البورصة ونفسية ريلج معاج ؟؟؟

بنات أنا زوجي عنده للأسف اسهم بالبورصة

وللأسف نزول البورصة وايد مأثره على نفسيته وكله دوانيات ومع ربعه لما أسأله يقولي ابي انسي

ياربي انزين انا شنو ذنبي شنو اسوي انا مكتئبة صاير مو قادر يقعد معاي بالبيت

ساعدوني نفسيتي تعبت

أزمة وتعدي ، أنت صبريه وصبري نفسك
لا تكونين أنت والبخت عليه
ذكريه أن المهم صحته والستر والعافيه
وعسى الله يفرج عن كل المساهمين بالعالم ..

نفس حالتج والله

بس انتي صبريه وحسسيه ان فلوس الدنيا كلها تحت ريله وان هو راس مالج واهو المهم وبالعكس طلعوا واستانسوا وحاولي تلهينه ولا تخلينه يقعد بروحه وخليه مع ربعه يروح ويستانس
الله يصبر قلوبهم والله

الله يكون بالعون ان شاءالله تنحل وهالمشكله كلنا نعاني منها

والسبب البورصة و اللون الاحمر على قولته مو راضي يصعد

بس ان شاءالله دربهم خضر وتتعدل اوضاع البورصه ونفسيتهم

جم مره اقوله اهم شي صحتك والفلوس اتي وتروح اهم شي العافية بس تعبت وانا اتكلم ما تخيلون شكثر البورصة كارهته ودي تسكر

يا حبيبتي عندنا وعندج خير عادي فتره وتعدي كل الناس نفسيتهم زفت انتي ماتدرين شلون النزول صار انا ابوي الله يخليه عنده شركه بالبورصه والله العظيم ان الشركات بعضهم فلسو وبعض البنوك باميركا اعلنو الافلاس
يا حبيبتي صبريه وانشالله خير انا بعد ريلي اولت الغام يوم بلش يطيح السوق خسر مبلغ كبييييير بقولج علشان تقولين حق ريلج ان في غيرك خسر ووااااااااااااااااااايد انا ريلي والله خسران 270 الف دينار تدرين ان طلعتله ثعلبه وويها وحاته حاله مع ان الحمد لله مو ناقصه فلوس بس هم الواحد مو يايب فلوسه من الشارغ يحتر حتى لو دينار
الله كريم انشالله بعضهم باقو وماتو هالسنه الله يرحمهم والحكومه باقت هم قالت بدام التجار قطو على صغار المستثمرين وباقو احنا بعد
وبقولج ترا هم الوليد بن طلال خسر في بورصة الكويت 25 مليون
والي استغنو اهما عيال الحرام الي مايخافون الله وماهمهم النلس انا خبره بالسوق صدقيني فتره من الفترات سنه 2024 رحت السوق حق ابوي وشفت الناس شلون احزاب هالحجي بقمه وعز السوق والناس مستانسه طاااااااااااااااار السوق فوق والله اني قلت حق واحد سمعته يقول اصبر ان ماخفسنا فيهم والله العظيم والله اني قتله حوبه الناس فيكم والله السنه الي بعدها اعلنت الشركه افلاسها وسالي ريلج راح يعرفها وانا اقول نصيحه الي عنده تحت ال50000 لايدش السووووق خليهم بالعقار احسن

الله يعينه صراحه انا اشوف ان موضوع البورصه فيه ظلم الله يكون بالعون
والا بورصه يدعمونها بملايين وترتفع شوي وتنهااااااار
انا ابوي نفس الحاله والمبلغ اللي خسره مو شويه
ادعي ان الله يصبره ولاتلومينه وان شاء الله ازمه وتعدي

الله يصبرنا ويصبركم على البورصة عاد كان قلبي ناغزني منها اهو يقول هالانهيار صار قبل 90 سنه بالكويت

نفس الحاله وربي خسران زوجي خساره كبيره
وضايق خلقي عليه لانه منهار نفسيا
وطبعا انا اصبره لان الصحه والعافيه اهم شي والفلوس تتعوض
بس ما يسولف ولا يضحك ولايطلع وماله خلق شي كلش وصاك على عمره بس افكر
وانا قلبي احترق عليه :k rkrkr:

لازم توقفين معاه والله يكون بعونه
اللي صار مو شويه ابد
انا عمي خسر 400 الف بالبورصه ومن سمع الخبر بالليل بالخساره كان يسوق واسم الله عليج ارتفع السكر عنده والضغط وصابته جلطه ودعم بالسياره اللي جدامه وسوا حادث والحين صار فيه جلطه وشلل
والحمدالله على كل حال
قولي حق ريلج الفلوس تتعوض لكن ان صار شي فيك اسم الله عليه من بيفيدك
فلوسك اللي منقهر عليها ماراح تفيدك
اهم شي صحته والله يصبره
وادعوا حق عمي الله يشفيه والله يكسر الخاطر والحين بيسفرونه برا يتعالج
اه على صحة بني ادم ياليت يقدرها

اخييييييييييييييييييييييييييييييه عالبورصة يارب بس ترتفع ونبيع ونفتك يلعن ابو اليوم اللي حطوا فيه شي اسمه بورصة والرياييل يدشون بدون تفكير وحسبي الله على كل من بيربح على حساب البشر حسبي الله عليهم انشالله

وانا اقول يا نارينا خلي زوجج شوي براحته لان الصدمة قوية عليهم وانتي شايفه زوجي 24 ساعة نايم مسكين صج صج صاكه فيه الدنيا

اي والله حتى انا …………. مشكورة نبهتيني نارينه

لا حول ولا قوة الا بالله

عسى الله يعدي هالمرحله على خير

حاولي تلطفين الجو عليه كثر ما تقدرين ولا تضغطين عليه هالايام كلش ليما تتعدل نفسيته باذن الله

صج شي يقهر الله يعينهم وهم زوجي نفسيته تحت الصفر

الله يعينج فتره و تعدي انشالله

اشوه انا ريلي ما عنده اهتمام بالبورصه ..