اللي مؤيدة البونص تتفضل وتشوف ليش الاصرار على البونص خفايا وخبايا

إلى كل خواتي المؤيدات للبونص

إلى كل من يشوف البونص ونظام المكافأة هو الأفضل

سؤال مهم لازم يتوجه للمسؤولين

يقولون حنا نكافئ المعلم و البونص تكلفته اكثر من الكادر

طيب يوم إنه اكثر ليش مصرين عليه المسؤولين مو دايما يقولون لنا إنه لازم تكون الميزانيات بالصرف مناسبة وما نحمل ميزانية الدولة أكثر من طاقتها

إحنا بنوفر لكم دام إنه الكادر تكلفته اقل

عجبا لأمرهم يطبقون اللي تكلفته اكثر بحجة دعم العملية التربوية

ويقولون المؤيدين من المعلمين والمعلمات إنه افضل العطاء مقابل الأداء

لا هذا غطاء لشي خفي

فمن يقولون البونص أفضل لدعم العملية التربوية وانه المعلم يعطي اكثر بالبونص

حتى الكادر يعطي أكثر لأنه الفارق بين درجة ودرجة بمستوى الكادر ومسميات المعلمين كبير

فمعلم ج يرغب بان ينتقل لمعلم ب لأنه الزيادة بين الكادرين كبيرة فسيعمل اكثر ويعطي اكثر

فحجة العطاء مقابل الادداء هذه حجة غير منطقية

لا هذا الظاهر

لكن الخفي أكثر وأعظم

السبب الأول إنه الكادر ملزمين ينزلونه مع الراتب شهريا

لكن البونص يقدرون يتحكمون في مبلغه وميزانيته

مرة تكون الميزانية عالية ومرة الميزانية تتخفض يعني ممكن مرة تاخذون ألفين والسنة اللي بعدها تنخفض الميزانية وتاخذون 200

السبب الثاني والأهم أذا كان بالمعلم في حال إقرار الكادر ينزل شهريا في حسابه

فماراح يكون فايض بالميزانية مثل حالة إقرار البونص

لانه المعلم ياخذ الكادر أول باول

لكن البونص يكون تحت مزاج المسؤول واللي ما يخاف الله بيظلم فينقص من تقييم المعلم أيضا بمزاجه واللي يخاف الله بيعدل

ولعل حدث الاعتصام كان خير دليل لما بين لنا بعض الشخصيات الموجودة بالتربية لما شفنا بعض المديرات بالمدارس يهددون المعلمات أذا تغيبوا بيوم الاعتصام

تتوقعون شخصيات مثل هذه بتقيمك عدل وبتاخذين حقك وترى الاعتصام من حقك قانونا ويبون يسلبون حقك حتى بالتعبير عن رايك بالاعتصام

وعلشان تاخذون البونص كاملا لازم ما يكون عندكم استئذان ولا يوم غياب وتردين البيت تتواصلين مع الطلبة بالنت وشبكة الفيس بوك يعني تداومين بالمدرسة والبيت دوام ثاني

والسؤال الأهم والرئيسي

مو يقولون انه كل معلم راح ياخذ قيمة كادره كامل بس بصورة البونص يتجمع له بآخر السنة ويستلمه

انزين في حال المعلم ما استحق بونصه كامل بيبقى من مبلغ البونص اللي مخصص لهالمعلم لانه ماراح ياخذه كامل

الفائض من ميزانية البونص وين بيروح من اللي بياخذه ويستفيد منه ؟؟؟؟؟؟؟؟؟

شفتوا ليش الاصرار على البونص لانه بيصير فيه فائض بالميزانية فكروا قبل لا تايدون البونص فلوسكم وين بتروح إذا ما خذيتوه كامل

أما الكادر ماراح يصير فيه فايض بالميزانية لانكم بتاخذونه أول باول وبدون تحكم احد

فماراح تخلون شي يزيد من الميزانية

فكروا عدل قبل لا تايدون البونص

لا تتوقعون كل سنة بتاخذون ولا راح تاخذونه كامل اللي اليوم ظروفها تسمح أنه تاخذه كامل باجر ماراح تسمح ويمكن تبكي بعد ليش ؟؟؟؟؟؟؟؟؟؟؟؟؟؟

