|
|
السلام عليكم ورحمه الله وبركاته:
انا قررت استقيل ومو عارفه اجراءات الاستقاله.. ممكن وحده تقولي شلون وشنو اسوي عشان اغيب اهم شي عندي اني اقدر اغيب والاجراءات ممكن أجلها..
انا ودي ادخل ع المديره اخر هالشهر شهر خمسه واقولها
ع فكره انا سعوديه وتوني موظفه يعني هذي السنه الاولى لي..
تكفووووووووووووووووووووووووون ساعدوني لاني احس مااعرف شي ابببببببببببببببد وزين مشيت هالسنه.gif "Eh S(11)")
ليش هالتشاؤم اختي صلي ع النبي
ما انصحج بالاستقالة
بس بعرف ليش تبين تستقيلين انا سعودية ومقدمة ع التربية ببلش دوام السنة الجديدة ان شاء الله
حسب ما أذكر تروحين السكرتارية تدزين طلب الإستقالة
بعدين تباشرين إجراءاتج بالمنطقة والوزارة
بس السالفة فيها طوالة و حوسة
لا والله مو تشاؤم.. بس جد تعبت الدوام متعب بشكل كبير,,غير الطريق..عشان كذا .. بفتك
ترى غيرج يتمنى الوظيفة , وكثير خليجيات معاهم شهادات عليا ماجستير بعد وبتفوق قاعدين بالبيت اهاليهم يصرفون عليهم
اذا على سالفة التعب اصلا الدنيا بكبرها مافيها رااحه هي جت على التدريس بس!
الله سبحانه يقول في كتابه العزيز " ولقد خلقنا الإنسان في كبد".
يعني تعب ومشقة, الراحه بالآخرة.
اذا على سالفة الطريقة تاخذين شقة حتى اذا غاليه عادي انتي واحد من اهلج يسكن معاج ترى زادو المعاشات يعني مو معقول ماتقدرين تدفعين اجار شقة..
التريث زين.. والا ترى تبي تندمين وتتحسفين بعدين…
وارجع واقوول صلي استخاره
الله يوفقج يارب
أنت معلمه ليش مايوضفونج بالسعوديه ؟
وبقولج شي ترا الادارات تختلف والله انا مدرستي القديمه الناظره كانت مدلعه السعوديات يطلعون س١٢
وكانت ماتعطيهم اشراف ومناوبات نهاية الدوام
شنو تخصصج؟
سؤالي:اذا بستقيل اول شهر سته نهايه خمسه..تروح علي رواتب الصيف؟
بعدين اختي انه سمعت من مدرسة عندنه بحولي بتحول لي منطقة الزور فيها جنه مدرسة وجريبة من الخفجي هي هم سعودية
ارجع حق الاستقالة
1) تاخذينها من السكرتارية وتوقعينها من المديرة وتالي تاخذينها وتودينها المنطقة اللي تابعت لج .
2)توقعينها من قسم الاجازات مع البطاقة المدنية مالتج اقصد صورة .
3)توقعينها من مراقبتج + مدير الشؤون التعليمية وعقب همه يطرشونها لج الوزارة ولا انتي تاخذينها بايدج تخلصين شغلج
بس فعليا تحسب الاستقالة من شهر تسعه لانه لازم تخلصين العام الدراسي كامل
وسلامتج حبيت افيدج وانشالله توفقت بالشرح
عاد ام الهيمان نقص شدييييييد
يعني مايقولون لج لا اذا قدمتي نقل عندهم
واغلب اللي المعلمات بمدارس ام الهيمان سعوديات
وساكنين بالخفجي
يعني حتى المواصلات بتحصلين قروبات مشتركة بباص او سيارة
لاتستعجلين ابداا
جربي كل الطرق المتاحة وتالي فكري بالاستقالة
ام الهيمان احسن لج
والراتب حلو
واعرف في ناس بالخفجي ويداومون بالكويت
بالتدريس بس هذي الدنيا يبيلها صبر
وخلي وظيفتج هوايتج
وهوايتج هي وظيفتج.
او بداية السنة ماادري بالضبط احترت