البويضة صغيييييييييييييييييرة

اخباركم؟

بنااات انا رحت امس اليوم ال12 من الدورة عشان اشوف حجم البويضه

طلع في بويضتين وحدة قالت ماراح احسبها لانها وااايد صغيرة
والثانية هم بعد وايد صغيرة بس ممكن احتمال بسيط تكبر اما الاولى مافي امل

علما اني ماخذة 11 حبة كلوميد بالدورة

احس اني تحطمت من النتيجه صدمه كنت حاطة امااال

بسالكم ممكن تكبر خلال يومين عطتني موعد اليوم ال14

شالحل؟ابيهم اثنينهم يكبرون عشان تصير الفرصه اكبر

الابرة التفجيرية تكبرهم؟والا ما يصير

هلا اختي صباح الخير ،، ان شا الله اليوم ال 14 يكبروا ولكن المفروض الدكتور
اعطاج ابر منشطة بالاضافة للكلوميد ، والابره التفجيرية ليس لها علاقة بحجم
البويضة ، الغرض منها تجهيز البويضه للتلقيح بعد ما يتاكد الدكتور ان حجم
البويضة مناسب ،، وان شالله موفقة يارب .

والله يرزقنا ويرزقك الذرية الصالحة يارب

اللهم امين

يعني التفجيرية ماتكبرها كلش.؟

مشكورة قلب عالمرور

إذا الكلوميد ما فاد
لازم تاخذين أبر منشطة
و حاولي تلعبين رياضة عشان يتنشط جسمك و ان شاءالله يتنشط التبويض
و اشتري عسل المرأة من العويد أو الفايز
و أهم شيء قراءة سورة البقرة و الرقية الشرعية و دفع الصدقة

اذا مانفع الكلوميد اتوقع يعطيج الدكتور ابر منشطه
لان فعولها اقوى واسرع
واختي الريشه ماقصرت قالت لج العسل وااايد زين
وعندج عشبة المدينه تكبر البويضات بشكل طبيعي اذا منتي
مستعجله ع الحمال
من اول يوم بالدورة الى خامس يوم
كوب بالصبح وكوب بالمسا
ومن سادس يوم الى الدورة اللي بعدها تاخذين ملعقة
عسل بالصبح وبالمسا
طبعا عشبة المدينه خليها بس تنقع بالكوب بماي حار ماتنطحن ولاشي
بس خليها عشر دقايق وشربيها
ويارب تجيب وياج نتيجه حلوة وتبشرينا حبيبتي

حبيبتي ابر التنشيط تساعد في تكبير حجم البويضة

المفروض نشبتي لها لين علمتج انا اخليها تعلمني حتى لو كبر راس دبوس

الابر التفجيرية شنو فايدتها ؟؟

تكبر البويضة 2 ملم وبعدين تقجرها عشان تصير صالحة للتبويض

وحجم البويضة المناسب للحمل 18 وأكبر حجم لها 25

ان شاء الله اكون افدتج

اشربي عصير الاناناس خامس الدوره

وعشبه المدينه بعد

الميررراميه شربيهااا عشاان تنشط المبايض وسوي بحث بقوقل وشوفي فايدتهااا
والله يرزقج هالشهررر

ايه الدكتورة قالت المرة الياية ابر بس ودي احمل هالشهر تعبت
انا اكل عسل العويد بس مو ملتزمة
ومشكوووورة يا قلبي عالرد

ماعاد فيني صبر تعبت نفسيا
ياقلبي انتي ماقصرتي ومشكوورة

يعني التفجيرية تكبرها الحمدلله في بس احس 2 ملم شوي لان البويضه صغيرة
ومشكورة حبيبتي وايد فدتيني

شربت اناناس واااايد ماكو فايدة مشكورة ياقلبي

المرامية قالت لي وحدة انها تضعف التبويض ومن يومها وانا تاركتها
مشكورة حبيبتي

في ميزان حسناتكم يارب

جربي تشربين حليب مع غبر طلع النخيل او مع حبوب اللقاح وممكن تحطين معاه عسل

والله مشكلتج سهله واايد خلي عنج كل شي وسوي لج جاي زعتر وجاي دارسين وجاي مسمار (قرنفل)بالدوره
ومو تحطين مسمار وايد يعني 15 حبه بالكثير حطيهم في مطارتج قهوه او جاي كيفج و مو كلهم تشربينهم بيوم واحد
يعني مثلاً اول يوم الدوره شربي القرنفل وثاني يوم دارسين وثالث يوم زعتر وجذييييي بدلي فيهم لي الايام العاديه عاادي
وخلي زووووجج ياكل مكسرااااااااااااات ووكليه بأيدج هههههه بس شربيهم اربع شهور او ثلاث شهور وسوي سونار بعدها وشووووووفي الفرررررق والله يرزقج انشالله

ابره التفجير تساعد على الحمل …اني الحمدلله حملت من بعدها

حبيبتي اصبري ان الله مع الصابرين

واحتسبي الاجر

نصيحه من اخت لاختها عن تجربه

خذي عسسسل اصلي وحطي عليه علبتين من حبوب او بودرة لقاح النخل

واكلي كل صبح على الريق ملعقه يوميا لازم يوميا مو تاخذينها يوم وتنسينها عشره لابد المداومه

تلاقينها بلعطاار

تكبر البويضات وتنشطهم انا اكلتها شهر وكشفت على بويضاتي مشاء الله

كبار ونشيطه مع العلم اني ماكلت دواء غيرها

وبعدين ابحثي عن فائدتها بلنت بتلقين العجايب

الله يرزقك ان شاء الله

طبعا مع قراءة سسورة البقره والاستغفار والصدقه

لاتيئسين من رحمة الله

الله يرزقج ان شاء الله ويعوض صبرج خير

حبيبتي اذا الله ماكتبلج هالشهر تحملين لاتزعلين وتتضايقين هذي حكمة الله
انتي الشهر الياي ابدي بالابر المنشطة وان شاء الله تحملين توم

الله يرزقنا كلنا الذرية الصالحة