|
السلام عليكم بنات شخباركم حبيت تفيدوني بشغله بحياتي
بختصار انا متزوجة من سنتين تقريبا زوجي كان ما يشتغل المهم قاعدين ببيت اهله بغرفه وحمامها (عزكم الله ) ………….
بعدين يبنا بيبي وطبعا بنتي تنام عندي واحين كبرت ومتضايقة الصراحة بالدار خاصة انه عندة اخوان بالبيت وانا متحجبه ولااااا ولازم البس عباية جدامهم (انا متدينه وحتى زوجي )
المهم الحين ابيييييييييييي اطلع من البيت بروووح شقة لاعت جبدي
انا طالبه وزوجي الي يشتغل بعد ما ما قسمنا المعااااااااش طلع يعطيني بالشهر بس 60 دينار
انا مو مبذرة بس اخاف ما يكفوني
افيدوني بننااااااااات اطلع شقة ولا اقعد عندهم ؟؟؟؟؟؟؟؟؟؟
وعفية كل وحدة جم يعطيها ريلها الي مثل حالتي ؟
شدعوه هذي اول مشاركة حقي
بس ابي نصييييييييييحة
حبيبتي بوضعج هذا صعب تطلعين بشقة ال60دينار شتسوي اذا لا سمح الله بنتج مرضت والا اذا يت مناسبه ويبيلج بدله شلوووون
ما كو حبيبتي الا الصبر واو حمولتج تعطيج دار زياده
اما سالفة جم تعطيج ريلج
هذا يختلف من وحده للثانية وحسب ظروف الريال
و مافكر اطلع لأن ريلي مقطوط سره بهالبيت لول,, بس صج حالتج صعبه
قاعده بعباتج 24 ساعه بس اذا ريلج راضي و المكان اصغير عليكم ووده
يطلع طلعو ,, و بالنسبه حق المعاش على حسب يعني انتي ماعندج معاش؟؟
اذا ماعندج معاش و معتمده على هالـ 60 دك صراحه صعبه ,, احسها ماتكفي
شي بصراحه السوق نار و الدنيا غلت ,, اما اذا عندج معاش و هالـ 60 فوق
معاشج لا يبا طلعي ووسعي على روحج بدل هالحكره ,, انا ما اخذ من ريلي
مصروف شهري متى ما طلبت او حسيت اني محتاجه اخذت منه ,, و ترى
على حسب امكانية ريلج يعني اذا كان مقتدر طلبي منه اكثر و الله يقدركم
و يسعدكم ان شاء الله.
وهذا وضع مؤقت والا على طول ؟
انتي شوفي السلبيات والايجابيات اذا شفتي السلبيات اكثر خلج عند اهله لين تتخرجين وتتوظفين انشالله وبعدين طلعو ..
![Smile خليجية](images/smilies/smile.gif)
شوفي حبيبتي المشكله مو ب 60 الحين لان اذا على قولج مو مبذره ومتدينه 60 تسوي بلاوي اذا قسمتيها وعلى قولج زوجج معاشه ضعيف فارضي بالمقسوم على ماتوظفين ان شاء الله والله بيفرجها ..
مالج الا تكلمينه ونصيحتي يا اختى حاولوا تبنون على الاقل غرفتين بالسطح ولا إنج تطلعين بشقه لان الطلعه مو من صالحج .. بتقولين ليش؟؟ بقولج بنتج وعيالج انتي طالبه وبعدين بتصيرين موظفه ان شاء الله فكري بعيالج قبل نفسج لان الخدم مالهم امان .. رفيجتي استاذنت من الدوام بتجيب لها شي وتجي تخيلي لقت عيالها بالبيت الصغار ابو 3 سنوات والبنت 5 سنين يبجون والخدامه مو موجوده هايته تخيلي الله رحم عيالها لو ماجت كانت ما كشفتها .. حاولي انج تكلمينه يبني او يعطونج حمولتج غرفه على قول اختي لازم الناس تقدر .. والله يكون بعونج ويحل مشكلتج عاجل غير اجل اللهم امين ..
وماتكفي شي
لازم يعطيج اكثر ماعليه اجار
عالاقل 150 ياللله تكفيج انتي وبنتج
انا خذيت ريلي طالب وكان معاش شؤون قبل لايتوظف ويعطيني اكثر من هالمبلغ وماعندي ياهل
لاحبيبتي طلبلي اكثر من حقج
والله كريم
وال60 شويه!!!!
مدام زوجج موظف شي اكيد ان معاشه بكون فوق ال350 اردى شي غير الزوجيه وبدل الاجار اللي الحين صرفوه للكل وهم مع معاش بنتيج الله يحفظها
فأتوقع شهريا بيجيكم حول ال550 << يحليلي محاسبه صرت
وهم ماعنده اجار يدفعه ف 60 حيييييييييييييل شويه انتي قعدي معاه وفهميه واخذي حقج بالطيب
والله يوفقكم وتتوظفين وتتغير الحااااله للاحسن..
واذا عالمكان كل يوم زوري اهلج واخذي راحتج ابيتهم…لين الله يفرجها وتوظفين…
وان شاء الله اخذ بنصايحكم
صبري وتحملي لان لا تقولين شقه وخلاص
الشقه يبيلها ماجله وخدامه واثاث ولويه ما بعدها لويه تحملي والله يعوضج خير والله نصيحه من مجرب
ما تضيق الا تنفرج