لانه الزيادات اللي صارت بالجهات الثانية زيادات كبيرة كفيلة بإنها تشعل الاسعار على كافة المستويات وإنتي راتبك بيكون الاقل كانه شهادتك دبلوم ولا كانك درستي وتخرجتي من الجامعة
ولاراح تقدرين تصرفين إلا للضروريات وبتنطرين البونص من سنة لسنة علشان تقدرين تتحركين ماديا هذا إذا حصلتي عليه كامل ولا استأذنتي ورحتي مدارس عيالك تتابعينهم وغبتي لأنك مريضة

رجاء فكروا قبل لا تأيدون وتعارضون يظل هذا تحليل قد يكون صحيح وقد يكون خاطئ واتمنى إنكم تشاركونا بآراءكم

حسبي الله و نعم الوكيل على اللي بهدل المعلمين

حبيبتى صح لسانج
اذا احنا الحين بتقاديرنا مظلومين ومديرات المدارس عندهم حاشه معينه
مقربين لهم وطبعا قرارات الوزارة مخشوشه ومحد يدري عنها علشان شغلهم يمشي عدل
اصلا خلال فترة تدريسي اكتشفت انه بعض مديرات المدارس يدورون مصالحهم وطايحين له بوق بالمدرسه اشلون بنثق فيهم يعطونا بونص ؟؟؟ اصلا شروط البونص تعجيزيه !! ومستحيل انه احد يطبقها 100%

ندري حبيبتي حاميها حراميها…

حتى لو ما حصلنا كادر او بونص

الله يحفظ هالديره مهما كان ما ضروا الا الوطن حسبي الله ونعم الوكيل

الله المستعان

ويييه اهما الحين ومعاشاتنا ثابته ومعروفة ومو سالمين من البوق

كل شهر المعاش غير الشهر اللي وراه .. والمناوبات ومراقبة الاختبارات ما تنزل لنا الا بطلعة الروح لما نراجع .. بس لو فيها خصم سملله عليهم ما يتأخرون عارفين ياخذون حقهم

غير العلاوات اختي سنة كاملة كان المفروض تصير معلم ج سنة كاملة واهما يبوقونها خذتها بأثر رجعي يوم راجعتهم

وزارة خربانه كلها

وسالفة البونص هذي مسخرة .. بيصير شي نسمع فيه ولا نشوفه وبتشتغل لعناة الادارات احنا اعمال ممتازلة ما وصلت 500 دينار ما ينزلونها الا لربعهم شلون الحين البونص بالالاف بيصير معاشي بأيد الادارة

صااااجه بالخصم و التهديد مايتأخرون
و بالزيادات و المكافآت و المراعاة يطلعوووون رووووحنا

اذا المليفي بيطبق البونص عل تربيه و وافقوا عليه خل يتطبق عل وزارات الثانيه اشمعنا عل التدريس بعدين شلون يصير معاشنا بيد الناظره شلون اضمن انها بتنصفني مايدري ان كل شي بواسطه يعني لو اعرف الناظره الفلانيه او قريبتي ماخذه ماخذه البونص*

ماعجبني البونص فكرته

والله محد عاجبته فكرة البونص
شروط تعجيزيه ابصراحه
لاتغيبون لا تستأذنون لا تستمرضون ولا يستورضون عيالكم !!!!!!!!!!!!!!!

وازيدكم من الشعر بيت
خالي بديوان المحاسبه ويقول ان اذا طعلت ميزانيه سنويه حق البونص وماخذوها كل المعلمين في هالحاله اذا الوزير رداها الي الدوله تعتبر مخالفه ماليه لازم يصرف الميزانيه الي محددتها له الدوله كلها
قولولي ياشطار الفايض وين بيرووووح

اللهم كن معنا ولاتكن علينا

ميه ميه ولا فراخ الجمعيه

حسبي الله و نعم الوكيل على اللي بهدل المعلمين