بالنفاس أقدر اسوي رياضة ؟؟

السلام عليكم بنات ..
بدش بالموضوع على طول انا ولادتي الاولى قيصرية فماكنت اقدر اتحرك اول اسبوعين ولا اسوي رياضه كلش

اذا ولدت طبيعي هالمرة شلووون راح اقدر امشي والعب رياضه عقب ؟ ومتى تقريبا يعني بعد جم يوم من الولاده
وربي يجزيكم عني كل خير

جبيبتي بعد اسبوعين عادي تبلشين رياضه بس تكون خفيفه وتدرجين فيها

حسب علمي ان الافضل ما تبلشين برياضات قويه ولا تروحين نادي إلا بعد 6 شهور
لان بعد 6 شهور يرجع الرحم لوضعه الطبيعي ان شاء الله

انا ولادتي الاولى بعد 4 شهور سجلت بنادي فكانوا ما يخلوني المدربات هناك العب بعد ما عرفوا ان توني والده
كنت العب شغلات خفيفه جدا والتمارين اغلبها ما اسويها إلا داخل حمام السباحه

وأنا بعد اقول جذي

صح كلام ديما وانا بعد سمعت جذي

امبي 6 اشههههههههر وايد شلون نضعف بسرعه

مشكورين كلكم ما قصرتوا .. بس صج ضاق خلقي يعني ماراح أقدر اشد جسمي بسرعه مثل ماكنت مخططه الحمدلله على كل حال .. شكلي بس بركز على التغذية عشان أضعف ويصير خير بعدين

أذطر بولادتي الاولى نزلت وايد كنت بدار الشفا اول يوم من ولدت قتلها ييبي الميزان .. طلع وزني 83 وعقب الاربعين سيده كان وزني 68 خقيت وايد بس كان على قولة امي شغلج كله غلط لازم تتغذين بس انا راسي يابس ما كنت آكل الا سلطات ومشاوي .. بس نسبة دمي زينة كانت وطبيعية ما آثر فيني

اختى ولدت ببريطانيا بعد 5 ايام خلوها تسوى تمارين المعده وهى قيصريه

فمابالج بالطبيعى؟؟

هلا أثمان مشكورة عالمشاركة
امبيييه من صجهم قيصرية يخلونها تسوي معده انا هني الدكتورة منعتني من اي نوع من الرياضه او حتى شيل اي شي ثقيل فما بالج المعده فيها تركيز ووزن الجسم كله مع الضغط يتركز عليها يعني خياط القيصريه يتبطل 100%

اختى اصلا طبيبه

أنا دكتوري يقوللي تقدرين تبدين بتمارين خفيفة و غير مجهدة بعد 3 أيام بس من الولادة الطبيعية .. بس الأفضل بعد اسبووع !

حبيبتي ليش تخلين الكل يفتي بهالشي هذي صحتج والي يعرف حالتج عدل وشايف عمليتج وظروفها دكتورج الافضل تسألينه وحده عن وحده تفرق الطبيعي عقب ايا تمشي مشي خفيف وعقب اسبوعين تسوي رياضه خفيف للارجل والحوض هذا كلام دكتور

الولاده الطبيعيه تقدريت تبدين الرياضه من تشفى الغرز ملوتج