التفسخ زاد بالديرة

هاي كويتيات اشلونكم

اليوم رحت أنا وزوجي لستار بوكس منتج النخيل و لا أشوف هالبنات الله لا يوريكم
كله علاق و الشورتات . بصراحه وايد تظايقت إن زوجي يشوف هالمناظر
يعني شسوي ننحبس بالبيت و لا نطلع
أنا أثق بزوجي بس ما أحبه يشوف هالمناظر
أنتو شنو شعوركم لما تمر وحده متفسخه جدام زوجك؟

الحمدالله انا الي عندي دايم ينقد عليهم واحسه تلوع جبده

عاد انتي لاتبينين انج مضايقه
خليج عادي

عشان لايقول محتره منهم

واذا عيب عليهم بس قولي الله يهديهم بسسسس

عشان لايقول بغته من الله ادقها سلف

خخخخخخخخخخخ

يا معوده اليوم شفت نوره عبدالله على روتانا انصدمت
راحت لبنان وينت

لابسه علاق خووووط والله

والصدر والزنود وكل شي فوق طالع

هذول بناتنا ؟؟؟؟

حسبي الله على الفضائيات

آآآآآآآآآآآآآآآآآآآآآآآآخ بس آآآآآآآآآآآآآآآآآآخ يا الحياة حلوة شوفي انا مو متزوجة بس عندي 3 خوات وكلهم متزوجيين يعني تعرفين احس بمعاناتهم لي قعدنا نسولف واااااي صج عوار قلب بس ياربي شنسوي لا حملات توعيوية لا محاضرات تفيد لا شي اذا الاهل راضيين شنسوي يا ربي والله ذيج المرة انا قاعدة بالبيت واخوي راد على ال2 تقريبا كان رايح السينما يقول والله منصدم صج داش مبهور الريال اقولة عسى ما شر شفيك يقول وانا راد البيت مريت عالحب الا اشوف ياربي سيارة ومحاوطينها وايد سيارات يقول تعرفين فضول بشوف شنو شصاير يقول انصدمت الا بنات بجييب اللي تسوق زقاير وحفر واللي يمها منسدحة ولابسة قصير انا حسيت شايف اشياء بس ما تكلم يعني بس منبهر يعني يقول وين اهلهم ذيلا لا حسيب ولا رقيب ياربي استر علينا وعليهم والله الحين هابيلج بموضة تلبسلج تنورة لو ويست او بنطرون جينز وترفع خيط السليب فوق عشان لي قعدت يطلع تخيلي الدناءة اللي وصلولها … شتقولين يا معودة عش رجبا ترى العجبا … الله يهديهم بس ..

الله يهديهم ..

قاعدين يمصخونها..

ولا قلتي لها تستري ماقامت تحاجيج..

امبي روونة من صجج اصلا لي قلتيلها تستري اول كانو لو ما يتقبلون يسكتون الحين لأ تصرخ وتصيرلج بعارية وانتي شكو امي وابوي راضين شهتخلف احنا واحنا واااااااااااي حتى النصيحة صارت عييب .. الحمدالله والشكر يا رب

والله بنات الكـــــويت ينوا وافصخوا بصراحه قام يقلدون الدول الباجي

بدون ذكر اسامي الدول ,,,, كله تفصخ وفي كل مكان وانا والله اذا شفت

وحده متفصخه تمر يمي انا ويه ريلي سيده عيني عليه بس والله اشوفه

ينزل راسه ويطالع الارض ,,, والله انه يستحي يشوفهم مفصخين الله يغربلهم

ما يستحووووووون على ويهم ما يطلعون من البيت الا كلشي طالع منهم

وريحت العطر يمـــــــه لمن تمر تصبغ ريحتها في المكان الي مرت فيه

والله اتعجب لمن اشوف بنت شبه عاريه طالعه مع ابوها وامها والابو

عادي عنده ,,, يعني انت مو ريال ولا تتغيشم عن الشباب اذا شافوا بنت

جذيه بس الواحد شيقول غير الله يستر علينا وعلى بناتنا ,,,,,,,,,,,,,

ويســـــــــلمو على الموضوع الحلو

الحمد لله والشكر والله ينو البنات تصدقون اكثر من مره اشوف بنات مع اخوانهم وابائهم وهم لابسين شورتات وييييع شكلهم مو حلو
بس اللي ابي اعرفه مايغارون عليهم !!
لا ولي سافرو بعد ويييي بلاوي البكيني ومصاخه ونسو انهم من الخليج اللي له دينه عاداته وتقاليده
مااقول الا الله يهديهم ….

الله يهديهم

ان لم تكن تستحي فافعل ماشئت
انا ما انغث الا لما اشوف وحده متزوجه وتبدع بالحفر واللبس الفاصخ ويكون عندها عيال والمصيبه لما يكون الزوج اهو الي يبي مرته جذي مالت على الرياييل الي جذي ماعندهم غاريه ثيران
والله من القهر اتحجى لان مروا عليي هالاشكال

معقول بنات يمشون بشورت؟

ماقد شفت

التفصخ صاير موضة هالايام

مو بس من الكويتيات من الدول العربية بعد لابسة حفر و الزنود طالعة و نص الصدر طالع ولا القميص شفاف

أي والله ما نقول إلا الله يهديهم

الحمدالله ريلي مو من النوع اللي يطالع اساسا
وانا مالية عينه بس الرك عالرياييل اللي عيونهم
زايغة الله يهديهم ويعين حريمهم والله، يسلموا

صح كلامح حبيبتي بس لا حول ولا قوه انا كنت جذي ما احب ريلي شوف جذي معنى بالبيت على كيف كيفي واقدر اسوي العن منهم بس بره لاء الله والدين مايرضه بس الحمدالله الحمدالله انه ريلي ريال يصلي ويعرف ربه بس الله يهدييييييييهم ونفتك من هل الموضه والجيل الى يانا بس ما عليج حتى احنا صج متحجبات بس استايلنا احلى وارقي واذرب يكفي ان شافونا محترمات والكل يحترمنا صح ولا لا