|
|
مساء الخير لكل البنات والكروشات
في
16-6-2008 م
يوم الاثنين ولدت بعد معاناه 19 ساعه طلق ولدت قيصري وجبت احلى كتكوته الله يخليها لي ولبوها
لكن انا حاليا بغربه
ابي اعرف من الي عملو قيصريه هل عادي الحركه والمشي والا فيه خطوره وايش الاحتياطات الي اسويها
وعندي الم الى الان بالقسطره للبول الي سوها هل طبيعي ومتى تروح
لكن بنات ادعولي لان فيني اكتئاب فضيع واحس ودي ابكي كل شوي الله يعين
وياليت الي جربت القيصري تقول لي متى اقدر اعيش حياتي عادي بنسبه للحركه
وان شاء الله بنزل لكم قصة ولادتي بعد مارتاح
تحياتي لكم
الف الحمدلله ع السلامة وتتبربى بعزكم ..
وان شاء الله مافيج الا العافية
ان شاء الله اللي جربوا القيصرية يفيدونج انا حبيت ادعي لج 
برب
بالنسبه للحركه ماقالج الدكتور انج لازم تتحركين لان هذا شي ضروري بالنسبه للي سووا قيصريه اذكر اختي من ثاني يوم كان يقول لها الدكتور قومي امشي علشات العمليه ماتنشبن وتقدرين تعيشين حياتج طبيعي تماما بعد النفاس على طول واذا انتي بغربه وتبجين كل شوي انا كنت بين اهلى ونفاسي عند امي وبجيت عن ثلاث سنين ههههههههههه
ترى عادي جدا الكآبه وضيقة الخلق بالنفاس لا وطلعت عينه كل يوم اتهاوش معاه على اشياء سخيفه مادري ليش لين قام يضحك علي وانا ابجي واعصب
لا وكنت اتوهق ببنتي مادري شسوي فيها قعدت اسبوع امصع فيها لين تعلمت اشلون اعتني فيها
بس كثري من الذكر وقراءة القرآن بهالفتره ترى والله وناسه بس تطلعين من النفاس بتشوفين الدنيا غير وبتحسين ان لج معنى لا واذا شفتيها تلعب مع ابوها وتكشت فيج بتحترين عدل ههههههههه سأليني يوميا هوشه معاها ومع ابوها اتصدقين تقعد من النوم نص الليل مخترعه ماتبيني تبي تنام عنده عاد انا ماصدق على الله احذفها عليه جني مادري واحط راسي وانام
لايضيق خلقج من اي شي الحين ترى عادي الهرمونات الحين مومستقره والنفسيه تعبانه والله حاسه فيج واذا تبين اي شي او تامرين على اي شي انا حاضره
|
المشاركة الأصلية كتبت بواسطة داثره
 الحمدلله على سلامتج ومبروك ماجبتي الله يجعلها من الذريه الصالحه
بالنسبه للحركه ماقالج الدكتور انج لازم تتحركين لان هذا شي ضروري بالنسبه للي سووا قيصريه اذكر اختي من ثاني يوم كان يقول لها الدكتور قومي امشي علشات العمليه ماتنشبن وتقدرين تعيشين حياتج طبيعي تماما بعد النفاس على طول واذا انتي بغربه وتبجين كل شوي انا كنت بين اهلى ونفاسي عند امي وبجيت عن ثلاث سنين ههههههههههه ترى عادي جدا الكآبه وضيقة الخلق بالنفاس لا وطلعت عينه كل يوم اتهاوش معاه على اشياء سخيفه مادري ليش لين قام يضحك علي وانا ابجي واعصب لا وكنت اتوهق ببنتي مادري شسوي فيها قعدت اسبوع امصع فيها لين تعلمت اشلون اعتني فيها بس كثري من الذكر وقراءة القرآن بهالفتره ترى والله وناسه بس تطلعين من النفاس بتشوفين الدنيا غير وبتحسين ان لج معنى لا واذا شفتيها تلعب مع ابوها وتكشت فيج بتحترين عدل ههههههههه سأليني يوميا هوشه معاها ومع ابوها اتصدقين تقعد من النوم نص الليل مخترعه ماتبيني تبي تنام عنده عاد انا ماصدق على الله احذفها عليه جني مادري واحط راسي وانام لايضيق خلقج من اي شي الحين ترى عادي الهرمونات الحين مومستقره والنفسيه تعبانه والله حاسه فيج واذا تبين اي شي او تامرين على اي شي انا حاضره |
بالضبط مثل ماقالت المشي زين للعملية انا من ثاني يوم يقولي الدكتور امشي
