|
|
حبايبي أنا توني والدة بعملية قيصرية صارلي 32 يوم
واليوم كنت عند الدكتورة أسألها عن الربط قالتلي عادي اللي والدة قيصرية تربط بعد شهر
مع ان هذي ثالث ولادة حقي بس كل مره ماكنت أربط على بالي خطر على العملية
بس اليوم اكتشفت ان عادي … وسألتها عن المشد الأندونيسي قالتلي ما أعرفه بس بالنسبة
للحزام العادي قالتلي حطيه وكل يومين ضيجيه شوي بس وقت الأكل والنوم تشيلينه
ياليت البنات اللي ولدوا قيصرية من قبل يقولون لي عن طريقة الربط لأني ما أعرف شسوي
وشنو أحسن شي أستخدمة لأن الكرش الله لايوريكم <<<<< — يلوع الجبد
وهل المشد الندونيسي ينفع مع القيصرية والا لأ لأني شريته بس خايفه استخدمة
وصج انه اهوا ينحت الجسم نحت <<<< —- هين
حبيبتي انا من اليوم العاشر لابسته بس مو حييل شادته
عادي لبسيه مافي الا العاقيه والدكتور اصلا من ثاني يوم ولاده قالي ربطي بطنج بس مو حيل
و انا هذي ثاني ولاده قيصري
|
المشاركة الأصلية كتبت بواسطة غروب@@@
 انا بولد ثالث مره قيصري بس ولامره لبس حزام كلش بس هالمره شكلي متنت وبشتري المشد الاندنيسي من ويين وفي اصلي وتقلييد وبجم مشكوره ناطرتج
|
تقومين بالسلامه ان شاء الله … تبين الصراحه ما قدرت أصبر لبسته بس ما شديت عليه وايد لأن صج ودي قبل لا ااخلص من الأربعين
تكون كرشتي خفت وقبل ما أنام بدهن بطني بخل التفاح وماي ورد وانشالله أشوف نتيجة
والله يسلمج أنا شريته من الحواي تلقينه عند أي واحد وسألته قالي الأصلي وخذيته 5.500 د.ك
حاولت بس الجرح ذبحني وبطني جني حامل بس ماني قادره البس اي مشد جرحي للحين يعورني حتى لي لبست
بنطرون وطلعت يذبحني احس انه يعرق وياكلني ماصدق ارد البيت عشان امسحه بالكحول باند
وساعات احسه جنه شاد من الداخل …
|
المشاركة الأصلية كتبت بواسطة بسبوووسه
انا ليلحين بعد بالنفاس
حبيبتي انا من اليوم العاشر لابسته بس مو حييل شادته عادي لبسيه مافي الا العاقيه والدكتور اصلا من ثاني يوم ولاده قالي ربطي بطنج بس مو حيل و انا هذي ثاني ولاده قيصري |
حمدالله على سلامتج ومبروك ما ياج … وعندي جم سؤال
– شكثر تشدينه على بطنج
– كل جم يوم تزيدين الشد ولي متى أقعد أشده
– ومن وين تبدين تربطينه يعني من آخر البطن والا أصعد شوي علشان العملية
|
المشاركة الأصلية كتبت بواسطة athora
الحمدالله على سلامة اللي ولدو والله يهون على اللي ماولدت حبايبي انا والده قيصريه لي 3 اشهر وماربطت بطني
حاولت بس الجرح ذبحني وبطني جني حامل بس ماني قادره البس اي مشد جرحي للحين يعورني حتى لي لبست بنطرون وطلعت يذبحني احس انه يعرق وياكلني ماصدق ارد البيت عشان امسحه بالكحول باند وساعات احسه جنه شاد من الداخل … |
وانتي بعد حمدالله على سلامتج ومبروك ما يالج
أنا اليوم سألت الدكتوره عن العوار قلت لها الحين أحس ان الجرح يعورني داخل البطن
قالتلي عادي راح يتم يعورج شهرين أو ثلاث
انتي إذا تبين لبسي ولا تحزينه وكل شوي ضيجيه بالدرجة اللي تقدرين تتحملينها
أنا بعد عقب ولادتي الثانية صار بطني جني حامل ووايد ناس يسألوني إذا حامل والله انحرج
علشان جذي هاتلمره قلت لازم أشوف حل حق هالسالفة
والله المستعان
بصراحه تشجعت عالمشد بروووح اشتري و البسه انشاء الله القى الفايده
وقال الدكتور مدة 6 شهور لا ربط ولا تمارين لان على ما تلحم الجراحة و مو سهله العملية
لان المنطقه تكون حساسه حيل من الخياط واذا كان على الكرش سوي خلطه تخفف الكرش اللي هي نعناع وزنجبيل وكمون مقاديرة متساويه تشربين كوب قبل الاكل
بس نصيحه بنات ابعدوا عن الربط
حزام الظهر مال الصيدلية واااااااااايد احسن منه يبين الفرق من اول او ثاني يوم
شنو تنصحوني يابنات بنفاسي كره العيش وبس نفسي شرب ماي بس خايفه من الكرش
ولا اكلت لالهوم ولا حسو ولا يره؟؟ (
لان الجرح اول شي يلتئم من بره ومن داخل يظل طري بعده
يعني لو شديتي عليه تدرون يا بنات شيصير؟؟؟؟؟؟؟؟؟؟؟؟
يصير فتاق من داخل البطل ويخلي البطن يصير كبيييييير جنج حامل بتوأم
الدكتور قالي هالنصيحه
وانا كنت والده قيصريه قبل فتره
وياتني وحده تشتغل بالصباح بالعلاج الطبيعي وقالتلي مو زين الربط قبل ال6 شهور
وعشان البطن يدخل بعد 10 ايام من الولاده سوي تمارين للمعده اللي اهي…..
انج تشفطين بطنج لي داخل وتعدين لي العشره وتهدينه وكثر ما تقدرين سوي هالحركه طول اليوم والله انه يدخل البطن
وانا جربتها بس حسافه ما التزمت والا جان بطني صار اضعف من جذي بعد
يا بنات اللي تبي رحمها قوي وما تصير فيه مشاكل للحملات اليايه لا تربط ولا تييب رداده قبل ال6 شهوور
والله يسهل عليكم كلكم