الحمدالله رب العالمين على كل حال

السلام عليكم ياحبيباتي….

دشو ودعولي بالخير..

اعرفكم عن نفسي ابسرعة وبعدين راح ابتدي من اول يوم عرفت اني حامل..

انا عمري 33 سنة ومتزوجة عن حب وعندي بنت الله يخليها لي عمرها 3سنين وولد بعدعمري والله سنه ونص..وققرنا انا وزوجي مانيب حاليا اعيال على مايصير ولدي الله يخلية 3سنسن عشان اشوي نتفرق حقة وحق انفسنا شوي..
بس الله كتب اني احمل..

وبتدت المعاناااااة..

الدورة المفروض اتييني تاريخ 29/4/2009 ماياتني قلت حق نفسي اكيد متاخرة علي من كثر ماحاتي اني مابي احمل وعلى فكرة كل ماتصير علاقة بيني وبين زوجي انكون ماخذين احتياطنة عدل عدل وهم احاتي..
المهم تاخرت على اسبوع واحس بعراضها وقول لا اليوم راح تنزل وماتنزل

عندي خالتي دكتورة جراحة قلت خل اسالها يمكن توصفلي دوة اتنزلها لي؟؟

كلمتها وقتلها..قالتدلي سوي اول تحليل حمل منزلي يمكن تكونين حامل؟؟
قتلها..مستحيييييييل احنا ماخذين احتياطنا عدللللل مستحيل!!
قلتلي..لاماكوشي اسمة مستحيل عندالله..سوي تحليل بعدين اقولج..
رحت مع امي الافنيو نتمشى ونتعشا وهناك رحت بووت شريت تحليل حمل منزلي..
دقت علي خالتي تسالني عن التحليل سويت اولا؟؟قتلها لا مابي انصدم وانا برة البيت لمن ارد البيت اسوي التحليل..
ورديت البيت..قاعدة انا وزوجي واليهال انطالع التلفزيون وتذكرت اني شارية تحليل وركض على الحمام الله يعزكم

وسوي التحليل..وطلعلي زائد
اهني صر عندي لبس بالموضوع انا حامل ولا لا
قريت التعليمات الي على العلبة!!لا طلعت حااااااااااامل..
صكت فيني الدنية وضاق خلقي مادري شلون راح اقول حق ريلي..قعت بالحمام اكثر من نص ساعة بس افكر شقول؟؟:

فكرت اني ادزلة مسج انا بالحمام وهو بالصالة..دزيتلة قتلة ودك اكون اني حامل؟؟قالي..لا طبعاً مابي؟؟
شنو هلوهقا شقول!!
طرشلي مسج قالي شنو حامل؟؟رديت عليه قتلة ايييي؟؟
قالي..حلفييييييي؟؟رديت..والله اني حااامل..
وطلعت من الحمام ورح الصالة قاعدة وضايق خلقي حدييييي شلون صار ومتى
سالتا قتله مستانس وانا حدي صاكة فيني الدنية..قالي عادي شنوتبيني اسوي..قتلة انا مومستانسة ولو بيدي انزلة..وقالي استغفري الله وخلاص الي صار صار..بس احسه ان صج ماودة..
وكتبت لكم موضوع اني موسستانسة وهذي الرابطة
https://www.q8yat.net/showthread.php?t=363634

والمهم بلغت اهلي اموي ضايق خلها شوي عشان ولدي للحين اصغير..وهم خالتي ام زوجي نفس شعور امي..
بعد يومين اتاقلمت مع الوضع وصار عندي عادي وكل يوم اقول بروح الطبيب اراجع وارد اقول لا تو الناس..
وصلت السبوع السادس من الحمل وتاريخ 10/5 قلت لا لازم اروح اطمن صج حامل ولا اعراض منغير حمل..
ورحت العيادة وكانت دكتورتي ماجدة اليتامى بس للاسف كانت مشغواة برة العيادة وشاقتني الدكتورة الثانية دكتورة سمر..
سوتلي سونار قالتلي انتي توج حامل قتلها لا صارلي الحين 6اسابيع قلت لا مستحيل الكيس امبين انة اصغر ويمكن تلقيح البويضة صار متاخر عن موعدها خليني اسويلك سونار داخلي عشان اشوف البيبي عدل انا رفضت خفت من الداخلي عشان عمري مومسويتا..وهيا مصمما انه تسويلي وانا اكثر منها مااااااااابي
وصلنا حق حل يرضي الطرفي..وهو تحليل هرموني عشان اتعرف بالضبط انا في اي اسبوع ونسبت الحمل زينة ولا لا؟؟
قبل لااطلع منها اسالتني سؤال استغربت وحسين انة وراة شي..قالتلي تاخذين اكلوميد؟؟قتلها لا طبعاً..

