الرداده شتسوي ؟!

انا بتكلم عن نفسي
انا اطلبها عاشر يوم
وهي من قبلها بيوم تطلب مني اني البس قميص بيت قطن عادي
ابو دينار ونص….ومالبس تحته شي
عشان ترددني بدون ماتشوف جسمي
ولما تردد تغطيني بشرشف عشان لما ترفع دراعتي هم ماتشوف شي
والله هالمردده تخاف الله
ولسانها يردد الاذكار وهي تدهنج بالزيت اللي تجهزه
وعقب الترديد توقفج فوق بخار(الجهاز من عندها) وتغطيج بكمبل ثقيل
عشان يدش عدل البخار فيج ويطلع كل هوا فيج على قولتها
وبس…وتستاهل صراحه…بس هاا من ثاني يوم الصبح راح تحسين بجسمج يعور
كأنج راكضه خمسه كيلو …وااااي الجسم يعور
بس ثالث يوم مشالله مثل الحصان والجسم مشدود والبطن راد
بس تعبت

والله ما جربت الصرااحه المره اللي فاات امي الله يعافيها كانت تدهني بالليل بزيت الزيتون والدافي …

بعدين انا سمعت التبخر بالنفاس مو زييين …

حبيتى الرداده اكبر غلط تحط بخار ديروا بالكم الترديد مو جذيه اصلا البخار يصير رطوبه داخل الرحم غلط نصيحه لا للبخار الا لما الوحده تخلص الاربعين – اما الترديد غير الترديد الى اعرفه وحده ادهن بطنج تكون تعرف لين ترد رحمج وبعدين ادهت الضهر لين يروح العوار وبعدين تكونين لابسه صروال طويل وترفع عضمة الرحم تكون تحت ودشين الحمام وتشوفين شلون منطقتج تغيرت هذا الترديد وجربى الرداده ام على وادعيلى 9743660

انا جربت ام على حلو ترديدها وصج تحسين فيه تغير

لا مابي بخـار .. بروحي رطبه ليما الحين . .
بس صراحه جنها زينه دامها تغطي وماتشوف ..

سارا .. ام فاطمه
يعني ما اكون مفصخه ؟!!
بس لابسه سروال طويل
ادهن بس ظهري وبطني بس ؟
ماتدخل معاي الحمام ؟!!

الردادة اللي اخترتها وثقت فيها لانها وخرت الصداع من اختي للابد
بس بصراحة ماكانت تطول تهدن جسمي وتطق ظهري_shh_: كلش مسكتة
وعطتني اعشاب للهوا وردت الرحم لمكانه وخلتني اربط بشماغ قالت هذا احسن شي

مع عنايتي بنفسي ترا مابهذلت عمري اهتميت اكثر شي ببنتي وخياط الدكتور كان حلو احس هذا اللي ساعدني والا الردادة خذت مني 115 امانة يسوا؟

اموله على شنو بلله !!!!
انا الي اعرفه بحدود 10 دنانير
للجلسه !!

ترا هالشغلات البسيطة خلتها على جلسات ماكنت اعرف وخواتي قبلي مايعترفون بشي اسمه ردادة يعني مايجيبونها

انا ماجربتها الصـراحه
بس اختي جربتها
اختي وايـد تمدحها
لانها اول مره تجرب
تقول تدهنج بكافور وبزيوت حاره وماتخليـج تتسبحين 3 ايام
بس ماقلت انها تسوي بخار
اسمها مريم
هنديه
مره كبيـره

والله انا مايبت احد امي وخالتي دهنوني ودلكوني عالخفيف بس كان يومها ضحكت ضحك صج صج طقوووس لوووول