الي تعرف اي شي عن الاجسام المضاده تساعدني ؟؟؟؟

السلام عليكم

بنات بدش بالموضوع علي طول
انا سويت تحليل الاجسام المضاده عند دكتورتي فوزيه القطان بتاريخ 13-10-2009
وقالتلي تطلع النتيجه بعد اسبوعين لان تحاليلي اوديهم امريكا
انا عندي حالات اجهاض وحاله وفاه الحمدالله علي كل حال وكل شي خيره من رب العالمين فقالتلي بتأكد ان مافيج شي علشان اذا بتحملين علي الاقل ناخذ احتياط
وانا نسيت سالفه التحليل سافرت وأستانست وماصار 6 تيام علي التحليل جان يدقون علي الي بالعياده وقالت ان تحليلي طبيعي الحمدالله وأستانست وايد

اليوم والصدمه دقوا علي مره ثانيه وقالت انتي كويتيه قتلها اي قالتلي باجر ضروري تيين العياده تبيج الدكتوره قتلها خير ان شالله قالت خير بس تبيج ضروري قتلها ليش فيه شي قولي خو انا مو بمخفر قالت تحليلج فيه مشكله ولازم تاخذين علاج قتلها انتوا من اسبوع دقيتوا قلتوا مافيني شي وطبيعي جان تقول اي هو تحليلين واحد طبيعي وواحد فيه خلل

واااي بنات بموووووووووووووووت من البجي
طمنوني شنو هالتحليل وعلاجه يطول مافيني صبر لي باااجر

دعواتكم

حبوبتي والله ماتشوفين شر عاد انتي القويه واللي انا شاده الظهر فيج احسج شجاعه

انا والله ما احب ادخل بالخصوصيات ولا اسأل بس سعت بنت خالتي تقول انا تعالجت من الاجسام المضاده حتى بمستشفى حكومه وبعدين حملت وولدت ماشاء الله ربي يتمم عليهااا لاتحاتين ياقلبي

والله انا راضيه بهالشي بالعكس مستاانسه لاني عرفت سبب اجهااضي

بس خاايفه علاجه يطول وسمعت فيه كرتزون ما ابي شي يمتن ذاابحه رووحي برجيم

حبيبي والله عسى ربي يشافيج ويرزقج بالذريه الصالحه السليمه من غير عدد
وان شاء الله مايطول ولايمتن حبي والله اهم شئ الصحه لا الضعف ولا المتن

ما فيج الا االعافية ان شاء الله بس خل اقولج شي تري انا نفسج لي رديت الكويت اروح عند د. فوزية الاجسام المضادة علاجها الكلكسان ما في غيرة بس الغلط اللي بالكويت يصير ان ما يعرفون ليش تظهر الاجسام المضادة عشان يقدرون يعطونج الجرعة المناسبة شوفي الاجسام المضادة مرتبطة بمرض الذئبة الحمراء لااااا تخترعين اكو نوعين من الذيية الحمرا systemic lupus او Lupus anticoagulant الاول مميت و العياذ بالله احنا فينا النوع الثاني اللي ينشط فقط فترة الحمل و بس و اللي يخلي الاجسام المضادة تنشط و تسبب الاجهارالحين بامريكا مثلا لما يدرون ما يعطونج جرعة 2, و ,4 و 6, لااااا يبدون معاج من اول الحمل بجرعة 1 ملجرام مرتين باليوم مع زيادة الجرعة حسب كلام الطبيب و حسب اختبار نسبة ثخونة الدم و عشان لا تنمو الاجسام بشكل مو مرغوب فية انت شوفي د. فوزية شنو تبي تقولج بعد و طمنينا عنج

ياقلبي ماتشوفين شر

انا لو منج استانس تدرين ليش؟

لان لو طلع مافيني شي وكل ما احمل اجهض بتضايق حيييييييل

لاكن اذا طلع فيني خلل واهو الي مسبب الاجهاض بستانس لاني بعالجه وان شالله احمل ويثبت حملي

