العرس

السلام عليكم بنات شلونكم شخباركم
احتاج مساعده بلييييييز
عرسي بشهر ٢ و ليلحين ماسويت ولا شي ولا شي ولا اعرف ولا شي ولا امي تعرف ولا خواتي من زمان حيل ما سوينا عرس
احتاج مساعده تقولونلي شنو اسوي شلون ابدا تخطيط وين احجز مدحولي مصممين مدحولي فنادق
شلون ابدا انا سمعت عن المصمم علي العطوان وخذيت موعد عنده بس مادري اهوا شنو المفروض يسوي بالضبط ونفس الوقت مادري جم الميزانيه اللي احطها للعرس
انا ابي عرسي صغير بعزم الاهل والصديقات القراب مابي يكون كبير انا قايله حق امي وحابته يكون جذي ف جم يبيلي ميزانيه اذا بسوي بفندق ومع مصمم تقريبا مثل ميسوني او jw marriot
ماعرف شي واحس اني مخترعه لان كل شي بويهي ماني عارفه اتصرف
مدحولي دي جي حلو و مصوره حلوه وقاعات حلوه ومصممين شغلهم حلو

الله يتمم عليج

اولبشي مبروك حبيبتي .. و الله يتمم لج على خير .. انا كان وضعي نفسج بالضبط ف انا زهبت نفسي بنفسي .. و انشالله افيدج حبي

خل اقولج عن تجربتي .. عرسي كان بصاله هوليدي ان الديره .. معازيمي 350 تقريبا .. الكوشه من محل بمجمع بلازا السالميه برا اسمه ameer you شال الكوشه و القنفات و الطاولات و الزوليه و تغطيه الصاله كامله و طاولات المداخل و الورد على الطاولات كلها طبعا و الاضاءات بالكوشه و حوالين الصاله و حطلي ممر جلد يساعد النفنوف انه ما يجلب او يعلق لا مشيتي يمشي معاج حلو بالاضافه الى المسكه و اخيرا البطاقات و الكلنكسات .. نفنوفي من تركيا .. مكياجي و تسريحتي عند زهرا القاسم .. دي جي جاسم اللرندي و خذيت منهم الي ياخذون التلفونات .. مصورتي رتاج شغلهم روعه و راقي .. كيكتي و تقديم الحلو من محل بالصالحيه بالدور الثاني شغله مميز و الكل مدحه نسيت اسمه بس اهوا المحل الوحيد بالدور الثاني .. عرسي كلفني كل الي كتبته قريب 8500.. مادري نسيت شي ولا لا ..

الحين ابيج تركزين على الفنادق اي فندق ابالج ادقين عليهم اول لا اتعنين .. لانه اهما ياخذون على الشخص مو على حجم الصاله .. اذا ناسبج السعر على عدد معازيمج التقريبي مثلا 300 وحده .. حطي عدد تقريبي و الي اناسبج سعرهم روحي شوفي الصالات ..

بعدها تركزين على مصممين الكوش بعد ما تختارين الصاله لانه مهم عند المصممين حجم الصاله .. عندج هالاكاونت bridestation في اكاونتات مصممين وايي و منهم العطوان و كلهم شغلهم راقي ..

بعدها صالونج لازم تفترين و تشوفين بنفسج و بعدها تقريرين شوفي عرايس عشان تطمنين اكثر .. بعد شوي اعطيج اقتراحات

المصوره روحي و افتري و شوفي عروضهم و اسعارهم و هم بعطيج اقتراحات

و الدي جي لازم تقريرينه و تختاارينه

و اخر بعد ما تختارين و تعربنين تلتفتين حق النفنوف الابيض و تروحين حق المصممين

هالشغلات لازم تعربنين عشان تطمنين و تجهزين لبسج و تهتمين بنفسج و انتي مرتاحه حبي

ضروري تسوين فولو حق الاكاونت الي كتبته فوق بساعدج

اقتراحات للنفنوف الابيض : زهرا القاسم .. بشرى العيدان .. برجوازي .. الاسطوره .. و اذا ذكرت بقولج

اقتراحات المكياج : زهرا القاسم .. حنان دشتي .. الطاف الخلف .. منيره الفرج .. الاء دشتي .. هنادي بورحمه

اقتراحات المصوره : معرفي .. رتاج ..

اقتراحات دي جي : سعود الرندي و جاسم الرندي .. شغلهم روعه و ايبون مطربين و مرغوبين وايد من كل العروس ..

انشالله اكون فدتج و البنات ماراح يقصرون بعد .. و موفقه .. و اخاف نسيت شي سألي حبي .. لانه الحجي قاعد يصعد انسى شكتبت هههههه الله يخلف علي ..

حـــــــبوبة ربــــي يسعـــــدج
ويتمــــــم لــــــج عالخـــــــير حجـــــزي قاعـــــة عـــلى حٍســــب معــــــازيـــــــمج

اخـــــذي فـــــره عـــــلى اغــــلب مصممـــــين الكـــــــوش وختــــاري الاحــــــسن والاوفــــــر

والــــدي جـــــي الـــــرندي واشكـــــنانــــي والكــــادي عــلى حســــــب ذوقــــــــج يا ذوق

دي جي العلي حلو شغلهم وتعاملهم

وربي يوفقج بس بالنسبه للكوشه وهالسوالف انا كعﻻوس مالي شغل كل شي ع اهل زوجي

نبض السعاده
تسلمين ياقلبي ويرزقج يارب

لولو
واااي حبيييبتي مشكووووه ماتصدقين شكثر ريحني و فادني ردج بعد قلبييي يزاج الله الف خير والله يوفقج ويسعدج يهنيج

جوري الصالح
انشالله بسوي اللي قلتيه مشكوره حبيبتي

عروسه اكتوبر
مشكوووره ياقلبي

بالتووووفيق ان شاءالله

موفقه خير يا رب

مو من الكويت فماقدر افيدج

لولو و البنات ما قصروا

الله يوفقج ويهنيج يارب
ماعندي فكرة لاني مب من الكويت
بس حبيت ادعي لج
موفقة حبيبتي :*

دي جي يوسف اشكناني بنت خالتي يابته بعرسها خيال