اللي استخدمت البوكس الوردي عند ماجدة التيامى

مرحباااااااااا
انا عندي عيال الله يخليهم لي ….. بس ودي على البنية
جربت فبل حملي الاخير عند فوزية القطان نظام غذائي والبوكس الوردي ونهب فلوس على الفاضي
مالله كتبلي بنت طلع وليد ياخذ العقل ( الحمد الله على عطية الرحمن ) …..
ونصحوني بالدكتورة ماجدة اليتامى …… ياريت المجربتها تقولنا شصار عليها ….
طبعا الرازق ربي … الله يرزق كل محروم ….

الله يرزقج بنت ان شاء الله
وترى الزوج من الحيوان المنوي اهوا الي يحدد بنت ولا ولد
فاا انا سمعت اذا سويتي نظام غذائي ريلج يسوي معاج
وادعي وكثري بالدعاء
والله الي يعطي البنت والله الي يعطي الولد الحمدلله على كل حال
الله يخليلج عيالج ان شالله ويرزقج بنووته

الصراحة الي ما يابت بنت يعني ما يابت عيال
معنى انا الحين ابي ولد ورحت حق الدكتورة ماجدة ابي ولد بس قاعدة احرج شوي >> اتغشمر
والله الدكتورة شاطرة وتعطيج شراب حمضي واتحددلج ايام الجماع
والاكل كثري كالسيوم مثل الحليب ومنتجاتة وبيض وبس وراجعيها

انا هم عندي اولاد بس مافكرت اسوي شي

الله يرزقج ان شالله باللي تبينه

وكنت اتمنى افيدج

سمعت عنه بس ماعرف احد مجرب هالبوكس

انا بعد مثلج ودي اجربه بس مادري متردده

فوزيه القطان وماجده اليتامى نفس الشي يعني اذا ماضبط معاج عند فوزيه هم نفسه عند ماجده لان اهو نفس العلاج يمشون على تعليمات البوكس
انشاللله تحملين بتوم بنات

الله يرزقج بالبنت الصالحه انشالله
والله ماعندي معلومه بس ماحبيت ادش ومارد

الله يرزقج ويرزقنا معاج

قوه حبوبه….ابي اقولج شغله صارت معاي بالصدفه من جم اسبوع….بس طولي بالج معاي
انا حال حالج ميتيه علي البنت…بس الحمل صار فجاه مع اني كنت مخططه اسوي شي علشان ايب بنت ومع العلم ان زوجي رافض هالشي
ومن كثر ما يشوفني ابجي لاني خايفه ايب ولد…قالي والله اوديج عند ماجده اليتامي ومستعد امشي علي علاج معاج وما يصير خاطرج الا طيب
…..هذا في حال اني يبت ولد

وسبحان الله في نفس الاسبوع…وبحكم شغلي…انا محققه…اشتكت على ماجده دكتوره عندها تشتغل ممرضته تخدير..وطبعا لازم انادي الكتوره وتصير جلسه تحقيق وغيرة….ولما صارت الجلسه ..حضر محامي مع الدكتوره اللي مشتكيه عليها…ينوب عن الدكتوره ماجده

طبعا لازم تعرفين انا اختصاص ماجده اليتامي فصل اجنه…وشاطره في هالسوالف وتمشين علي نظام معين…وسالتها ليش سعره 2000 دينار
قالت لي مو صحيح اقل من جذي بوايد بس تقريبا مده العلاج تاخذ سنه علشان النتايج مضمونه…الصراحه سالتها لحد ما اخذت الجواب الشافي انها احسن دكتوره بالبوكس الزرق او الوردي…وهذا كلام الدكتوره اللي مشتكيه عليها…قالتلي الظلم حرام….كل اللي مشوا معاها بالعلاج هذا ناجح بنسبه 99%…وانها شاطره وممتازه ونتايجها حيل مضمونه من بعد الله سبحانه

سامحيني قرقت وايد على راسج انتي والبنات…بس ابي اسولف ..قاعده من الصبح وفاضيه

صج والله يعني تنصحينه بماجده اليتامي والله انا فكرت اسوي البوكس الوردي بس ما ادري عند اي دكتوره اسويها انتي الحين شجعتيني علي ماجده امممممممممممممم انا مثلج ميته علي البنت انا الحمد الله عندي بنوته وحده والباجي صبيان اسم الله عليهم بس ابي بنت ثانيه هههههههههههههه طمع

لا والله مو طمع والله البنت تينن توووونس اااااه ان شالله تجربون البنت وراح تصدقون كلامي كل لها الدلع ولبس والسوق كلللله اصلا لها يازين البنات ياربي ترزقني بنوته ثانيه يااااااااااااااااارب

حنين يارب يرزقج البنوته الحلوه الشقره..((ها بعد شتبين))

يــــــــارب يرزق كل وحده تبي تحمل

يــــــــــارب ترزق كل وحده تبي بنوته

يـــــــــارب ترزق كل وحده تبي ولد

يــــــــــــارب ترزق كل وحده تبي توأم

هلا نجومه يابعد قلبي علي الدعوه الحلوه بنت وشقره بعد وااااااي ياحلاتها

هلا والله ….ترى انا للحين ماادري اللي بطني شنو….بس قيايله اذ طلع ولد……هذي كتبت الله شنسوي الحمد لله
بس باذن الله بنطر سنه وبروح عندها علشان امشي على العلاج معاها سنه بعد…وانشوف البنوته انشالله يارب ياكريم..
وخليت ريلي يحلف عالمصحف انه مايرد بكلامه………وحلفلي بعد قلبي
بس تدرين ……..انتي عندج بنت الله يهنيج فيها وتبلغين فيها وتشوفينها عروس……..
تخيلي…انا عندي صبيان……ووحيده امي……وماعندي خوات..يعني للحين لابنت ولا اخت……شفتي قلبي اشلون متقطع على البنت
عسى ربي يرزقني ويرزق كل من تتمنى البنت باحلى بنات يارب

ياحياتي والله الله يرزقج البنت اللي مثل القمر ياااارب والله انها دعوه من قلبي (( بس تدرين انتي مثلي بالضبط ماعندي خواااات من وانا صغيره ارقع اطوف والحين سبحان الله بنتي طلعت مثلي وتري انا حاااااااااااسه فيج حيل والله انج تذكريني بنفسي ويارب يارب يرزقج البنت ويرزق بنتي اخت علشان ما تصير وحيده مثلي يارب