اليوم باشرت العمل !!! ومن باجر شرحت!!!!!

هذا كلام العضوه انوار الكويت حبيت اقتبس ردها بالتجمع

لان انا بعد سمعت من وايد بنات جذي

يعني اليوم اداوم بنفس اليوم يعطوني المنهج والجدول واقوم اشرح

والموجهين يدخلون علينا

ففي هذي الحاله شنو لازم نسوي؟

انتي شكلج نفسي خريجه اداب تاريخ وانا تعيين 5 9 انا بالجامعه دفعه 2024

وقطوني ثانوي ومادري شالطبخه وانتي وين قطوج

ام شاهين انتي ويانا على بالي توظفتي

لان تذكرين مره حطيت موضوع عن المقابله

ورديتي علي؟

بس ياللا عشان اضيفج ويانا بالتوقيع

ايه حبيبتي انا تخصصي تاريخ ودفعه 2024 وحطوني ثانوي

تبين الصرااحه انا اول ما تعينت

على طول ثانى يوم دخلت ادرس وسلمونى 3 فصول 18 حصه

بس عادى لانه اذا خريجه تربيه يكون عندج فكره من التربيه العمليه

بس اذا تخصصج اداب عاد اهنى وهقه

مو شرط تصير كل هالأمور..
ومدرسة عن مدرسة تفرق..
انا خريجة آداب مو تربية ولما توظفت على بداية الكورس الثاني خلوني اسبوع ادخل حصص أبلات واشوف طريقتهم ومن بعدها عطوني صفي..

اما خريجات التربية ف اعتقد أكيد يعطونها صفها وجدولها وعادي تباشرين شغلج، اكيد راح تحوشج بعض الأغلاط بس مو مشكلة عادية..

الموجهة تدخل مرة وحدة خلال الكورس وهذي المرة شوفي عادي متى تيي وتدخل عليج ويمكن يكون قسمج فيه وايد ابلات فتدخل على 4 ابلات اليوم.. وبالزيارة الثانية تدخل على الابلات الي مازارتهم..

بس ترا مو شرط ان الموجهة تدخل على المعلمة تعيين يديد من اول يوم دراسي.. عندها غير مدرستج عشرات المدارس.. فعادي حبيبتي..

موفقة

اي لاني مو تربويه عشان جذي متوهقه

ايه منال بس انا سمعت من وايد بنات مو تربويات

ان رئيسه القسم والموجهين ادخلو عليه من اول اسبوع باشرت شغلها بالمدرسه!

انتي توج متعينه ومو تربوية

اول ماتداومين يعطونج جدول ويخلونج تدرسين بس يعطونج اسبوع اسبوعين او اكثر تتعلمين مايدخلون عليج وبهالفترة قولي لمدرستج الاولى بدش حصص عادي مافيها شي وبعدين تبدا المدرسة الاولى تدخل عليج والموجهه بعدين تاخذ انطباعها من المدرسة الاولى

لا تتوقعين يدخلون عليج الموجهه اول الايام وانتي جديدة

اذا تبين

نعلمج
نساعدج

ترى احنا بالشوفه

والمشاهده ما فادتني وايد ايام الميداني !

تذكري الابلات شكانو يسوون بالحصه ايام الثنويه ؟ سوي مثلهم لوول
اقري الدرس وحطي اسئله وتمشي السالفه

