بخصوص مقابلة وزارة العدل بليز دشوا

بنات دقوا علي وزارة العدل عندي مقابلة يوم الثلاثاء شنو الاسئلة للي يسالونها بالمقابلة انا تاريخ يعني عن شنو راح يسالوني بليز اللي تعرف تساعدني

شنو تخصصج

انا تخصصي تاريخ

اب اب محد عنده فكرة

حبيبتي اسئلة عاديه شنو تخصصج وشنو كتني تدرسين وشنو عن درجاتج وتقديرج وشنو هوايتج وشنو حاطه فبالج تكون وظيفتج والاكيد انهم راح يقولونلج عندنا نقص بالوزاره ولازم دوامج بالمجمع الي بالمرقاب وتسوقين وحالتج الاجتماعيه يعني اسئله سخيفه بس رهبه عاديه لان جم شخص بيكون موحود بالغرفه

يبي يسالونج انتي تخصصج تاريخ ليش مقدمة علي وزارة العدل يعني ليش مارحتي التربية ومن هالاسوالف ويمكن يسالونج عن تخصصج فوليلهم عن بالمختصر واهم شي خلج ريلاكس ولا ترتبكين والله أعلم.

مقابلة العدل يسئلونج عن تخصصج وشنو يحتويه وبعدين يسئلونج أسئلة في تخصصج وبعدين يقولولج وين تبين أي قسم عاجببج ويقولولج تتوظفين سنتين إلزامي في مجمع الوزارات وإنتي ديري بالج وافقي موافقة مبدئية وبعدين حاولي تييبين واسطة وينقلونج بإذن الله

مشكورين بنات

شسويتي على مقابلتج شنو الاسئله الي سالوج اياها
انا باجر موعدي وتخصصي تامين
ومو عارفه شلون الطريقه

انا خلصت المقابلة وقالولي انقبلتي بقصر العدل ادارة التنفيذ الجنائي والاتصالات الخارجية طبعأ ماعرف ولا شي عن هالقسم اللي تعرف تفيدني

حبيبتي محاميه الله يوفقج يارب
انتي محاميه صح
فيبونج العدل
شنو طبيعه الاسئله اللي اسالوج اياها
يعني عن تخصصج اكثر شي

هلا والله الاسئلة الله يسلمج اكثر شي عن دراستي وعن الوزارة وشنو مهام الوزارة الاصلية وتنقسم الى جم جهاز
يعني نشفو ريجي بالاسئلة اف اف
ومشكووورة على هالدعوة الحلوة

ياابعد قلبي والله كويتيه بالخاارج

لا انا ماقبلوني بادارة التنفيذ انا قبلوني بمكتب التنفيذ الجنائي والاتصالات الخارجية هذا اللي ماعرف عنه شي ولا حتى رواتبهم ماعرف جم تقريباً
ومشكووووورة وااايد وان شاء الله اكمل ماجستيير يارب

اليوم رحت مقابلتي والحمدالله سهله كله عن تخصصي وشلون اتعامل مع الناس وباي قسم حابه اشتغل وبس
قالولي انردلج خبر والله يوفقنا