|
|
السلام اليوم رحت للمجلس الاعلى للمعاقين فانا اعاني من اعاقه بسيطه وسمعت عن المنحه اللي اهي 5 آلاف للأصنصير المهم قلت خلأروح بما أني عندي قسيمه وحالتي تستدعي اصنصير المهم رحت انصدمت من الزحمه تخيلوا رقمي 610 وعلى الشاشه 500رحت الساعه 9 وخلصت 1 ونص بالأول كنت مقدره المجهود اللي مسوينه الموظفات قلت الله يعينهم اذا هذا حالهم كل يوم بس اللي ينرفز وحده من الموظفات طايحه صراخ على الشياب طبعا الشياب اللي مضيع البطاقه واللي يبي يسأل من غير دور بس ابداااا موعذر عشان تغلط عليهم ومن الكلمات اللي قالتها(ياحجي كم مره افهمك شنوانت ماتفهم )(وانتوا ما تستوعبون ولله لو هنود فهموا) وكل ما تعصب تصارخ يارجب تعال فهمه والمصيبه مسويه روحها نظاميه على هالشياب والمعاقين اللي يالله يمشي واللي على كرسي وترد كل شايب اللي عمره فوق ال70 بحجة خلصت الارقام وبعد ما رددت أكثر من 10 يت وحده الله منعم عليها بالصحه والعافيه لابسه كعب 5 سم ومسويه تسريحه وببرود قالت لها شلون أختي ابي رقم وردت عليها خلصت الارقام تعالي باجر قالت ما أقدر آنا توني تالعه من الدوام تخيلوا خذت الاوراق ومشتها وخلت اللي عليه الدور واقف وكنت ميته قهر ومشتهيه اقول لها أختي خافي ربج ناس ناطرين من4 ساعات وكلنا اعاقات وشياب وزارعتنا ووحده ما فيها الا العافيه تمشينها بس الحمدلله واحد عطاها جم كلمه صج عفيه عليه
والمصيبه طلعت هذي مسئولتهم وبعد الزفه قالها المراجع حرام عليكم ننطر 4 ساعات وبعدين تطلبون الملف نص ساعه على ما يوصل وهنيه صارخت رجب اخذ البطاقات من كل المراجعين وجهز ملفاتهم ليش لازم يفهمها المراجع الشغل ولا لازم تصير هوشه عشان تعرف شغلها صج حرام عليها كل فلس من راتبها وسمعت وحده عيوز جدامي تقول هذي حالتنا كل يوم واذا تكلمتي زرعوج وقالوا تعالي بعد شهر اوراقج ناقصه صج محنه حق المعاقين وحرمونا من حلاوت المنحه اللي اقرها ابونا صباح الله يحفظه وتكلمين الموظفات وما يردون عليج النفس خايسه جنج اطرين منهم 
الله يرحمنا برحمته ما كنا نشوف هالبهدلله ايام احمد الشطي ولااااا شرايكم عطوني رايكم قمت اكره اليوم اللي اراجع فيه بهالمكان ونفسية الموظفات
الله يعينا عليهم ..
وضيفي حاطينهم بالسرداب
انزين شلون ينزل اللي اعاقته حركيه !!
صج صج الله يعين .. بس لاتخلين ياقلبي وراكضي و هذا حق من حقوق المعاق …
هرانية وأفتخر
حبوبه لمن تروحى لهالاماكن اخذى معك احد قوى بحيث ان لو واجهتى هالاشياء
اللى معك يمسح فيها الارض ويبلعها العافيه
انا بصراحه باطين جبدي بالسرداب المعاق شلون يراجع
مانقول الا لحول ولا قوة الا بالله
يقول بسوي وبسوي وليش محد يحاسبهم صارلهم
اكثر من سنة قروا القانون جم بند طبقوا منه ١ ولا ٢
اشوف ريلي مسكين كل ما اقول له روح اسال يقول بعدين ماله خلق اثاري الحاله كسيفه الله يعيننا بس
هلا اختي
اول شي حياج الله بينا
والله المستعان وان شاء الله كل شي يتعدل
الله يعين اللكل أولاااا أختي الصابره المحتسبه هل أنتي موظفه لديهم لأن ما أدري أحس عندج معلومات عنالهيئه وسمعت أن في نشره خاصه لديهم عن كل ما هو جديد بالهيئه وسألت بس الموظفه خزتني وتأففت كأني طالبه صدقه منها وبصراحه المكان زحمه وكله رياييل وحتى الوحده تستحي تتكلم مو تعلي صوتها بعد والمشكله تشتكي عند منو اذا المسئوله صراخ وزف بالمراجعين ومن حطوا زوج العضوه والمكان كله فوضى وتسيب والاعضاء طخوا هالفتره بس صج هم يضحك وهم يبكي -في واحد قاعد جدامي عقاله مايل وغتره متفوخه جاني احساس قوي بأنه شخص ما أحبه ولا أواطنه بس تمنيته يطلع أهو تدرون منو ((((((( الجويهل)))))))) بس حسافه طلع مو أهوه ولا كانت فضيحتهم بالسور تصبرون شوية ولا تستعيلون على شي ان شاء الله وبحيل الله
بتحصلون على كل شي قروه …
انا معاقة من صغري ..والحمد الله على كل حال
بس من صغري لحد الأن من اسمع ان الدولة قررت انها تسوي او تعطي او تخصص شي لنا
صدقوني نحصله عمرهم ما قالو شي ما سووه يا ريت توسعون صدوركم شوية
وياريت نحمد ربنا على النعمة والخير اللي احنا فيه اللي الكل حاسدنا عليه
الصبر …ثم الصبر …
|
المشاركة الأصلية كتبت بواسطة مباركيه
 يا ريت وياريت …يا بناتي ويمكن فيكم خواتي
تصبرون شوية ولا تستعيلون على شي ان شاء الله وبحيل الله بتحصلون على كل شي قروه … انا معاقة من صغري ..والحمد الله على كل حال بس من صغري لحد الأن من اسمع ان الدولة قررت انها تسوي او تعطي او تخصص شي لنا صدقوني نحصله عمرهم ما قالو شي ما سووه يا ريت توسعون صدوركم شوية وياريت نحمد الصبر …ثم الصبر … |
انتي صادفتي موظفة وعممتي على الكل ترى في بنات الديرة كفو ويعطون من قلب.
وياليت نتفائل ونتأمل خير ونصبر وكل من له حق راح ياخذه باذن الله.