بس في شوسة خطوات تسوينها المفروض المدرسة الاولى تشوفها و تعلمج عليها

مرحبا بنات
انا بقولكم عن الي انا اسويه و اغلب رئيسات الاقسام الي اعرفهم يسوونه
اول شي انتوا بتداومون اذا كنتي ابتدائي بتداومون ثالث يوم دوام للطلبه لان يوم ٩/١١ دوام اولى حفله بس من غير شرح
باجي المراحل يداومون ٩/١٢ اول يوم يكون التحضير تمهيدي يعني تكتب المعلمة بتحضيرها ارحب بالطلبه اعرفهم على نفسي و تكتب اهم النقاط الخاصه بمادتها مثل تكتب بالتحضير احث الطلبه على احضار بالطو العلوم في كل حصه
طبعا ليش التحضير تمهيدي لان الطلبه ما استلموا الكتب للحين
ثاني يوم تدخل الابله تشرح عادي اول درس طبعا في هالوقت انتوا بالدوره اخر يوم في هالحاله انا مو معقوله اسقط الجدول و انزله احتياط في حاله الابلات مو مضغوطين غير جذي انا ما ادري جم معلمة تعيين يديد بتداوم عندي فليش انزل مثلا صف اولى رابع احتياط لا انزله على المعلمات القديمات يستلمونه لحد ما اتداومون من الدوره و بعد ما اداومون يبقى من الاسبوع الاربعاء و الخميس هاليومين انا ادخل فيهم المعلمة التعيين اليديد مشاهده على القديمات
وعلى الاسبوع الي بعده لا تستلم المعلمة اليديده جدولها و تدخل تشرح مع حصص مشاهده اجباري اوقع المعلمة اليديده عليه لان هذا اسمه انماء مهني
طبعا احنا اخر السنه الي فاتت انحط جدول السنه اليديده مع الوكيله ما انحط الجدول اول السنه علشان نعرف النواقص و نحلها على ما اتدامون من الدوره
اما ان الناظره و الموجهه يدخلون عليج اول اسبوع لا مستحيل اذا كنت انا رئيسه قسم ما ادخل على المعلمات الى في اخر الاسبوع الثاني علشان اعطيها فرصه اضبط صفها و تعلمهم نظامها سواء معلمة قديمه او يديده
و على فكره اول زياره انسميها زياره استطلاعيه يعني انشوف وضعج و انعلمج اخطاءج و كل رئيسه قسم تختلف عدد زيارات الاستطلاعيه في رئيسات يزورون ثلاث زيارات و في خمسه و بعدها تتحول الزيارات الي زياره توجيهيه لا اهني انشوف انتي عدلتي من اخطاءج السابقه ولا لأ و ننصحج بالتعديلات
و اخر شي الزيارات التقويميه الي اهي خلاص انقيمج عليها و تنتهي فيها النصايح و التوجيهات
فلا تخافون من مسأله ان اول زياره اهي الي تنحط بالبال
معلومه ثانيه اذا الموجهه ادخلت عليج و حست انج ما عطيتي الحصه عدل تطلب من رئيسه القسم جدول المعلمة علشان اتشوف اتزورها في يوم ثاني و نفس الشي الناظره اذا ادخلت و ما عجبها اتكرر زيارتها عليج
اخر شي المعلمة اليديده زياراتها اكثر من المعلمة القديمه فكوني متهيئه لهالشي
طولت عليكم بس شفتكم اتحاتون وايد فلا اتحاتون ولا اتخلون احد يخوفكم من شي

مشكورة رئيسة القسم/ أبله غزاله! ردج وايد مفيد !

ومشكورة فراي على الموضوع ..
ولا تسوون توتر! ..

التوتر يخلق المشكلة والقلق!
والقلق يولد القلق!..

اقتباس:

تذكري الابلات شكانو يسوون بالحصه ايام الثنويه ؟ سوي مثلهم لوول اقري الدرس وحطي اسئله وتمشي السالفه

EviL^^GirL ، كلامها حلو وصح ..

مممشكووورة فراي على الموضوع انا بعد نفسج

امبيه حااااااااااشني عوااار بطننننن من الخرعه :

مشكوره اختي أبله غزاله على شرح الوااااافي

واختي فرااااااي مشكوره ع الموضووووووووع يالغلااااااا ,,

وانا وقت الميداني كانوا يوميا يدشوون علي يوم الموجهه ويوم مدرسه أولى بطول الكورس

والخرعه كااانت في البدااايه بس بعدين الحمدالله حاولت اتغلب على هل شيء ,,

نصيحة نصيحة نصيحة

اول اسبوع بيخلونكم تدخلون حصص معلمات وتتفرجون على الشرح

لكن لو درستى من اول يوم احسن لج السبب ان المعلمات بيظلون يعاملونج ان اهم اللي علموج واصحاب فضل عليج

وغير جذى الطالبات خاصة الثانوى اذا درستهم اول اسبوع بعدين اخذتى الصف بيظلون يقولون نبي ابلتنا هذى يديدة وما نفهم شرحها

الحل اخذى فصولج من اول السنة ودخلى حصص المعلمات القديمين عشان تستفيدين والله يوفقكم انشالله