|
|
هاي بنات اشلونكم
, هذي اول مشاركة لي ,انا صارلي 9سنوات متزوجة ,حملت ثاني سنة من زواجي بثلاثة توائم بالمنشطات (ابر) عند الدكتورة ماجدة اليتامى بس صار عندي تضخم بالمبايض وماي بالرئتين وزوايا القلب واطراف الرحم دخلت العناية المركزة لمدة شهرين وبعد ما طلعت سويت تنظيفات للرحم يعني طرحتهم لأن وقف نموهم بسبب المسكنات الي كنت اخذها بالعناية , ومن بعد هالشي الي صار ماراجعت الطبيب, قبل 5اشهر راجعت عند دكتورة ناهدة العلي قالت عندي تكيس مبايض بدت معاي بالكلوميد بس ماياب نتيجة بعدها عطتني ابر اخذهم لمدة 7ايام صار عندي بالمبيض اليسار 5بويضات حجمهم بين 16و25واليمين تقريبا نفس الشئ بس ماعطتي ابرة التفجير لأنها خافت يصير عندي تضخم نفس المرة الي طافت, بس ما كتب الله الحمل ,كررت العلاج الشهر الي بعد ونفس الشئ صار عندي بويضات بس هم ماصار حمل رغم ان زوجي سليم مافي شئ , والحين رحت حق الدكتورة فوزية القطان نصحتني اسوي اطفال الانابيب, بس قبلها بتسويلي كي مبايض ,على كلامها علشان تييب نتايج افضل والحين ناطرتني انزل الدورة علشان اراجعها…. بغيت اعرف الي راح يعالجون برة شلون قدموا؟ ومن متى مقدمين ؟ وكم سنة صارلهم متزوجين؟وشنوا مشكلتهم ,وهل عالجوا من قبل؟ارجوكم افيدوني بعرف ,شنو الاجراءات او الشروط للعلاج بالخارج ,بحالتي يقبلوني اروح علاج للخارج لأن بصراحة خايفة اسوي عملية الكي واطفال الانابيب بالكويت.وربي ما يحرم احد من الذرية الصالحة.
لازم الوحده تنتبه لما تاخذ أدويه وتسأل وتستفسر قبل تاخذهم يضرونها ياختي الصحه والعافيه أهم شي بهالدنيا أهم من المال والعيال و هالدكاتره يمر عليهم مرضي شكثر فما يركزون ويسون الفحوصات اللازمه قبل المريض ياخذ أدويتهم يمكن ماتناسبه خصوصا بالكويت تخبط الله المستعان صرنا فئران تجارب موبشر حسبي الله ونعم الوكيل المهم إختي إذا تبين تسوين علاج بالخارج لازم تطلبين لجنه من الدكتور اللي تراجعين عنده بالحكومه ويحددون موعد مقابله وتتوالي الإجراءات وإذا وياج واسطه بتختصرين الطريق والله يكتبلج الخيره صارلي 3شهور نراكض وللحين ماردوا علينا الله يسهل
وليش ما تسوين تلقيح صناعي مدام زوجج سليم لأن هذا افضل لحالتج عسى ربي يرزقكم ويعوضكم عن اللي فقدتوهم يارب
وهم انصحج تفتحين ملف بمركز طفل الانبوب بالصباح ترا معاملتهم حلوه ودكاترتهم شطار