الله يرزق اللي ترد علي بالذريه

مرحبا

بنات انا الشهر الجاي بكمل سنه زواج وتو داخله ال29 سنه وخايفه ادخل الثلاثين وانا ماحملت لاني سمعت ان فرصه هالعمر تكون اقل من اللي في العشرين ونفسيتي زيرو

زوجي عنده الحيوانات المنويه قليله حيل 9 مليون بس والطبيعي المفروض يصير 20 مليون وطالع
ياليت اللي عندها حل يساعد في زياده الحيوانات المنويه عن تجربه غير الحبوب يفيديني جزاكم الله الجنه وكم فتره على مايزيد العدد ؟؟ لان زوجي حالته مستاءه وانا نفسيتي زفته اكثر منه لان عندي هرمون حليب والتهابات وقلت مايخالف بتعالج بس لان اثنينا حسيت بصدمه موطبيعيه
واللي زوجها استفاد عالحبوب فكم مده العلاج وصار حمل ؟
ادعولي بالذريه الصالحه

الله يرزق بلذريه الصالحه يارب العالمين ويفتح ابواب الفرج عليج حبيبتي انا اعرف من خلال تجارب الناس حبوب الكلوميد هذا الي اعرف الله يرقنا بالذريه الصالحه يارب ونفرح

تسلمين حبيبتي وربي يسمع منج ويرزقني معاج ويرزق كل من تبي الحمال بالذريه الصالحه يارب

ابي ردود اكثر بنات ساعدوني

أول شيء اختي توكلي على الله و طبقي هالأشياء:
اقري الرقية الشرعية كل يوم – تصدقي للفقراء -استغفري – صلي لو ركعتين قيام و بعدها الشفع و الوتر – قولي أذكار الصباح و المساء.
بعدين خلي زوجك يمارس الرياضة و ياكل فيتامين إي مع فيتامينات باء
و روحي للطبيب و شوفي شنو يعطيك علاج لزوجك و ممكن تسوون أطفال أنابيب
و خليه ياكل عسل طبيعي
و قولي الحمدلله
ترى فيه رياييل ما عندهم و لا حيوان منوي
و انتي عندك فرصة ان شاءالله مع العلاج
طبعاً بعد التوكل على الله و العمل بالنصايح اللي قلتها لك
لأن الوهاب الله سبحانه
مو الدكاترة

أنآ أقولج ..

عليج بالدعآء آول والثقه بأن الله سبحآنه أهو القآدر ع كل شي ..

العسل زين خلي زوجح يكثر من العسل ..

بس بعطيج رقم دكتور في الطب النبوي مآشآء الله عليه معروف إسمه خآلد الطيب وسوي سيرج علشآن تتأكدين آكثر

كلميه بالوآتس آب يرد يمكن عنده علآج لزوجج ..

هذآ رقمه ٩٩٧٠٦٧٨٠

ولآ ييآس زوجج ربج كريم وخلي يتوكل ع الله

تسلمون حبايبي يعطيكم الف عافيه وربي يرزقكم ويرزقني معاكم بالذريه الصالحه
الدكتور كتب لزوجي علاج يستمر عليه لمده ثلاث اشهر وقاله ياخد عسل طبيعي مع حبه البركه وليلحين مالقينا عسل اصلي كله اخرطي وقاله اذا ماتحسنت حالتك بعد ثلاث اشهر فمافيه حل غير اطفال الانابيب بس يارب تتحسن النتيجه يارب ياكرييييييييم ادعوله لاني خايفه عليه حيل

الله يرزقج بالذريه الصالحه ويشفيه من كل شر
عليج بالاستغفار فديتج مع العلاج ..
وبشرينا عنج..
احيد يطرون الحيب بلهجتنا اللي هو اظن طلع النخيل
اذا حصلت صورته بحطها

هذا

حبوب speman
وصفهم الطبيب لزوجي
وترا موجوده بس بجم صيدليه
بالمنطقه العاشره

وبعد فيتامين e

وعسل من العويد

بس خليه يجيك اذا فيه دوالي
ترا هي المشكله الكبرى ،،،

تسلمو حبايبي بس اشلون يعرف زوجي ان فيه دوالي؟ يروح يكشف والا اللي عنده دوالي يحس بألم ؟؟
واسمع الكل يمدح في عسل العويد بس المشكله انا مو بالكويت والا جان شرينا منه

الله يرزقك انتي وكل وحدة محرومه يارب عاجل غير اجل

العسل يزيد الحيوانات المنوية

حبيبتي مافيه شي بعيد عن الله

وان زوجي كان اقل من زوجج

خليه ياكل عسل

وحبوب فيتامين e

وحبوب اتوقع اسمها سنتروم

وبعد خلي المنطقه عنده تتهوى يعني مايلبس سروال ضيق

يعني بس المكسر

زنجبيل بودره + قرفه مطحونه تغلينها بالماء وتحطين سكر ويشرب منه يوميا وبعد ثلاث او اربع ايام خليه يحلل وشوفي النتيجه
ودعووووواتك الله يرزقنا بالذريه الصالحه لي ولكممممم ..

الدعاء+استغفار+صدقه
صدقيني راح تشوفين الفرج باذن الله
استمري عليهم وثقي بالله بانه راح يرزقك وبتشوفين
الله يرزقك ويرزق كل محرومه