|
|
السلام عليكم ورحمة الله وبركاته
مادري انزل موضوعي لاي قسم احترت لكن اعتقد هذا القسم الانسب
انا نزلت موضوع من قبل عن مشكلتي كنت ادور حل لها لكن بموضوعي هذا ادور بنت مرت بتجربتي
امي وابوي منفصلين ونا عايشه عند امي ورابيه عند اهل امي اما اهل ابوي فعلاقتنا معاهم زين وايد وايد
بس ابوي علاقتنا معاه كلش مو زينه كل مانحاول نتقرب منه يسويلنا مشاكل زياده ومرته ماتقصر بعد الله يهديهم
امي مذهبها غير عن ابوي وانا مذهبي على امي .. قبل اربع سنين كنت متزوجه واحد من نفس مذهبي الحالي
وشهادته متوسط وماكان ابوي معارض هالزيجه بس اصر اني املج بمحكمة مذهبه وانا والي ازوجته ماكان عندنا مانع
تطلقت منه لانه كان رجل غير كفء وغير سوي وماكان يصرف علي ومعاملته كانت قاسيه معاي بعد سنه و3 شهور من
زواجي رفعت عليه قضية خلع وتطلقت منه الحمدلله .. بس محد طق باب بيتنا من يدرون اني مطلقه يهونون او يكون ريال
متزوجوعنده عيال او مطلق ويبيني اربي عياله وانا عمري 23 سنه ونص .. والحين تقدم لي واحد من نفس مذهبي ومهندس
ومو متزوج من قبل هذا الريال الي كنت احلم فيه وناطرته اهلي سألو عنه وطلع يعرف خالي والكل يمدحه وولد ناس
اخوي العود وخوالي واعمامي موافقين بس ابوي قاسي وعناد بأمي مو موافق يقول ماازوجج ياه رحت له البيت
بجيت وترجيته والله قمت ببوس ايده اقوله انا محد يتقدم لي كله كبار ومتزوجين وعندهم عيال وهذا الريال زين عفيه
لا توقف نصيبي انا مابي اسوي شي الا برضاك يقول مااوافق مذهبه غير عن مذهبنا ويقعد يسب امي ويطعن بشرفها
ويقولي اصلا انتو مو عيالي بس على الورق وانا لو اقدر اتبرا منك جان تبريت منكم واقوله انته ابونا لو تتبرا منا احنا
مانتبرا منك انته ابونا اقوله يبا عفيه لا تكسر بقلبي وتخليني اطلع من عندك قلبي مكسور اقوله والي زوجتني ياه اول
ماكان نفس مذهبك شمعنا يقولي ماكو لا اتعبين نفسج الكل كلمه ماكو فايده مو موافق اعمامي ترجوه وخوالي كلموه
بس معاند كل هذا عشان يقهر امي فينا .. يوم الاربعا رحت المحكمه ورفعت دعوى عضل الولي جلستي 23/يناير وهذا
اخر شي كنت افكر فيه بس شسوي الزواج ستر وكل بنت ادور الستر ودي اتزوج ويصير عندي عيال وياريت اي بنت
تعرف وحده تزوجت عن طريق المحكمه ومذاهبهم مختلفه تقولي وادعولي الله يسهل زواجي وانا مابعت اهلي عشان
الريل واهلي كلهم موافقين وابوي عناد يسوي جذي وياريت اي وحده تبي تنقد ع الي سويته تحتفظ بالحجي لنفسها
انا ابي تجارب مابي نصايح لانه من حقي شرعاً ارفع دعوى عضل الولي .. والرسول عليه الصلاة والسلام وجه النهي
لـ علي بن ابي طالب رضي الله عنه لما قال له :"يا علي ثلاث إذا أتت لا تؤخرها الصلاة إذا أتت والجنازة إذا حضرت والأيم
إذا وجدت لها كفؤا" وانا شايفه هالريال كفء ويقدر يعيشني عيشه زينه وسمعته زينه ومافي شي يعيبه
دام مو عاجبك مذهبي ليش تزوجت امي اساسا؟؟ واذا طعن شرف امج
قولي له لو سمحت يبا امي مالها شغل لاتدخلها لانك ان سبيتها فانت تسبني
والله يتمم عليج على خير انتي وهالولد الي باين انه صالح والله يقربه ويتمم عليج هالزيجه اذا كان خير لج ويبعده عنج لو كان شر لج ويقرب الخير لج عاجلا غير اجل
>>هاه تره ما اوصيج اذا تزوجتي ويتج بنت فكري بأسمي ((فوز))>>شدخل هالكلام بالموضوع ما ادري بس حبيت اضحكج شوي انا عرقوز بهل دنيا شنو اسوي؟ ما بيدي الا اضحك الناس>>خبله من السهر لا تلوميني
بس الله يوفقج والزواج ستر ومن حقج
الله يرزقج ويرزق بنات المسلمين الازواج الصالحين اللهم امين
إنتي ما غلطتي،،
ونوعية أبوج ما ينفع معاها إلا هالحل،،
ما أشوف إنج سويتي شي غلط،، ومو فاهمة من شنو متضايقة!!
