السلام أو دار الشفا ؟

السلام عليكم كروشات الله يسهل علينا يارب

بغيت أسأل المجربات عن الولادة في السلام ودار الشفا ؟ وأيهو أحسن ؟ ومنو أحسن دكتورة في دار الشفا؟ مع العلم إني أراجع بالسلام عند الدكتورة نزهت بس ودي حزت الولادة أروح دار الشفا أرجو من اللي عندهم خبره يفيدونا

ومشكووووووورين

أنا كنت بالسلام ولدت عند نفس الدكتورة ..

ما أعتقد أقدر أغيرهم عقب تجربتي معاهم

انا عند نزهت بالسلام مرتاحتلها حيل والبنات اكثرهم مدحوها لي ومدحوا ولادتها فقررت السلام

بس ما اقدر اقرر اي مستشفى احسن ما جربت

هم دار الشفا فيها زينين

يمدحون كمام الشفا

بس عموما السلام لا يعلا عليه

انا ناويه بإذن الله اولد عند دكتوره نزهت لاني ابي السلام

مايصير ياقلبي وقت الولاده تغيرين مفروض يكون لج ملف ويعرفون حالتج عدل

السلام حلو والتساهيل على رب العالمين عسى الله يهون عليج وعلى الحوامل يارب

دكتوره نجمه السلام انصحج

اسلام عليكم اشلونكم بنات بعد ابي اولد بدار الشفا افيدوني جزاكم الله خير

انا بعد محتاره بين السلام ودار الشفا

السلام كل شي اووكي بس قمت احاتي الكمام لان يقولون صار خفيف مو مثل قبل

ودار الشفا احسها وايد زحمه بس مادري عن الكمام

وترا الغرف بالسلام قبل خمس سنوات كانت احلى الحين غيروا ديكورهم بس يعني يمشي حالهم الا اذا جناج الدسمان شي ثاني

وانا جذي ولا جذي بييب دكتوره من برا بس افكر بالكمام والعنايه

والي يعرف يفيدنا بليز

السلام وانتي مغمضة

انا ولدت بدار الشفا ودكتوره برا المستشفي والحمدالله كمامهم حلو والستترات حبوبين

الله يسهل عليج ان شاء الله

السلام عليكم كروشات اللي يسئلون عن دار الشفا ترا وااايد حلوه وزينه واذا تبين دكتوره زينه في معصومه بس ولا مره ولدت عندها وانا دكتورتي زينب حيدر وماراح اغيرها بعد ان شاءالله عموما الكمام من وحده لي وحده يفرق انا الكمام ماسوالي شي بس دخت وقت الطلق قاعده والولاده هم قاعده وفي بنات اولدو معاي بنفس المستشفى بس نامو وقاموا من النوم ومايدرون شنو اللي صار ابتعدوا عن القهوه ترا اتخلي الكمام والبنج ماله تاثير بس التساهيل ن رب العالمين بس العنايه والسسترات وبعد الولاده بعد كل شي مضبوط ومايخلونج وكل اشوي سستر اتييلج واذا بغيتوا تستفسرون عن اي شي في دار الشفا انا موجوده وحاظره والله يسهل على الجميع

ماجربت الاثنين بس رفيجتى تمدح دار الشفاء تقول ماتحسين الا الياهل يمج كماااااااامهم عجيب ..ودكتورتها من برا ناهده العلي <<تمدحها حيييييييييل

آب آب

دار الشفا عنايتهم وايد زينه حق الام والبيبي انا دكتورتي من بره بس اتخرت علي جان تولدني دكتوره من هندهم يعني موسسترات يباشرونج