الي عندها التهابات مهبليه متكرره تدش !!

اخباركم حبيباتي ان شاء الله بخير .. حبيت افضفض لكم بسالفتي .. الصراحه سالفتي سالفه تعبت نفسيا منها لدرجه ساعات يجيني اكتئاب منها … انا لي مده اعاني من التهابات مزمنه ..
من 5 سنوات تقريبا من اول ماربيت بالبجر وانا اعاني مافي علاج مابلعته .. مافي تحاميل ماستخدمتها .. يوصفون لي اقوى التحاميل واقوى ادويه بس مافي فايده تروح شهر شهرين بالكثير ووترجع…على فكره خذيت علاج انا وزوجي كذا مره بس مافي فايده .. ,, وسويت كي كان عندي قرحه في عنق الرحم .. وزوجي ماعنده علاقات كله قاعد في البيت عشان جي انا مستغربه هالالتهابات من شنو

بنات انا احافظ على نظافتي استخدم غسول اسمه لاكتيسيد نصحتني في الدكتوره مره يوميا .. هافاتي اغسلها بنفسي .. اتسبح يوميا .. اهتم بنظافتي بشكل معقول

في احد نفس حالتي ؟؟ اشتنصحوني اسوووي تفشلت والله من كثر ماشوف الدكتوره .. الحين رجعت لي المشكله ومابي اروح المستشفى لاعت جبدي

بنات نبي مشاركه في الموضوع .. خلنا نساعد بعض .. والي فادها شي ياليت تسدحه هووون

مابي اصدمكم بس راح اقولكم شسويت اليومين الي راحوا
قلت مالي الا الثوم
خذت ثومه وقشرتها وقبل مانام حطيتها داخل لمده يومين قريت هالموضوع في مواقع اجنبيه .. الثوم له فوايد كثيره لاتعد ولاتحصى ويساعد عالقضاء على الفطريات … احس الافرازات خفت بس المشكله للحين في حكه بس قاعده افكر اني استمر عالثوم لمده اسبوع !!

بنات ابي تفيدوني الحين شسووي ؟؟؟؟؟؟؟؟؟؟؟

و سمعت بطريقة ان تكون ملابسج الداخلية قطن ١٠٠ ٪ و تتعقم قبل اللبس ظروري
شلون تتعقم؟ لازم تغلينها بماي مغلي لحد ما تتعقم

انا ماجربت هالطريقة بس قريت عنها انها وايد مفيدة
و عليج بالدعاء و الاستغفار و الصدقة

ونضيحه من اخت لاتلعبين بنفسك من تحت الا هالمنطقه بسرعه تخرب روحي لدكتور واشرحي لها وضعك

ونصيحة خلي المنطقة تتهوى نامي بالليل بدون ملابس داخلية

و راجعي دكتورة ثانية

لكن اللي اعرفه الثوم ينوكل كمضاد حيوي ما انصحج تحطين اي شي بالمهبل

وتراغلط تحطين ثوووم ياوخيتي
باجر ماتروح ريحته
تخيسين عمرج وتجيبين التهابات زياده
بالله قوليلي شلون بذوب داخل وين بروح بظل طول وقت داخل جذي
تسببين لنفسج التهابات
وبلاوي انتي في غنى عنها
وهذاابتلاء شتسوين بعد
كل حريم جذي
كثري ماي

اقتباس:

المشاركة الأصلية كتبت بواسطة aloe vera الله يشافيج شوفي اكلج يمكن عندج حساسية من اكل معين حليب بيض منتجات القمح عادي تصير فجأة و سمعت بطريقة ان تكون ملابسج الداخلية قطن ١٠٠ ٪ و تتعقم قبل اللبس ظروري شلون تتعقم؟ لازم تغلينها بماي مغلي لحد ما تتعقم انا ماجربت هالطريقة بس قريت عنها انها وايد مفيدة و عليج بالدعاء و الاستغفار و الصدقة

مشكوره فديتج اي حبيبتي اغسلهم عدل وبالماي المغلي بعد وساعات مالبس هاف عشان المكان يتهوى ..بس ماكو فايده

اقتباس:

المشاركة الأصلية كتبت بواسطة سكره في زمن مر حبيبتي غيري ملابسك الداخليه كل شهر وتخلصي من اللي عندك واهم شي تكون قطنيه واغسليها لحلها بديتووول واليوم غيري ثلاث مرات او اكثر وحاولي قبل لاتطلعين من الحمام تنشفين المنطقه عدل واذا كل هذا مفاد اجل خلاص فيه شي بجسمكك من داخل ملتهب لان اذكر مره قالت لي دكتورتي اذا انتي محافظه على نفسك حيل وترجع لك الالتهابات فيه شي داخلي بجشمك ملتهب ونضيحه من اخت لاتلعبين بنفسك من تحت الا هالمنطقه بسرعه تخرب روحي لدكتور واشرحي لها وضعك

