الاجسام المضاده تسبب خمول الغده

السلام عليكم

اشلووونكم شخباركم

بنات انا عمري 22 سنه اعاني من تساقط الشعر سويت تحليل الغده طلع عندي اجسام مضاده تقتل وايد اشياء داخل جسمي وسوت لي بدايه لخمول الغده وللعلم هالمرض وراثه في العايله قالو لي مافي علاج للاجسام المضاده بس في دوا اسمه
اتروكسين واهوا نفسه لعلاج خمول الغده……. اللي بعايلتنا قاعده اشوف ان فيهم غده ولازم يكون فيها اثار جانبيه ثانيه مثل ضغط سكر هشاشه بالعظام ومرض الخبيث اسم الله عليكم وانا من جذي متخوفه حيل حيل من هالعلاج غير جذي مو مستقرين على مستوى معين من العلاج يعني 50 ملم يبدي العلاج ولما يسون تحليل يضاعفون لهم الجرعه وهذا غير السمنه والنوم والخمول ومحد تشافى من هالمرض مستمرين على الحبوب من 20 سنه وكل ماله وتتضاعف الجرعه … وانا وراي دراسه ومو عارفه شسوي ..وشنهي الاعراض الجانبيه الثانيه اللي يسببها علاج اتروكسين

شنو تشورون علي؟

اشدعوا بنات محد يعرف

انزين محد يعرف شنو اسباب الاجسام المضاده وشنهي علاجها؟

لان محوليني حق الصباح عشان يعالجون هالشي وانا النفسيه زيرو

انا بعد اكتشفت الموضوع بالصدفة..عمري 36 سنه والحمدلله ما كنت اشتكي من شي غير السمنة
سويت كذا تحليل مناعي بسبب الاجهاض المتكرر ..والحمدلله كل شي اوكي بس طلع معاي اجسام مضادة تهاجم الغدة الدرقية
Anti-Thyroid peroxidase Antibody Positive
Anti-Thyroglobulin Antibody Positive

كنت احس باعراض عادية مثل الشعور بالكسل والخمول -الرغبة في الجو الدافيء وزيادة الحساسية للبرد -الإمساك -جفاف الجلد والشعر-زيادة الوزن الغير متوقعة -آلام في العضلات – كثرة الاكتئاب و كثرة النسيان
بس مو حاطة في بالي شي ولا شكيت قلت هذا العادي سبحان الله
الحين لازم اراجع طبيب غدد لان حسب ما فهمته ان هالاجسام تعتبر مؤشر لمرض مناعى (مرض هاشيموتو) بمعنى انها اجسام مضادة تهاجم الغدة الدرقية وتسبب خمولها.. محد ايعرف دكتور شاطر للغدد؟
واحتمال ان الاجهاض المتكرر اللي عندي بسبب خمول الغدة وقصور بوظائفها..الحمدلله رب العالمين على كل حال..
من دريت من يومين وانا بحاله نفسية صعبه سبحان الله وخايفة بس اقول الحمدلله على الاقل في سبب للي حصل معاي وفي علاج..
يقولون العلاج لازم اخذ دوا للغدة مدى الحياة
الغريب سبحان الله ان دورتي كانت منتظمه وتبويضي زين الحمدلله ..هرموناتي الحمدلله رب العالمين اوكي
يا ريت تفيدوني انا بعد اكثر..

أنا محوليني مستشفى ثاني مو عشان الغدد عشان الاجسام المضاده وخايفه حدي من حبوب الغده

حبيبتي لا توسوسين كسل الغده مايسوي كل هالاعراض اسم الله عليج

استمري بالعلاج وماعليج الا العافيه ان شاء الله

انا الاجسام المضاده عندي نسبتها 2000 فوق الطبيعي بواااااااايد

بس الحمد لله على كل حال اراجع طبيبي واخذ الدوا

ياسمين الله يشافيج يارب

ام عبدالله مشكوره ما قصرتي وعسى الله يشافيج يارب

بس شنهي الاجراءات اللي راح يسونها لي وشنو راح يكون العلاج؟

مشكورين بنات

وعليكم السلام حبيبتي انا بقولج اللي صار لي عشان تستفيدين وتستشيرين كذا دكتور ولا تاخذين الدوا على طول لان الدكاتره اللحين للاسف ما ينوثق فيهم من كثر اخطائهم انا راجعت استشاري غدد وقالي الاجسام المضاده عندج مرتفعه وراح تسبب لج بداية خمول بالغده ووصف لي دوا اسمه اتروكسين وبعدين لما رحت راجعت دكتور غدد ثاني عشان اتاكد قالي انتي الغده عندج سليمه وما يصير ان تاخذين دوا مال الخمول لمجرد ان الاجسام المضاده مرتفعه وقلت بعدين خلني اراجع العيادات الخارجيه بالحكومه وهناك احسن يعيدون التحاليل ويحددون اخذ الدوا ولا لا وفعلا راجعت المستشفى وقالوا لي نفس كلام الدكتور الثاني ان اذا الغده سليمه ما يصير تاخذين علاج لخمول الغده لمجرد ان الاجسام المضاده عندج مرتفعه وان افضل اللي الاجسام المضاده عنهم مرتفعه يعيدون تحليل الغده كل 6 شهور يطمنون على الغده وان الاجسام المضاده ما هاجمتها وسلامتج

انا بالتحليل الاول قالو لي في شوية خمول والسبب الاجسام المضاده وبصراحه مستشفى مبارك ما ينوثق فيه فرحت عدت التحليل بالصباح وقالو النتيجه بعد اسبوعين والله كريم

جزاج الله خير

بنات اطلعت نتايج التحاليل الثانيه وطلع الغده نسبه الخمول فيها 47 والاجسام المضاده 1320 وعندي موعد اول يوم رمضان والله يستر