السلام عليكم بنات انا حامل بشهري الرابع ان شاء الله يتمم علي حملي واولد بالسلامه بس حبيت اسأل بسافرعلى شهر سته او خمسه اكون بشهري الخامس تقريبا شلون علدي بالنسبه لطياره
اذا صحتج زينه سافري انا بامريكا و بالشهر الرابع رجعت الكويت والشهر الخامس رديت مره ثانيه امريكا والحمدالله ماكو الا العافيه دكتوري قالتلي سافري عادي بس بالاسبوع 36 خلاص لا تسافرين لما بعد الولاده
اللي أعرفه إن بالسابع و الثامن و التاسع مايصير
للي اعرفه ان الشهور اللي بالنص الرابع و الخامس السادس عادي
اعتقد الشهر الخامس عادي بس تاكدي من دكتورتج
عادي انا سافرت بالسابع بس سالي دكتورتج قبل كل شي
صح كلام البنات سالي دكتورج
الحافظ الله حبيبتي انا سافرت بالثالث ورحله بعيده و الحمدلله ماكو الا العافية
بس راجعت دكتورتي قبل سفرتي باسبوع وفحصتني و تأكدت ان كل شي تمام و عطتني حبوب مثبت اخذتهم قبل لا اسافر باسبوع و اثناء السفر
وغير جذي حبوب قبل لا اركب الطياره بساعه مادري ساعتين علشان ماتجيني لوعة و تنوم من تاخذينهم يعني ترتاحين .
وانتي عاد كل شوي قومي روحي تكرمين الحمام والا تمشي حركي ريولج و مالج الا العافية ومن الشهر السابع مايصير تسافرين لان يخافون لاسمح الله تتعرض الحامل لولادة مبكرة .
والله الحافظ
عادي تسافرين بس بالطيارة اذا حسو فيج انج حامل ينزلونج عند دكتور المطار ياعطيج ورقة حق الطيارة
اي ديري بالج اذا بطنج كبير ومبين انه انتي حامل سمعت انه فيه ورقه يعطيج اياها الدكتور عشان الطياره انا سافرت وكنت توني حامل ما كملت شهرين وقلت حق دكتوري طلب مني تحاليل سويتهم وطلع كل شي اوكي وسافرت الحمدالله ماكو الا العافيه
حبيبتي سالي دكتورتج ’’ احسن
انا سافرت فرنسااا وانا مادري اني حاامل كنت اول حمالي ورديت الكويت وانا هم مادري اني حااامل كان لي شهرين
الحمدالله ماصار شي ’’
والافضل تسإلين الدكتوره احسن ’’
اذا حملج مستقر سافري
بس لا تمشين وتبذلين جهد واايد وتشيلين وتحطين بالجناط
حبيبتي اذا وضعج طبيعي سافري ما يضر انا سافرت نهاية الثالث والحمدلله ماكو شي لا تخافين وتحاتين اهم شي قبل لا تركبين الطياره شربي عصير فواكه وحاولي ما تحطين ملح علي اكلج لانه يضرج بهالوقت خصوصا بالطياره والله يسهل عليج
الرابع و الخامس و السادس عادي
و لازم ما تكون الرحله وايد طويله و تلبسين دلاقات خاصه للطياره علشان تمنع التجلطات
و تمشين او تحركين ريولج كل 10 دقايق
قبل اسبوع يايه من السفر والحمدلله الاوضاع اوكي
وانا كنت باول الرابع حزتها
والدكتوره قالت لي اول 3 شهور لا واخر 3 شهور لا