جزاج الله خير .. وملابسي الداخليه قاعده احاول اغيرها كل فتره وساعات اغسلها بديتول مب دايما بس هالفتره ماقمت البس هاف وايد الدكتوره نصحتني

اقتباس:

المشاركة الأصلية كتبت بواسطة mrs.h ماتشوووفين شرر مثل ماقالوا البنات كل ملابسج الداخلية تخلصي منها او اغليها ولاتلبسين الا القطن ونصيحة خلي المنطقة تتهوى نامي بالليل بدون ملابس داخلية و راجعي دكتورة ثانية لكن اللي اعرفه الثوم ينوكل كمضاد حيوي ما انصحج تحطين اي شي بالمهبل

مشكوره حبي .. الثوم قاريه سالفته بمواقع اجنبيه ينصحون انه ينوكل بعد .. وومكن عادي ينحط تحت انا كنت متخرعه في البدايه بس قلت قاعده احط تحاميل الدنيا جات عالثومه لوول

اقتباس:

المشاركة الأصلية كتبت بواسطة &تعب قلبي& للاسف نفس حالتي بس في نقطه بسألج انتي تستخدمين حمامات الاسواق او اي حمام مو حمامج بطبيب بأي مكان اذا اي اتوقع منه حاولي انج تضغطين علانفسج ماتستخدمين اي حمام الاحمامج قبل ماتطلعين من بيتج دشي حمام وفضي ههههه ولاتكثرين سوائل ترا حمامات عموميه وبآء لاتدشينهاالامحتده حده حده انااكررررها وتلوع جبدي منها امتنعي من الشرب وتراغلط تحطين ثوووم ياوخيتي باجر ماتروح ريحته تخيسين عمرج وتجيبين التهابات زياده بالله قوليلي شلون بذوب داخل وين بروح بظل طول وقت داخل جذي تسببين لنفسج التهابات وبلاوي انتي في غنى عنها وهذاابتلاء شتسوين بعد كل حريم جذي كثري ماي

اي فديتج استخدمها بس شسوي مضطره ماقدر اتحمل لين اوصل البيت ..وسالفه الثوم قاريه عنه يقولون عادي بس ماطول طبعا في الموضوع يعني انا حطيتها لمده ثلاث ايام ورا بعض وبعدين لاتنسين انه شي طبيعي واحطها كامله فمالها ريحه قويه

اقتباس:

المشاركة الأصلية كتبت بواسطة بس لحظه! انا نفسج جنني زوجي يقول فيه ريحه تكرمون واهتم بنفسي حيل واهوي المنطقه لي سنه من تزوجت ووالده من خمس شهور بس هالالتهابات تكرهني بعمري والمنطقه تتبل حيل اقسم بالله قمت استحي اخليه يقربلي حطيت تحاميل وكل شي و م اقدر اكثر منهم لان حضرته يبيني احمل >> خلني افتك اول حل هالسالفه عووويص

اي حبيبتي لاتحملين الا لما تعالجين هالموضوع لانه راح ياثر على الجنين ولاتهملين هالموضوع لان الالتهابات المتكرره تاثر على خلايا الرحم وتسبب سرطان لاقدر الله انا خفت صرت اهتم كنت مطنشه في البدايه

اقتباس:

