلمونها بأسمهم في الجامعة اخر اليوم (تقبلين يستغلون اخوهم لمصالحهم الى درجة يهملك و يهمل بيته و تتحملي)
7- تسكنون وياهم (بيتهم فيه وايد رياييل من عيالهم و وايد ناس داشة و طالعة و ما تاخذين راحتج و ما يسمحولج تطلعين مع احد الا وياهم)
8- ما يرضون تلبسين اكسسوارات و قلايد بره الا في البيت بس (جد و الله)
و لما ما سمعتي الكلام و قلتي لهم خلونا نعيش حياتنا و زوجك قال لهم مرتي و انا ننياز و لا تتدخلون، قاموا اهله و سووا التالي عشان يطلقونك منه غصب……
1- اهله نشروا بين الناس انج كنتي حامل منه قبل الزواج لكن اجهضتي
2- كانت تربطج بولدهم علاقة زنا قبل الزواج
3- زواجج من ولدهم باطل
4- اهلج يمارسون الخرام من شرب و تدخين و زنا
5- قالوا عن ريلج (ولدهم) ان يسكر و يتعاطى مخدرات و بمارس زنا مع بنات غيرج
6- ريلج عنده ولد من وحدة ثانية بالحرام
7- امج تغري رجال غرب
8- ابوج عنده شقة منكر
9- اخوك الصغير مو اخوك من صج بل ولد اختك من زنا و تبنوه امج و ابوج
10 – قالوا ان عقد زواجك باطل لان الملاج اللي يابه ابوج هندي و كان سكران
طبعا يكون كلامهم كل تأليف و جريمة مدبره و تهائم ملفقة و حتى زوجك (ولدهم) يعرف ان مو صج الكلام هذا و ما صار
و على فكره نشروا هذه الاشاعات بس بين اهلج من صوب ابوج و امج
و ما فكروا ان الاشاعات راح توصل لولدهم و انك راح تطلبي الطلاق بصمت عشان لا اصير مشاكل لكنه درى باللي سووه…. شنو راح تسوون؟؟؟؟؟؟ تقاطعونهم؟ و على فكره امه اهيا اللي ساعدت بناتها على عالشي و اهله كلهم واقفين ضدك و ضد زوجك شنو تسوين؟؟؟ و اذا انكروا ان اهما نشروا الاشاعات رغم وجود ادله (مسجات بصوتهم على موبايلات الناس و ايميلات من عنوانينهم) شنو تسوين؟ شنو يسوي ريلج او شنو تبينه يسوي؟ هل تسامحينهم؟؟ شنو موقف زوجك؟؟؟ الرجاء المشاركة الموضوع واااااااااااايد حساس الله يعافيكم
شنو هاذا @@
الله لا يبلي احد بهلموقف يارب !!
بصراحه لاتعليق شي يشيب الراس الي قلتي مادري شعلق !!
يمكن اذبحهم كلهم واولهم امه !!
يعني اذا واقع على الدنيا السلام !!!!
لا تحرمونا من مساعداتكم الله يخليكم!
الله ينتقم لها من هالجبابره لان شكلهم مو هينين واذا اهي صج مظلومه دعوتها ما راح تنرد لان
دعوة المظلوم مستجابه
اعيش مع ريلي دام انه واثق فيني وانا واثقه فيه
حسبي الله ونعم الوكيل !!
طبعا ما اتطلق عشان ماتثبت هالاشياء على نفسها تستمر بزواجها واتقاطهم للابد هذول ما عليهم حسوفه
واااااااااااي لهدرجه قوبهم ميته
مااسامحهم اكيـد
نصيحة مجربة : قولي لها خلي الباجي لرب العباد اهو يتكفل فيه بس خلها تقول : حسبنا الله ونعم الوكيل
واذا اهي خلاص وقفتهم عند حدهم وهذا رد فعلهم على وقتها بويههم لأانه الصراحة من حقها تاخذ وقتها وحقها من زوجها ..قولي لها خل تصبر وتزيد الحب لزوجها
الله لا يقوله لو كنت انا بالمواقف هذي اول شي اسويه
اشتغل واطلع انا وريلي من بيتهم من غير ما اخذ رايهم
اهم شي اشتري راحتي وكرامتي وكرامة اهلي
دام ريلي راضي عني اهله بالطقااااق
الله يعينج ويقويج على ما ابتليتي فيه
صراحه شي يشيب الراس
مسكينه