الي مايعرف اكلوميد اهو حبوب ينشط البويضات ويخلي احتمال الحمل في توائم..بس لازم اباستشارت الدكتور..

رحت سويت تحليل وقالي باجر تطلع النتيجة انا عصبت قتلهم كل المختبرات نفس اليوم ليش انتو ثاني يوم؟؟
قالي خلاص اول ماتطلع النتيجة احطها بالملف والدكتورة اتكلمج على طول..

وطلعت..

رحت انا وزوجي مركز سلطان عشان ابي سفرجل عشان البيبي يطلع حلو وذكي..
وحنا رادين البيت دقت الدكتورة اطمني عن التحليل انه ممتاز ولازم اتشوفني ابتاريخ 29/5 ضروري ضروري
وانا اسالها ليش في شي قالتلي لا قلشي تمام وممتاز بس ضروري اشوفج..
ابصراحة خفت من تصميمها..وقعت اقول حق زوجي في شي بس ماتبي اتقولي بالتليفون..رد علي قال لو فيشي ماتعطيج موعد بعد 3اسابيع جان قالت تعالي الحين او باجر..لاتخافين انشاءالله ماكوشي..

صار ثاني يوم 11/5 العصر قاعدة احن على زوجي ابي اكل ابقيصر مشتهيا قيصر قالي خلاص اليوم انشاءالله اوديج..
صارت الساعة 7 دق علي قالي قومي اتزهبي انتي واليهال بنروح قيصر طبعا ماصدقت على الله طيراااااان
ابدل اعيالي وانا قاعدة ابقرفت بنتي حسيت ابمقص اسهال تكرمون..رحت الحمام ماكوشي فجأه حسيت الدنيه ادور وحر حر حر واعرق قمت اصب ماي وقلبي يرررررررقع..خفت قلت لا اكيد فيني شي او الحمام ارضوبة طلعت من الحمام رديت غرفتي لا حسيت عوار بطني..ورد الحمام وحس حررررررررررررر وعرررررررااااااااق فصخت كل ملابس وصبيت على ماي بارد ماكو فايدة..
ناديت الخدامة عشان اتساعدني اطلعني من الحمام لمن ياتني امسكتني او ماوصلت الغرفة مسكني عوار في البطن الله لايويكم
قمت اصرخ من قمت راسي اااااااااااااااااااااااااااااااااااااةةةةةةةةةةةةة ةةةةةةةةةةةةةةةةةةةةةة عووووووووووووووووووووااااااااااااااااارررررررررررر الخدامة دقت على ريلي عشان اييني ولمن ية على طول خذاني ونروح المستشفى..طبعا الملابس ماني قادرة لبس ايشي يحوش بطني يذبحني ولا اقدر امشي انشليت اشوي..

والله وانا اقاعدة اكتب لكم احس بالعراض والرجفة..

المهم وداني مستشفي دار الشفا..من البيت لي المستشفى من رصيف لي رصيف بس عشان نوصل ابسرع..
وصلنا ودخلوني على دكتورة اسمها مي ادريسحفضو اسمها عدل..
اكشفت على قالتلي لا مافيج شي بس حطولها ادرب ومسعن وانشاءالله تكون زينة..وانا على صرخة وحدة من العوار
خلص الدرب ومرت وانا زادت حالتي قمت تكرمون ارجع ولوني يصير ابيض ومااقدر اتنفس ولا اتحرك بس ادز عمري لي ورة احس مافي نفس وجني راكضة من بيتنا لي الشالية متا وحدة..