وبالنسبة للكابه عاااااادي لايضيق خلقج انتي مو بغربة تاكدي معاج للي ماتنام عينه يشوفنا ولانشوفه ولا يبي منا الا الذكر والاستغفار فهمتي حبوبه
والف حمدالله علي السلامة ومبروك ما يالج
انا بولادتيي اللي فاتت الدكتور من ثاني يوم قالي لازم تمشين علشان الجرح بسرعه يبرى
و الحركه تكون 100% تقريبا عقب عاشر يوم او اسبوعين
انا جربت قيصريتين بولاداتي وبقولج عن خبرتي بالقيصريه ,,,صارت عندي خبره لان انا عمليتين والوالده 4 قيصريات بس قبل ماكنت اعرف واحس ليم جربت بجري والثانيه
اولا لازم تمشين بعدالولاده بيوم واذا كنتي تعبانه بيومين حاولي تمشين ربع ساعه وريحي تمددي بفراشج وانتي بفراشج حاولي تحركين ريولج (( القدم )) بحركه دائريه عشان مايصير تجلط ((( اسم الله عليج ربي يحفظج ))) وكل مامشيتي اشوي اخياطج يصير احسن عشان ماينشبن الجرح انا صارفيني جذي بولادتي الاولى كنت تعبانه حييييل وماكنت امشي وايد وانشبن جرحي وولادتي الثانيه الحمدالله مع المشي صار خياطي وايد احسن ومايبين مو نفس اول وامشي بس مو المشي اللي تتعبين فيه لأ طبعا ,, امشي على راحتج
بالنسبه للضيقه والكابه تحرصي حاولي كثر ماتقدرين انج ماتضايقين ,, ادري بتقولين غصبن عليج بحكم وضعج بالغربه والولاده بس حاولي لانه مو زيييييين كلش لا حقج ولا حق البيبي اذا كنتي ترضعين من صدرج وديري بالج لاترضعين من صدرج البيبي لان الرضاعه وانتي محتره ومتضايقه موزين انا صار فيني جذي وقالولي مو زين الرضاعه بحره وكل ماتييج الضيقه قومي على طول غسلي ويهج واقري المعوذات وسمي بالرحمن والله يا اختي انا صار فيني جذي كنت ابجي بجي ومالي خلق شي بس كانت امي تييبلي بنتي بحضني وألمها حيل واضحك بويها واغسل ويهي واتعوذ واقرا المعوذات والحمدالله هالشي يخفف وايد علي وبالنسبه للرضاعه نسيت اقولج اذا كنتي متضايه نفس ماقتلج لاترضعين الا بعدساعين من ضيقتج
وبالنسبه لعوار القسطره عادي مع الايام يروح بس لاتشتغلين ولاتعسرين نفسج ولاتقومين من الفراش بحركه سريعه ديربالج من القومه السريعه لان جذيه تشدين العمليه والجرح توه طري وموزين تنفتح العمليه وينفتح الجرح من داخل ((اسم الله عليج )) لان لاتنسين البطن مفتوح سبع طبقات وبالحركه السريعه ينفتح الجرح فديريبالج ولاتنامين على جنب خليج على ظهرج ليم ترتفعين شوي عالاقل شهر
ادري قرقت عليج وطولتها بس ديري بالج على نفسج وتذكري انج والده بنوته حلوه بهالدنيا شوفي ويها وفرحي وخلي الضيق عنج
والله يخليها لج كنت نفسج ضايقه فيني الدنيا وكله دموووع وحاله بس سبحان الله ترووووووح اذا اصريتي تبعدين عنج هالتفكير
وبالنسبه لقيصريه أمشي بس مووو كثير وأحرصي مايتعرق مكانها لانه مو زين وغسليها بغسول مرتين باليوم وراح ادعي لج دااايم ومااتشوفين شر ومبروووك البنووته احلا شي بالدنيا البنوتات والله ناكل قلبج وقلب ابوها من كثر الحب الله يحفظها لكم
لاني جد تعبانه مره ومحتاجه خبراتكم
والله انكم خففتو علي بردودكم
الله يعطيكم العافيه جميعا
لررفع
حبيبتي اهم شي تمشين دايما حتى يبرى الجرح ولاتقومين بسرعه باراحه ولا تشيلين الثقيل
والبجي والهم لازم يحوشج كآبة النفاس هذي تغلبينها بالتعوذ من الشيطان وقراة القرآن وتحصين
نفسج بالادعية
وكل اللي تحسين فيه من الام راح يروح مع الايام هذي ضريبة الامومه خخخخخخخ
افرحي وخلي الهم