الوقت المناسب لنوم الاطفال

شنو احسن وقت انوم فيه عيالي

أنا عن نفسي أدخل بنتي الدار الساعه 7:30 طبعا على ماتتقلب يبيلها وقت

دانه رديت عليج بالموضوع اللي كتبتي فيه السؤال .. وهذا ردي نسخته :
حاولي دايما من تقعد تردين نومتها .. دخليها غرفتها بالظلمه وقعدي شوي معاها وطلعي وقولي لها بييج كل شوي لاتطلعين ..

إذا باولى ابتدائي الله يحفظها معناته عمرها مايزيد عن ست سنوات .. وقت النوم الطبيعي لها أيام المدارس بالذات .. هو : بين الست ونص والثمان مو أكثر .

عشان تركيزها الدراسي واستيعابها ونموها العقلي والبدني لا تأخرينها عن الساعه ثمان حبيبتي ..

والله اليهال مو بكيفنا
احنا وقت النوم كر وفر
ادخلهم ويطلععون تلاقيني كني حارس وماسك سيفه (الخيزرانه) عند الباب
صراحة ودي الاقي حل

انا ما اقدر اطلع من البيت الا اذا نايمين
ويعتمد الوقت على كل ياهل في يهال ينامون من الست لي الست..عااادي ماشالله
وفي يهال لا لازم ندلع ونكلم ونتوعد وبالاخر نزف يالاااا ينامون
بس الافضل طبعا بالسبع
الله يحفظهم

حبيبتي احسن وقت انها تتعشى عالست ونص بالكثير سبع وعلى ماتغسل وتفرش وتلبس بجامتها الا صايره سبع ونص خليها تنسدح بالفراش وبسرعه بتنام لانها تعبانه قاعدة من الصبح

اول شي بيكون صعب عليها بس عقبها بتتعود

ع الساعة 7:30 أو 8:00 .. مثل ما قالوا الخوات على ما يتقلبون بالفراش وكل دقيقة بينادونج الا الساعة صايرة 8:30

شكرا عالموضوع ولدي يبدا يتثاوب اسم الله عليه الساعه 5العصر اخليه يلهى باي شي
والساعه 6 ابدي اسويله عشا واخليه يتعشى ويغسل وحطله اي باباي يطالع ربع ساعه يبدا يشخر حبيبي اشيله اوديه غرفته
احلام سعيده لعيالنا

انا اعيالي الساعه 7ونص بالفراش ينامون 8 بالكثيييييييييييييييييييييييييييير 8 ونص

والحمدلله امعودتهم على هالشي من كانوا بالحضااانه

الله لايغير عليهم يارب

وقت النوم بالنسبه لعيالي من 7 لي ال 8 بس هذا ما يمنع انه مرات ولدي الكبير يتمرد ومع انه فيه النوم خلاص طااافي بس سبحان الله ما يقدر ينام وقتها اخليه يطالع تلفزيون شوي وينام بس يكون متاخر في النومه ومعاناه الصبح

تسلمون حبيباتي انشالله بحاول انا من الروضة اعاني معاها مشكورين ما قصرتو

,, رفع ,,

نفس البنات
ولدى الصغير ينام قبل اختة
من الساعة 6 يبلش الاكشن
نسوى العشا ويتسبحون كل يوم ويبدلون
ويندعسون بالفراش وافتح لهم التلفزيون
7:30 اسكر ة سوا ناموا او لا

الدوامات حيل تعدل بنوم الطفل خصوصا اذا عودتى على روتين معين
انا ماانوم عيالى الظهر كللش والساعة 6 ونص يتعشون وبعدها على مايغسلون ويبدلون تصير الساعة 7ونص هالحزة خلااص انومهم بسرايرهم وماتصير الساعة 8 وربع الا اهم نايمين الحمدلله

بنتي تتعشا على السبع بس اتخلص ادش الدار وانا الحقها بعشر دقايق القاها نايمه