فلا تتضايقين ياقلبي

انا بنت عمي فيها النوع الثاني وما شالله عندها سته

ما اعتقد انه له علاقه بالمرض

بعد عمري والله لا تتضايقين وان شاء الله مافيج الا كل خير وانتي توج صغيرة ومافي الا العافية
انا اعرف وحدة فيها اجسام المضادة والحمدالله تعالجت وحملت وعندها الحين بنت وولد

ولا تحاتين وان شاء الله مافي الا كل خير وترا 90% النفسية

الله يوفقج حبيبتي

ان شالله ماكو الا كل خير لاتحاتين
وطمنينا عليج
الله يرزقج يارب وتلاقين علاج للاجهاض يارب

coffee girl انا اعرف وحدة فيها الاول الخطير و عندها 5 كل جسم غير عن الثاني بس الانتي كوجلنت اهو الاجسام المضادة ارد و اقول كل جسم غير يعني بانتهاء فترة الحمل المرض يختفي بس مثال انا طلع لي تجمعات دموية في ريلي اليمين و بعد ما طرحت بالشهر الخامس قعدت فترة ينزل مني ماي مو طبيعي جن جيس الماي ينبط كل يوم لي يوم قمت من النوم بغيت اموت و لا حايشتني جلطة بالرحم لان المرض كان لا زال موجود و الحين اخذ مسيلات عشان التجلطات اللي بريلي تروح

بنات هذا التحليل منو اللي تسوي اللي تجهض ولا اللي ماتحمل ولا مره؟انا ولا مره حملت وصارلي 4 سنين والله مو عارفه ليش ماللقط الحمل تعقدت من كل شي احس فيني شي بس مو عارفه شنو عفيه ساااعدوني بنات خايفه ماحمل على طوووول والله ساعات ابجي مو عارفه شنو السبب انا فيني هرمون حليب بس مو على طول يرتفع من فتره لي فتره سااااااعدوني

انشالله مافيج الا العافية شغلته بسيطة والاجسام المضادة اهي تسبب تجلط في المشيمشة فما يوصل الدم حق البيبي عشان جذي اموت

الله اعوض عليج حياتي

عاد اتصدقين انا سويته بس اهني بالكويت زواحد حق الاجسام المضادة والثاني حق الاجسام الفسفورية واثنينهم سليمين والحمدلله وليلحين ماعرف ليش اجهض يالله ماعليه كلشي بيد الله

وانشالله نسمع بخبر حملج قريب يارب

نف نف

حبيبتي دام ان هرمون الحليب عندج يرتفع بين فترة وفترة لازم اتسوين اشعة مقطعية حق الغدة النخامية عساس اتعرفين السبب هذا علاجج والله يرزقج يارب

حبيتي كويتيه انا صارلي نفسج بالضبط عند الدكتوره فوزيه قالت لي سوي التحليل وماسويته بس حملت اول ماحملت رحت سويته كان تقولي طبيعي وانا طالعه منها الا يدقون علي يقولون الدكتوره تبيج يوم رديت الا تقولي اثنين طبيعي والثالث بين ان عندج اجسام مضاده بنسبه عاليه جدا ولازم اعطيج الاسبرين والكلكسان طول فترة الحمل والله خذيتها بس اجهضت بالسادس والدكتوره اللي ولدتني قالت لازم نعيد هالتحليل نتأكد
وان شاءالله بعيده لاتخافين علاج الاجسام المضاده لما تحملين بس قبل الحمل ماله علاج وبس
والله يرزقج ويرزق كل محرومه

أنا عندي مشرووع اني أساافر براا

لأن ريلي يقوول أكيد فيه علاج بس الكويت خواااره

والله يشاافي الجميع يارب

أمس كنت عندها وشرحتلي الوضع
قالت ان فيني 30% وماله علاج بس وقت الحمل تعطيني ابر سيوله للدم اخذهم بفخذي لي الشهر الثامن مع بيبي اسبرين
وكل ما ابي احمل اروح اخذ هالابر
بس طمنتني ان مايمنع الحمل بس هي قالتلي شي ومحيرني وايد
ان هالمرض يطرد اي كائن غريب
الحين الحيوانات المنويه مو كائن غريب ويطرده جسمي؟؟؟؟