الزوج والمكياج

بنات انا عن نفسي احب الزييييييييييييين واحب التمكيج والعدال بس ربي بلاني بزوج يكره شي اسمه مكياج

ياحط مكياج خفيييييييييف بعد مايعجبه يقول وجهج بدون الي حاطته احلا روحي مسحيه

تعبت والله مرات لا كنا طالعين وريدت بيت هلي خواتي يقلون لي ابيه طالعه مع زوجك ومب متعدله ليش هامله بنفسج

وانا وربي مب هامله بس هو سكره المكياج لامرت وحده حاطه مكياج يقولي شوفي شكلها يضحك تخيلي انتي تبين تصيرين مثلها

تكفون عطوني حل ابي احس بأنوثتي الصراحه

عادي الحال من بعضه .. وبصراحة أريح … لكن احنا كحريم أحياانا ودنا نكشخ بس الشكل ما ييعجبهم شنسوي
الشي له مميزات ومساوئ …
فأنا شصرت أسوي >>> ما أحط مكياج إلا بوقت المزاج أو إذا ودي أغير شكلي له

سبحان الله ااناااا عكسج

كل واحد مو عاجبه وضعه , انتي حطي اللمسات اللي ما تبين بس ترتب الشكل وما راح يلاحظ
الكريم طبيعي والحمره طبيعيه لدرجه ما تبين يعني
والكحل رسميه على خط الرمش ما يبين بالمره ولا تطلعين له اطراف , اهم شي يخليج مرتبه وراضيه عن نفسج

ليش تطلعين وانتي متمكيجة ؟ =) ..

حلاتها الوحدة لا طلعت ماكو ولا قطرة مكياج بويهها ..

وبالعكس ترا زوجج عملة نادرة على ما يقولون لوول ..

احسن يحبج لشخصج وبشكلج الطبيعي مو للجمال الاصطناعي مكياج وتوابعه ..

والانوثة ما تبرزينها بالمكياج .. لا بالتصرفات والاخلاق =)

عسى الله يوفقكم ويتمم عليكم ..

انا زوجي مايرضى احط مكياج برا ولا احط كلشش شسوي بعد لاخفيف ولا ثقيل وبعدين بالبيت احط عادي

نسيت لا أقول أخاف تفهموني غلط … ترى حتى لو الريال ما يحب المكياج حطي بس مو كل يوم … يعني بالاسبوع مرة .. او بالاسبوعين مرة … مرات حطي وايد ومرات شووووي … لكن أغلب الاوقات قعدي بدونه معاه

انا زوجي من النوع الي مايقول يبي ولو احط احس عادي عنده

وكان يقولي انتي بمكياج ولا بدونه حلوه بس مو معناته اني مااحط

المره لازم تتسنع حق نفسها مو للي حواليها

واذا كلش حطي روج ومسكره

انا زوجي عكس زوجج يمووووووووووت بشيء اسمه مكياج ……اذا ماحطيت يقول اشفيج اليوم مريضه مع انى ماعودته وماشاء الله مع ان علي جمال بشهادة الكل بس اهو يحب المكياج ……انا رفيجتىزوجها نفس زوجج كان يقول لها بسم الله احس جنج جنيه هههههه وتعبت والحين تقول احط مكياج كان جمالي طبيعي مايحس انى حاطه مثلا ماسكرا كحل ابيض داخل العين حمره زهري بودره خدود مشمشيه او زهريه يعني شغلات ماتبين وتحليها انتى سوي نفسها

حبيبتي ماعليه

صج شي يقهر احنا نحب نتكشخ حق نفسنا بعد مو بس ازواجنا

حبيبتي بدون لايعرف حطي لج ماسكرا و كحله وبلشر خفيف وقلوس او مرطب

مو اووفر يعني

حطي حرتج بالبيت تفنني بالمكياج وطلعي كل المواهب

واذا طلعتي معاة حطي كحل و مسكارا

هالشي له مميزاته يعني يحبج لذاتج وعادي إذا رحتي زيارة لأي أحد حطي بجنطتج معدات الميكب ولمن تدخلين عدلي روحج
وفي ووييه ما شاء الله لا تحتاج لا مكياج ولا هم يحزنون يمكن إنتي من هالنوع جمالج طبيعي

الحال م بعضه انا لا مكياج ولا شعر اقوله اوكي مااحط بس افل شعري مايصير ولا واحد منهم يعني جني رايحه مدرسه عنقوص و ماكو مكياج

والله انا والله الحمد ريلي ما يقولي شي علي المكياج
يعني لو حاطة مكياج ما يعلق يحترم رغبتي باني احب اكون حلوة وكشيخه
خاصة هالايام البنات العزابية الي مايستحون يامال عيونهم البط
يحبون يخزون الريال متزوج

وحمدلله اكثر من مره يبون يخزون ريلي واسمعهم يقولون لا وي مرته حلوه ويهدونه وتهدي ناري
لاني صج صج لو وحده لا سامح الله قامت تخز ريلي باجر بتلاقي اسمها بصفحة الوفيات
لوووووووووووووووووووووووووووول

اممممممممممم
بس والله انا عن نفسي
استحرم اني اطلع بمكياج بروحي حتي البس عباية معني مالبس عباية
لانه صراحة من الشكل الناس تعرف اخلاقج
يعني لو حاطة مكياج وريلي مو وياي يتحرشون فيني وماسوي اشغالي الي طلعت بيتي علشانها
يعني احساسي الداخلي حرام دام انا طالعه بروحي احب البس رسمي علشان محد يتعدي حدوده

مشكووووره حبيبتي على الرد هو اريح بس مرات تهف نفسي ابي اتمكيج لو خفيييف بسم الله منه يعرف _shh_:

الحمدالله على كل حال
بس انتي فاهمتني احب اتعدل اتمكيج لو خفيف بس اقولج يقزز يعرف وينتقد يكرهج بنفسج