الله يتمم عليج حبيبتي،، ويكتب لج اللي فيه الخير إنشالله..
|
المشاركة الأصلية كتبت بواسطة عبالي حبيبي
 والله ماعندي فكره
بس الله يوفقج والزواج ستر ومن حقج الله يرزقج ويرزق بنات المسلمين الازواج الصالحين اللهم امين |
|
المشاركة الأصلية كتبت بواسطة فوفو البنوته
والله ما اعرف بس امم صراحه ابوج مفروض تروحين تقولين له
دام مو عاجبك مذهبي ليش تزوجت امي اساسا؟؟ واذا طعن شرف امج قولي له لو سمحت يبا امي مالها شغل لاتدخلها لانك ان سبيتها فانت تسبني والله يتمم عليج على خير انتي وهالولد الي باين انه صالح والله يقربه ويتمم عليج هالزيجه اذا كان خير لج ويبعده عنج لو كان شر لج ويقرب الخير لج عاجلا غير اجل >>هاه تره ما اوصيج اذا تزوجتي ويتج بنت فكري بأسمي ((فوز))>>شدخل هالكلام بالموضوع ما ادري بس حبيت اضحكج شوي انا عرقوز بهل دنيا شنو اسوي؟ ما بيدي الا اضحك الناس>>خبله من السهر لا تلوميني |
قلتله هالحجي قلتله عيل ليش خذيت امي ودام امي مرا مو زينه ليش مخلينا عايشين عندها قعد يسبني ويسبها ويقول امكم غاسله مخكم بالله شكو غاسله مخنا مع العلم اني لمن رحت له قلتله انا مابي اسوي شي من غير رضاك وانا مابي اصغرك جدام الناس يقولي تبين رضاي روحي وانا بدعي الله يرزقج واحد مسلم !!!!! مادري الي خذيته قبل شفيه فرق عن هذا ليش ماعنده شهاده ومايبيلي الزين 
وعلى فكره ضحكتيني والله صج حدها النفسيه مو شي ودرجاتي بالجامعه انزلت ماقمت اركز بمحاضرات الشرح بصوب وانا بصوب ودموعي والله تنزل ومااقدر اوقفها عادي اشوف تلفزيون فجأه ابجي ليش جذي يسوي والله بجيت بجي عنده مانهزت فيه شعره قااااسي الله يسامحه
ويهدي ابووج
انتي ادعي واستخيري ان الله يهدي النفووس هذا اللي اقدر اقوله لج
وترى المذهب مهم بس مشكلتنا مانتثقف بدينا المذهب الاخر انظري لمعتقده قبل ان ترتبطين فيه لانه بالاول والتالي معتقده بيكون
المرجع الاول والاخير له
وانا اضحكج على خبالي اموت على تضحيك الناس
>>ما ادري ليش شكلها هوايه يديده هههههه