الذمه الماليه المنفصله بين الزوجين؟؟؟

السلام عليكم يا ينات يا حبوبات…
ابي مشورتكم وما خاب من استشار…انا الله يسلمكم ريلي قالي انتي تجهزين البيبي وتشترين له ملابسه من معاشج وانا توني مستمله اول معاش…للعلم انا ادري ان صج ما عنده قلت مو مشكله لان ماكان يقصر علي لما يكون معاه…المهم عقب قالي معاج فلوس سلف قلتله اي وعطيته(50دك) عطيته لان حسيت ان اختبار وعقب رجعهم بعد جم يوم… المشكله الحين ان ماقام يطلعني جن عقاب لان صار عندي فلوس فلازم انا الي اصرف علينا وكل يقول ماعندي عكس قبل كان ماعنده ويسحب من الفيزا ويعطيني عشان مايقصر علي…الي حرني ان اليوم قالي معاج فلوس؟كان بيرح القهوة ومستعيل مايقدر يسحب بعدين هون

سوووري طولت بس الزبده شلون اقدر احط حدود بيني وبينه من ناحية الفلوس من غير لا احسسه اني قاصده…على فكرة ريلي مو بخيل بس حاط في باله ان لازم نتساعد وان معاشنا يكون مشترك وانا رافضه هشلي…فيدووووني انا والله مو عارفه اتصرف يعني شنو الي لي والي علي من غير لا اضغط عليه ولا اخليه يعتمد علي

انا افضل ان المراة ماتعلم عن اي شيء تملكه وتعتمد عليه ماديا

ترى الدنيا فانية والمال وصخ دنيا لا تعبين نفسج بهالامور وفلوسج ماراح تندفن معاج اذا متي بعيد الشر وكثر ماجمعتي من فلوس ماراح تدخلج الجنة

ادري في بنات واجد يعارضوني بس اسألي نفسج ليش انتي توظفتي؟؟؟ لا تقوليلي اثبت نفسي ولا ارفه عن نفسي خلينا واقعيين الدوام مافيه ترفه عن النفس الا تعب بتعب وظيم وعمات عين دام انه يعطيج من قبل وكل شي يجيبه لج لبش استبخلتي عليه وعلى عيالج!

فكري عدل صدقيني احنا الموظفات تلعوزنا من هالتفكير اشتري راحتج بصرف الفلوس والمعاش ما عاش

عادي اصلا هالشي
والمفروض انج تتقبلين
انتي تقولين انه كان يسحب من الفيزا عشان يعطيج
الحين بدال لايسحب عندج معاشج
ولا تخلينه يصير مديون بالعكس ساعديه
والفلوس تروح وتيي
ولاتنسين ان كل شي على ظهر الريال وهاليومين كل شي صار غالي
والله يعينهم

والله الحياة صايره صعبه وما فيها شى اذا تعاونتو .. لا تخلين الفلوس تصير سبب المشاكل

والله لا توظفت اعطيج راي بس صراحة خوش موضوع

شوفي اذا اهو عنده مو مقصر وقايم بلبيت وتسديد الديون فما عليه ساعديه بس كل المسؤوليه عليج لا حرام اهو وين يودي معاشه حلات الريال اهو الي يتكفل بلمصاريف مو المره

المفروض معاشج حقج
والأصول انه يظل يعطيج
ويصرف عليج حتى لو
عندج معاش عيل ليش
متزوجة أقعد ببيت أهلي
أبرك اشخانته اهو عيل

كلالالالالالالامج صح 100%

انا اقولج ….. خلي مصرفج انتي من لبس ومشتريات وصالون واي شي بخاطرج وغيرة من معاشج الخاص لكن مصرف البيبي من لبس وحليب وبامبرز وغيرة وغيرة لاء عليه اهو انا قبل اصرف من راتبي لكن بعدين استوعبت انة غلط لان خلينا واقعيين احنا معاشنا صافي بس من غير اي زيادة لكن اهم لأ غير راتبهم بدل الايجار150 والزوجية…. والطفل ال50 دينار كلها اضافات لرب الاسره نفسة مايمنع انج تشترين للبيبي والبيت اللي بخاطرج لكن الالتزامات عليه اهو عودية على جذي ………………
اتمنى اني فدتج

انتي جهزي مثلا ملابس البيبي بس قوليله اهو يشتري سرير حق البيبي مثلا.. جذي شي عليج و شي عليه..و شوفي رده فعله..
و اذا استلمتي اول معاش..اخذي له هديه بسيطه عشان تبينين له انج مو ناسيته..تلفون مثلا..جذي راح يستانس و ماراح يحاسبج..

عادي اصلا هالشي
والمفروض انج تتقبلين
انتي تقولين انه كان يسحب من الفيزا عشان يعطيج
الحين بدال لايسحب عندج معاشج
ولا تخلينه يصير مديون بالعكس ساعديه
والفلوس تروح وتيي
ولاتنسين ان كل شي على ظهر الريال وهاليومين كل شي صار غالي
والله يعينهم

صاجة ماتتخيلين شنو اسانيت لما لقيت وظيفة بوقت مناسب ومعاش حلو>>الحياة مشاركة ومحد ماخذ منها شي

وللعلم مو للتباهي يارب>>>انا جهزت ولدي يوم انا حامل لدرجة انه زوجي يقولي انج وايد شريتي>>>والدليل وزعت شغلات وايد صغروا عليه وما مداه يلبسهم

هلا حبايبي مشكورين على الردود بس حبيت اوضح شغله…انا مو مستبخله على ولدي ولا على ريلي بس من الي اشوفه وسامعه ان مهما الريال كان زين المفروض ما اخلط الامور الماديه ولازم يتعود ان يظل يصرف على البيت…انا من اشتغلت شلت عنه مصروفي وملابس البيبي…وانا مو متحسفه بلعكس انا ادرى بظروفه بس القصد ان عادي لو يا قالي ابي منج مثلا مصرف حقي لان ما عندي؟او قالي تعالي اخذيلي قرض..شلون اتصرف معاه من غير لا احسسه اني مابي اعطي…والله السالفه مو سالفة بخل ولا نكران بس اخاف يتعود ومع الايام يقط علي كل شي..السالفه معنويه اكثر…مابي اصير متشدده معاه وعقب اذا يانا خير يذكرها لي ويفهمها ان كنت مقصرة عليه…والريال يحب ان المره تعتمد عليه وتحتاجه ومتى ما اعتمد عليها راح ودور على غيرها عشان يحس رجولته وان محتاجته…فهمتو علي يعني انا مابي اخش فلوسي عنه بس ابي يفهم ان انا محتاجته دايم