|
|
السلام عليكم ورحمة الله وبركاته
ابلات شلونكم،
احنا نشوف للأسف هالظاهره ما تختفي بمجتمعنا وما ادري ليش!
اللي اهيه الاسلوب البلطجي من قبل ادارة المدرسه للطالبات!
طق وزف وتهديد! هل هذا تعليم؟!
بنات تخيلو اختي من المتفوقات وخريجه وهاديه جداً وكل الابلات يحبونها ويضربون فيها المثل
اطلعت مع صديقاتها بالفرصه الثانيه، حق قسم ماده بيسالون ابله عن المواد وجي
خلصت الفرصه واهيه راده شافتهم الوكيله حتى كلام وتفسير منهم ما اسمحت لهم!
جان تقول انتو كلكم مهربين! شكو تطعن باخلاق اختي والبنات اللي وياها؟
هذيل مو بنات ناس؟! مو عيب وحرام والظليمه شينه! كانو بيفسرون لها الوضع هم ما رضت
اختي كانت واقفه جان اتدزها جدام البنات كلهم والابلات وتصارخ عليها اوقفي عدل واختي طالعتها مستغربه جان تقولها لاتخزيني جذي! امبيه مريضه! شلون يعطونها مسؤوليه فوق طاقتها ومسؤوليه حق وحده فيها مرض نفسي شنيع! كل بنات المدرسه برقبتها ترا!
جان تقول لا لا استدعاء وبعدين فصل و تقول حق اختي لاتقولين انج متفوقه وقامت تخربط حجي فوق راسها! اختي حساسه جان تبجي ردت البيت امي وابوي مامدو ايدهم علي جذي هاذي تمد عليها صج ترا شي ينرفز! هاذي ترضاها على اهل الناس وماترضاها على بناتها مثلا؟ ما يحق لها اصلا اللي سوته كله! هذ
هذا مو تعليم! هذا اهمال وبلطجيه وقلة فهم!
انا انهرت لما دريت بالموضوع وحدي عصبت قلت انا بروح لها باجر بس حسافه عندي دوام كل البيت دوام الا اخوي الكبير فاضي وحده تنرفز من الموضوع، يقدر يروح دام انه اخوها و واحد ناضج؟
وشنو من الممكن انه نقدر نسوي؟ نقدر نشتكي بالمنطقه؟
ساعدوني واللي يعافيكم.
خلي ابوها يروح لها ويشرشحها الللي ماتستحي وين شهالاسلوب
بس لا تتسرعين بالحكم روحي بنفسج وتناقشي يمكن اختج رفيجتها خربت عليها
احيانا بسن المراهقه البنات سطلع منهم سلوك غلط بالنسبه للنظام المدرسي بس اهي تشوف انه طبيعي
بس روحي شوفي الوضع بكل هدوء وان ثبت الحق قدمي شكوى
والافضل يروحون اولياء الامور الام او الاب بهالمواضيع ما افضل يتدخلون غيرهم
وممنوع التاخر عن الحصه…لو كل طالبه بتتاخر عن الحصه علشان كانت تسال ابله..كان المدرسه صارت فوضى
البنت شلون اتطالع الوكيلة هل بتحدي
ولا باتسغراب ولا مبققة عينها ولا متخصرة ؟؟؟
ثاني شي شلون اهلج يقولون دوام و جذي
لازم اهلج يروحون يعرفون اللي صار بالضبط
وسمعو الوكيلة شتقول
واذا كل وحدة بتاخر عند ابلة
و ماتبي احد يقولها شي هذا بعد غلط
و شوفي البنات اللي معاهم اختج
شنو نوعيتهم اللي خلت الوكيلة اتعصب جذي
على قولتج متفوقة و خريجة و خلووقة
يعني في شي جايد صار
يخلي الوكيلة تطلع من طورها
اذا كل طالبه تتأخر عن الحصة بسالفه كنت عند ابله فلانه بتصير المدرسه فوضى
واذا بتروح امج ولا ابوج احسن