المشاركة الأصلية كتبت بواسطة dubai-girl85 أنا كنت مثلج… واختفت الالتهابات سنه ومن فتره لين فتره ترد… بس واااااااااااااااااايد أخف عن قبل قبل كل شهر لازم فيني التهاب …. 1- أول شي لازمتعرفينه… إنه كثرة المضادات الحيوية تضعف المناعة وايد… والله يسامحهاالدكتورة اللي كنت اعالج عندها كل شهر تعطيني مضاد (بحكم إني كل شهر فيني التهاب).. تقريبا تقدرين تقولين كل ما تصير علاقة بيني وبين ريلي لازم يستويلي التهاب….فإنتي لا تاخذين أي مضاد.. قبل ما تطلع نتيجة المسحة… لأنه يمكن توصفلج مضاداصلا ما ينفع لوضعج… واساليها اذا يستوي يروح الالتهاب بالكريمات والتحاميلبس… لأنه المضاد يجتل البكتيريا الزينه والشينه .. فإنتي تخسرين جيه البكتيرياالزينه اللي تساعد على انه تحارب البكتيريا.. يعني حاولي حتى لو فيج زجام وحمه ماتاخذين مضادات.. حاولي كثر ما تقدرين تبتعدين عنها.. وفي حال ماشي علاج غيرالمضاد… التزمي فيه.. قالولج 5 ايام.. يعني 5 ايام.. حتى لو حسيتي انج استويتياحسن… لأنه انتي جيه تخلين البكتيريا مع الوقت تستوي عندها مناعة ضد المضاد 2- انا الدكتورةوصفتلي probiotics … وهو عبارة عن فيتاميناتتقوي المناعة واطلع تأثير المضادات من الجسم… واي شخص يقدر يستخدمه بدون وصفه…يتهيألي استخدمته 3 شهور 3- قمت أشرب يوميا 8 قلاصات ماي… فيني التهاب والا ما فيني… وبعد قمت اشربيوم وترك cranberry juice-بتحصلينه في الجمعيات… العصير هذا يعتبر مدر للبول… فضروري تشربين وايدسوائل… وايد وايد وايد مهم 4- الغسول في حالة ماعندج التهاب .. لا تستخدمينه الا نادر.. مره أو مرتين بالاسبوع بس 5- لبسي ملابس قطنيةويفضل بيضا… وحاولي ثيابج تكون واسعه.. ولا تلبسين وايد لقنزات او جينزات..المنطقه ما تتنفس… ويفضل الفليل ترقدين ببجامه واسعه.. بدون الهاف 6- لا تستخدمين الدوش…واللي هو عبارة عن انه تنظفين المنطقة داخل بالماي بالقو.. أو حتى بالغسولالداخلي… لانه يخرب معدل الph 7- طبعا تعرفين انه عقب كل مره تدخلين فيها الحمام تتنشفين عدل من جدام لينورى 8- عدلي نظام أكلج.. كلي خضرا و فواكه… وقللي سوالف الكربوهيدراتوالسكريات… لأنه البكتيريا والفطريات تعيش على هالسوالف 9- ريلج لازم يفحص… وغالبا في حالة البكتيريا… ينعطى الدوا للريالوالحرمه.. مب مثل الفطريات… لأنه اذا انتي تعالجتي وريلج فيه… وعقب استوتبينكم علاقة.. بترجعلج الالتهابات 10- مارسي الرياضة لأنه تقوي المناعة… وابتعدي عنالتوتر لأنه ممكن بعد يسوي التهابات.. لأنه يلخبط الهرمونات 11- وبعد قبل العلاقة فرغي مثانتج… وعقب العلاقةبعد فرغيها.. وتغسلي بالماي 12- ابتعدي عن اليلسة في البانيو والرغوة.. ولاتغسلين المنطقة بأي صابون أو شامبو وانتي تتسبحين … الماي يكفي 13- ابتعدي عن الفوط مال الاستخدام اليومي.. لأنهتسبب التهابات… ما تخلي المنطقة تتنفس 14- طبعا الفوط النسائية لازم تكون قطن.. وابتعدي عنالنايلون.. خصه الاولويز الاخضر.. فضييييع 15- كلي روب واشربي لبن لأنه فيه بكتيريا مفيدة…فاذا زادت البكتيريا المفيدة.. بتقوى مناعتج.. وبالتالي بتحارب وتمنع الالتهابات.. خصة الالتهابات الفطرية ملاحظة: ممكن تستخدمين الغسول بس فترة قبلوعقب العلاقة وريلج نفس الشي … وعقب من تختفي الالتهابات.. ودري الغسول هذا كل اللي تذكرته.. في اشيا الدكتورةمعلمتني اياهم.. واشيا ثانية تعلمتها بروحي من خلال السيرج اللي كنت اتم اسويه ساعات وساعات… والله يشفيج ان شاء الله

يابعد عمري جزاج الله خير مابتصدقين لو اقولج هالاشياء كلها اعرفها سالفه المضادات الحيويه شسوي تقولي الدكتوره لازم لاحول ولاقوه !! بس غيرت الدكتوره الي قبل وان شاء الله خير ..وقاعده احاول قدر الامكان اطبق هالامور لاني والله تعبت من هالموضوع مب حاله كل شوي التهاب وحكه وقرف

اقتباس:

المشاركة الأصلية كتبت بواسطة m!ss.loby الله يشافيج

مشكوره حبيبتي