النداء الاخير صالون بريدجيت

قوة بنات يا حلوين

ما بقى شي على العرس وانا حاجزة بصالون بريدجيت الي بالمارينا ..
انا خايفة من كريم الاساس اخاف يكون باهت ومو نفس لون بشرتي واخاف بنص الحفلة يبدي يقطع ..

العرايس الي جربوها او الي شافو عرايس حاطين عندها تعطيني رايها ضروري وشكرا

حبوبه انا شفته على اخت رفيجتي بعرسها
كان محليها وايد وكريم الاساس كان زين
بس هذا مو مقياس لانها ماشاء الله بيضه

ان شاء الله البنات يساعدونج اكثر

انا رحتلها قبل رمضان باسبوع عشان احجز من كثر ماسمعت عنها

وشفت عروس ومرافقات

طلعت بسرعه مخترعه

ورديت البيت وحلفت اخر مره اطب في صالونها

الاساس باهت جنها شبح

الحمره لونها عجيب غريب انا اول مره اشوف جذي

مكياج العروس مايفرق عن المرافقات على فكره كانوا عروستين مو وحده بس جدا بايخ

انصحج لله تغيرينه وانتي كيفج

والله يوفقج وتطلعين احلى عروس بس انا حبيت اقولج اللي شفته لان انا عروس مثلج واحب الناس تقولي الصراحه

انا رحت بحجز بس صدمني الكريم على العرايس يقطع

الله يستر هاذي وانا كنت حاطتها نمبر ون ههههههههههههه شكلي بخليها اخر وحده

لا في بنات الكريم عليهم يقطع مثل منطقة حول الفم
والجبهه…………….الخ

ومكياج مس بريجيت رووعه انا شايفته على وحده مع انها مو عروس بس شي بصراحه

اتمنى يفيدونا عرايس مس بريجيت ؟ ؟ ؟

مشكوره عالموضوع المهم

بصراحه رفيجتي شايفته على وحده تصير لهم

تمدحه حيييل وتقول من حلاته بتحجز عندهم بعرسها

انتي استخيري قبل كل شي وروحي شوفيهم يمكن تقتنعين

وعسى الله يوفقج يااارب

انا خواتي الثنتين حطوا لها ,, مكياجها اينن وااايد حلوو وماشالله عليها حريفه بالمكياج وايدها خفيفه واتطلع العروس اتينن
وو من النوع اللي تحط مكياج اوفر ! بالعكس مكياجها بسيط وناعم ويبرز الملامح ,, =)

بس الشعر لج شوي عليه مو ذاك الزود

حبيبتي هاذي ليله ماتعاد مره بالعمر
لاتجازفييييييين الصراحه وحده من أهلنا مجربته كلششش ويع
شوفيلج مكان ثاني وإنتي قوليلهم ن كريم الأساس شنو تبينه
شوفي كونتننتال
حنان دشتي

بنات تكفون ترا صج خرعتوني .. وانا ملاحظة ان اكو بنات يمدحون و بنات يذمونها .. فمادري منو الصح
يمكن على حسب ذوق الزبونات ..لانهم قايلين لي على حسب طلبج شنو

.. ابي اراء اكثر بنات بلي تجاوبوا معاااااي

هلا حبوبه بنت خالتي كانت حاطه عندهم بس اهي مو عروس

خطت الكحل شي عجيب صراحه بس ماكو كريم اختفى بالعرس حده مو شي كريمهم

والله حبيبتي غوندي انا يوم عرسي حطيت عندهم كاان حده عجييب وانا مستغربه لان بصراحه اكثر شي عجبني عندهم الكريم يهبل والله ليما رحت بيتي واهوا نفسه مستغربه من البنات مادري بس يمكن ناسبني الكريم وبصراحه مكياجهم لا يعلى عليييه بس بريجيت ومرافقات ما يطلعون الا اذا عند بريجيت لا الباجي مكياجهم مو شي وانا وبنات خالتي عرايس كلنا عندها وبصراحه اشكالنا كانت رووعه وبعديين على الطلب يعني انا كان وياي عرووسيين ويخرعوون والله قمت ابجي جان تقولي بريجيت لا تخافين هذا طلبهم وانا راح اطلعج بعدها ارتحت والحمدالله فعلا على الطلب لان العرووس اللي وياي كانت حاطه تركوااز صارخ تخررع مو شكل عرووس كلش وشكلها كان تو مج بس حبيبتي توكلي على الله شغلها حده عجييب واهما بعدين معروفين بتساريحهم وانا يوم عرسي بريجيت نفسها تسوي تساريح

هاى حبيايبى شلووونكم وعيدكم مبارك مقدماااااا
بالنسبه لصالون بريجيت الصراحه مكياجهم حداااا راقى واينن انا اتعامل معاهم من سنه 2000 لما كان فرعها الاول بالمنقف
شغلهم واايد ناعم وراقى الصراحه مو هلاقه
واذا تبين اتسوين مكياج طلبى مدام بريجيت اهيا اللى تحطلج وبنات خالتى كلهم حطاو عندها الصراحه
وعرس بنت خالتى شهر 10 بعد عندها
ورحى شوفى مكياجهم احسن لا تسمعين من احد شوفى بعينج اضمن
وعس الله يهنيج ويوفقج انشاءالله

ما انصحج بصراحة رحتلها عشان بحجز عندها بعرسي شفت عروس عندها صراحة كريمها كلش مو شي
وما عجبني
ما ادري انتي عروووووس ولا تجازفين حتن تساريحهم مدري عادية
انا ما عجبني
انصحج ب انتر كونيننتال
او حنان دشتي

بس ابي اعرف رقمهم وين مكاااانهم