|
|
السلام عليكم بنات
توني من 4 يام ركبت لولب ( العادي مو اللي فيه هرمون ) و هذي اول مره اجربه..يعني ما عندي خبره فيه
اول يومين كان ينزل علي دم خفيييييييف..يمكن جم نقطه تقريبا..و هذا اللي قالته لي دكتورتي..( قالت لي خفييييييف ما قالت وايد )
و عقب هاليومين قام يزيد الدم علي..,صارت كميته مثل الدوره …. و هذا رابع يوم لي ولا احس انه خف
شالسالفه؟؟؟….ابي اعرف طبيعي هاللي يصير معاي ولا لازم اروح حق دكتورتي..؟
و اذا طبيعي ..لي متى الدم راح يظل ينزل جذي…؟؟….يعني السالفه مطوله؟؟؟؟
يزاكم الله خير فيدوني…لاني قمت احاتي
وفعلا ما شاء الله الحين مرتاحه عليه وايد . وانا ان شاء الله بس اولد بالسلامه علطول راح اركب اللولب
بس ودي اسألج … شنو الفرق بين اللولب العادي واللولب الهرموني ؟
شلتهم لسبب اني ارغب بالحمل
واول ما اركبه عند محمود الاسطل ياني تقلص قالي شوي ويروح يمكن مو اكثر من نص ساعه
وبس ما اذكر انه نزل دم
واذا نزل شيئ لا يذكر
الي حاطته اللولب النحاسي العادي وفي الهرموني
الهرموني حق الي دورتهم نزيف او الي كبار بالعمر مو لنا يعني اذا وحده بتقطعها العاده
بس شوفي ديري بالج من تاريخ صلاحيه اللولبعلى العلبه
لاني مره ركبته واخذ 6شهور وجاني ماي مو طبيعي من تحت والتهابات
وعزج الله حتي ريحت البتاع صارت لاتطاق ورحت الدكتوره قالت الحين
اشيله لج قلت ليش قالت مسببلج بلاوي داخل واول ماطلعته اللون النحاسي
صاير اسود تدرين شنووو طلع مصدي فيني داخل ومسحته الدكتوره بكلينكس
كل الصدا قام يطيح لما بين اللون النحاسي …والسبب الصلاحيه منتهيه
ديييري بالج من التاريخ
الحمدلله طمنتوني
والحمدلله اليوم وقف الدم…
مكنتوشه…
الفرق بينهم ان العادي ما يصلح حق اللي الدوره عندهم ثقيله لانه يزيدها وايد..يعني راح يتعبهم
اما اللي الدوره عندهم عاديه او خفيفه ..ما راح يزعجهم بشي
بينما الهرموني بالعكس..يخفف الدوره وايد..تصير وااايد خفيفه
انا عن نفسي اخترت العادي لاني مابي اي شي فيه هرمونات…لان الهرمونات بروحها بلوه
ممكن تسبب…زياده بالوزن…تساقط الشعر…البشره تخترب…ممكن يسبب اكتئاب
فقلت ..ابعد عن الشر و غنيله
بس ترا هم في ناس يوالمهم و ممكن ما يسبب لهم مشاكل
بس الواحد ما يخاطر .. و خصوصا ان الهرموني واااايد اغلى من العادي
يعني مو مال تحطينه على بو اتجربينه و بعدين تشيلينه اذا ضايقج..
و يخليج على طول افرازات و اصوات
يعني في حريم اجسامهم اتقبل اللولب و يصير تمام معاهم و ما يسبب لهم مشاكل
و حريم ما يوافقهم
الزبده…كل وحده و طبيعة جسمها