المهم ياتني الدكتورة وقالت حق ريلي لا امراتك (زوجتك) مافيها شي بس تدلع من الحمل والي فيها بس امساك وغازات بالبطن اهيامسوتلها هلعوار..وخلاص اخذوها البيت وخلوها على المسكن..زوجي وامي ارفضو يطلعوني من المستشفى عشان حالتي ماتسمح والدكتورة موراضية تكتبلي لادرب مرة ثانية ولااكسجين وقمت اختنق مافي هوا..
ودكتورة موراضية وتقول مافيهااااا شي اخذوها البيت او ودوها مستشفى ثاني..موراضية اتسويلي شي..
اهني ريلي صمم اني اقعد وتكلم دكتورتي الي اهيا دكتورة ماجدة..طبعا ماكلموها الا الساعة 12 بليل وانا عندهم من الساعة 8
كلمو دكتورتي كان عندها حالت ولادة وطرشتلي دكتور حسام وطلبت منه يكون معاها على الخط لمن يشخص حالتي وبلغها..
نسيت اقولكم د.مي ماسوتلي لاتحليل ولا شي بس حطت السماعة على بطني وشخصت الحالة امساك وغازات..

ييه دكتور حسام وسوالي سونار داخلي لاتخرع ولا شي تمنيت اني امسويتة عند اول مراجة..
سوالي السنار والصدمة انة في شي بس ماقالولي وقرر الدكتور دخول المستشفى طبعا الدكتورة مي خلص الشفت مالها وراحت البيت اتنام وخلت القرعا ترعا..

دخلوني المستشفى على الدرب والاكسجين وانا ماني حاسة ابشي جني قاعدة احلم اصحى شوي وانام اشوي..
اطلبو من زوجي وامي يردون البيت واذا في شي راح يبلغونهم..
امي راحت البيت وزوجي راح حق اليهال عشان ماعندهم احد بالبيت..
صارت الساعة 3ونص ماشوف الا السسترات والدكتور حسام ياييني ركض ودزوني وانا نص نايمة شنو شنو فية محد يرد علي ماشوف نفسي لا وانا ابغرفة تعضيري للعمليات وسالهم شنو في يقولون لي لا ماكو شي وفصخزني ولبسوني لبس العمليات وانا مادري شنو السالفة..وخلوني اوقع على اورقة العمليات وانا مادري شنو ليلحين..ودتصلو على زوجي عشان ايي
وهذا انا قاعدة اسمعهم كانه حلم..ودوني غرفت العمليات وشفت دكتورتي سالتها دكتورة شنوفيني قالتلي لاتحاتين عملية صغييرة انشاءالله وتكونين زينة..انا انام واقعد وحطوني على سرير العمليات وسمع دكتورتي تقول النزيف الداخلي حاااااااااااد زهبو الدم والصفايح..وماحسيت ابنفسي لا وانا بالعناية المركز 13/5 الساعة 6 المغرب..وياتني الدكتورة تقولي الله يعوضج انشاءالله احسن منهم!!

احسن منهم؟؟؟شنو دكتورة شنوصار شنو يعني احسن منهم؟؟

الدكتورة قالت..كنتي حامل في توام وكان معاج نزيف داخلي والحمدالله وقفنا النزيف وفقدنا الاجنه..
صج صج دكتورة كنت حامل في توام وماكو الحييييييين
قلتي لو المستشفى ابلقتني امبجر كان وقفنا النزيف بالمنضار وحافضنا على واحد والثاني كان متعلق ابقنات فالوب..
بس كان النزيف حاااااد ونسبت الدم 5 وعطيناج 4 كيس دم 10 صفائح كانت حالتج وااااااااايد خطرة..
اهني على طول يات في بالي د.مي شلون قالت ان مافيني شي وهذا كل دلع ومساك وغازات..
يعني لو رايحة البيت جان شنوصار؟؟لو صج ريلي سمع كلامها؟؟
اهني انا قلت حق دكتورتي ونصدمت من الي قلت لها وانصحتني اقدم شكوة فيها وهذا الي سويتا الحين..
طبعا سولي عملية خيطو القناه التالفة وتمت عندي قناوحدة..
والحين انا ماني قادره اسامح نفسي عشان ماكنت ابي احمل والله اليوم اول يوم ارد شقتي ماني قادرة اقعد احس كلة بصير فيني شي..
واليوم انا خايفة اني ماحمل..واذا حملت يصير فيني مرة ثانية
حبيت اقولكم قصتي ..

