السعال

بسم الله الرحمن الرحيم

السلام عليكم

امهات عفيه ساعدوني

بنتي عندها سعاااال لدرجه ماتنام منه بنتي عمرها خمس سنين

شنوا اعطيها او اشربها

ما ابي اوديها عند الدكتوره بتعطيني ادويه واييييد وانا ما احب كثره الادويه

ابي شي من البيت ايش تنصحوني

اخذي السائل مال الطحينية وايد زين للبعلوم والكحة

عطيها قفشة زيت زيتون قبل النوم

وشربيها مرقدوش خلال اليوم

البابونج وايد زين عطيها قفشه زيرتك مايضر بالعكس ايريحها

مشكورين الله يعطيكم العافيه

بس كل الي قلتوه خايفه منه عادي يصير اعطيها

اختي Lady Pearl

شنو السائل مال الطيحينيه مافهمت عليك اشلون

وين الباقين 28 مشاهده

عفيه ابي شي يريحها

حبيبتي ليش خايفه تعطينها
بنتج عمرها خمس سنين ما شاء الله من بالشهور

إذا بالشهور نقول في خوف

بس دامها اسم الله عليها عمرها زين جربي تعطينها

وسائل الطحينه اتوقع قصدها الهردة خلطيها مع عسل ولقميها بنتج وايد مفيده

وقفشه صغيره زيت زيتون ترطب بلعومها لازم تلاقينه يابس عليها من الكحه مسكينه

لازم توديها لدكتور اطفال لان السعال غالبا يكون ضيق بالتنفس يعني ازمة ربو يمكن يقل عندها الاكسجين من ضيق التنفس وانتي ماتدرين وديها تطمني عليها خل يشوفون صدرها ويقيسون الاكسجين عندها انا اكلمج من واقع خبره
واذا هي مافيها شي بس يجيها سعال وقت النوم دهني باطن رجولها بفكس ولبسيها دلاغات
ودهني صدرها وظهرها بزيت سمسم ودفيها عدل زيت السمسم حلووو يطلع البلغم ومفيد حق السعال