|
|
قوة بنات وكروشات وامهات 
حبيباتي عندي أسأله عن وقت الولادة انا للحين بالخامس بس حابة اعرف كل شي من الحين ^^
اول شي : لما احس بالولادة وأروح المستشفى وين اروح بالضبط اروح لدكتورتي والا طوارئ والا اي صوب ؟!!
واذا قالولي الرحم مفتوح شوي يعني ما يودوني الولادة وانا احس بطلوق وأبي الكمام شنو يحطون لي وين باي غرفة ؟!!
واذا كان الرحم مفتوح و بيدخلوني الولادة متى يعطوني عزكم الله الحقنة واذا كان الرحم مفتوح وايد ضروري الحقنة والا لا يمشونها ؟!!
واذا في أشياء غيرها أتمني تذكرونها لي
وبس …
عسى الله يسهل علينا و ع كل حامل و يرزق كل محرومة قولو امييييين .
وانا بعد بجريه كنت بشووف الرد .. وان شاءالله البنات بيفيدونااا
الله يسهل علينا وعليج
ياليت البنات يفيدونا
بس بقولج الي مريت فيه
اول شي اذا يالج طلق او نزل ماي او دم اي شي من بوادر الولاده ترووحين الطوارئ اذا مفتوحه يقولون يالله ولاده او يسوولج تخطيط اذا بين عندهم طلق ولاده وصعدونج غرفه عاديه وتدقين علي دكتورتج تعطينها خبر علشان تيي لج وقت الولاده
والدكتور يقرر اذا يدخلج ولاده او يقولج ردي بيتكم
ويعطونج الحقنه مثل ماقتلج لمن يشووف الدكتور ان حان وقت الولاده
انا خذيتها كنت مفتوحه بس سانتيين لان نزل ماي البيبي كلللله
اذا تبين كمام او ابره او اي شي كل هذا بغرفه الولاده
والله يهون عليج
توج بالخامس لاتحاتين ولاتفكرين بالولاده
انا بقول لج تجربتي
انا اول ماجاني الطلق رحت على طول
المستشفى الطواري وفحصني الدكتور المناوب
ولقاني مفتوحه 3 سانتي جان يقولون لي ولاده دخلوني
ودقوا على دكتوري وجاء ولدني وبس
والسهاله من رب العالمين
كل شي اسال عنه
شوفي اول ما اتحسين بعوار او نزول دم او ماي سييده الطوارئ بعدها يفحصج اذا من ٢ لي ٤ سانتي عادي تو الناس ياخذونج ويدقون علا دكتورج وايحطون الحقنه عشان اتسرع الولاده واتسهل الامور
ومبروك خلاص ولدتي بالسلامه
ادري ان تو الناس بس انا ابي اعرف كل شي من الحين عشان اتهيا نفسيا هههه
يعطيكم العافية و الله يسهل عالجميع …
كلشي بوقته حلو ياحلو
الله يسهل عليج*
كلشي بوقته حلو ياحلو
الله يسهل عليج*
على حسب متى ولادتج
اذا الفير راح تروحين الطواري
اذا موعد دوام دكتورج تروحيله
واذا لا اهما راح يدقون عليه لما يفحصونج
اذا باقي عليج يودونج غرفتج الي حاجزتها ويحطولج التخطيط ونبض البيبي وهالسوالف
وكل شوي يروحون ويردون يفحصون
لين يصير الموعد ينزلونج الغرفه ويدقون علي دكتورتج
واتيي
وتولدين بالسلامه ان شاءالله
بالنسبه الحقنه انا قتلهم ان اصلا فيني سهال وتوني داشه الحمام ما حطولي ياها الحمدالله