وابيكم بس تدعونلي عن ظهر غيب ان الله يرزقني بالذرية الصالحة والكاملت الخلق ويسر اموري يااااااااااااارب العالمين

ya 7ayaty 7amdeLLah 3La sLaamtej

w aLLa y3awdej 5eer ya rab

الحمدلله على سلامتج .. و الله يعوضج خير في اللي خسرتيه .
و ان شاء الله ربي يرزقج الذريه الصالحه

الله يعوضج حبيبتي و حمدالله على سلامتج
بس دايما خلي على لسانج حمدالله على كل حال

واااي عورني قلبي الله حفظج وعسى الله يرزقج بالذريه الصالحه ويعوضج خير

قدر الله وماشاء فعل

الحمدالله على سلامتج

والله يعوضج ان شاءالله

الحمدالله على سلامتج يا قلبي

واااي عورتي قلبي

وكل شي بكتبت الله

الله يعوضج خير انشالله وعلى طول استغفري وقولي الحمدالله على كل حال

الله يعوضج انشالله والحمدالله على سلامتج

ولا هالدكاتره بس قاعدين ويفتون من كيفهم مالهم خلق شي مادري شلون يحللون معاااشاتهم ولا حاطينهم طوارئ بعد

يعني الوحده تروح نص اللليل لنه حالته حاله ومو قادره تتحمل واهما يحطولنه اردى الدكاتره

حسبي الله ونعم الوكيل

ماتشوفين شر حبوبه

حمدالله على سلامتج حبيبتي واشوه انج لحقتي على عمرج لان بهالحالات الرحم ينفجر ويضطرون يشيلوونه
الف الحمدالله ماصار فيج شي اقوى
وترى انا رفيجتي نفسج بس اهي كانت حامل خارج الرحم وصار نزيف حاد واضطروا بشيلون قناة فالوب وحده
وعقب العمليه ب3 اشهر حملت بالغلط
يعني لاتحاتين حبيبتي وكثري من الدعاء

بعد عمري والله
وانشاءالله الله يعطيكم على قدنيتكم وانشاءالله يسر اموركم وماتمرون الي انا مريت فية..

صج حبيبتي احملت؟؟والله خايفة اني ماحمل..وهم خايفة اذا حملت يصير الي صار..

الحمدالله رب العالمين والله يكتب الي فية الخير ياااااارب

ومشكورة على الرد

حمدالله على سلامتج وماتشوفين شر والله يعوض عليج

لاتخافين حبيبتي الله يعوضج خير انا عندي قناة وحده والحمدالله حملت وبعدين شيلة الانبوب تقلل نسبة الحمل خارج الرحم وانشالله الله يرزقج بالذريه الصالحه

حبيبتي اول شي الحمدلله على سلامتج

والله يخليلج عيالج ويعوضج خير ان شاء الله

وبالنسبه حق هالدكتوره انا صار لي معاها موقف من 3 سنين لمن كنت رايحه وفيني عوار وتقولي

(( لسه بدري عليكي ))

وانا موصله 4 سم !!!!!

تقولي روحي البيت وردي @@

يعني والله لو رحت ورديت جان ولدت بالسياره

وكانت مصررررره انها مادخلني الولاده قتلها انا لو سمحتي دقي على دكتورتي وهي معصومه الرضي صج عسل والله

وانا اسمع دكتورتي تقولها دخليها شناطره ؟؟

غصب دخلتني جنه مستشفى ابوها !!

المهم انتي الحين شبتسوين ؟؟ لازم تشتكين انتي الله ستر عليج والله حفظج وماتدرين لو تطيح بيدها وحده ثانيه شبيصير !!

حبيبتي بقولج شغله بس لاتزعلين مني
ترى الله مايرضى انج ترفضين عطيته يوم حملتي والله كتب لج بالحمل ليش تضايقتي وزعلتي انتي وزوج ترى والله الله مايرضى هذه عطيه من الله مايصير تحتجين وتقولين ليش وانا مابي الحين قولي الحمدالله غير حرام من الحريم يتمنون بظفر ياهل مره ثانيه هذه عظه وعبره لج ولغيرج قولي الحمدالله والشكر على كل حال واذا حملتي شبيصير مافيها شي اعرف حريم يطلعون من الاربعين ويحملون من اهني مااعترضوا على حكمة الله
والحمدالله على سلامتج والله يعوضج بطفل سليم معافى يارب ولاتزعلين من كلامي حبيبتي