الأعمال المنزلية

مرحبا بنات
انا عندي سؤال أو استفتاء ودي آخذ رايكم فيه

الأعمال المنزلية من طبخ ونفخ وتنظيف وتمحيف
( في حال ماكو خدامه أو الخدامه مو متواجده 24 ساعه )

واجبه على الزوجه بس ؟ ولا مشتركة بين الزوجين ؟
شنو رأيكم وشنو التطبيق الفعلي بحياتكم ؟

wajba 3ala el zawja .. el zooj yta6allab minnah el infaaq 3ala el zooga lakin etha bisa3idha hatha min 7osin akhlaqa o mo3amaltah

انا ما عندي خدامه لانه ساكنه بالشقه انا وريلي وولدي بس

اموري بالاعمال البيت

الثياب اغسلهم يوم وترك

الطباخ ما اطبخ لانه ريلي يسوي رجيم فاكني من الطباخ

الغدى في بيت امي لانه اطلع من الشغل الساعه 3

العشاء اي شيىء من اي مطعم

التنظيف على الطاير كل ليله قبل ما انام لانه الشقه فيها حجرتين ومطبخ

التنظيف من قلب يوم الاجازه يوم الجمعه

اما الحمامات فأغسلهم يوميا

وصدقيني مرتاحه من بلاوي الخدم وحنتهم

اما عن المسؤليه اكيد تكون مشتركه

انا ريلي اذا اكل في صحن يقوم اغسله

اثيابه ما ينثرهم لا يحطهم بالسلة الثياب اللي يبيلهم غسال

يعني مو كاط الشغل علي

شوفي حبيبتي انا عندي خدامه بس لاعت جبد من مشاكلهم لوما عيالي صغار جان طلعتها وارتحت …اذا نظمتي جدولج بترتاحين والحين الآله حلت مشاكلنا يعني غساله فل اوتماتك وغسالة صحون والتنظيف اليومي :حمام تسخدمونه والباجي نظفيه مره باليوم وسكري عليه الصالات بعد تنظيفها مره بالاسبوع والمطبخ وانت تشتغلين نظفي جهه …ودي استغني عن الخدامه

شغل البيت من مسؤوليات الزوجه بس اذا الزوج حب يساعد خير وبركه واذا مايبي راسه سالم

انا وحده متزوجه وادرس والحين عندي ياهل
ما الحق على كل شي اول باول بس ريلي يطوفلي واااايد يطوف لي الله لا يحرمني منه لان اهم شي عندي دراستي واهو مقدر هالشي
طباخ طبعا ما اطبخ لان مايمديني اكون بالجامعه من الصبح لي العصر متى اطبخ؟
غسيل الله يعافي الغساله ويمها اختها النشافه هم مايقصرون
وباجي الشغل مو يومي ف لاحقه عليه من غسيل وكناس وتنطيف

لما كنت حامل ماكنت اغسل الحمامات لاني مره وانا اغسل زلقت فخفت على نفسي وصرت اييب خدامة امي تغسل
وكناس ماكنت اكنس لاني اخاف على ظهري وانا حامل فريلي كان يكنس

والباجي خفايف علي انا

عقب الولاده صرت اجابل شغلي اول ماتنام بنتي او تكون ساكته

الريال مو شرط يساعد بالتنظيف اذا ما يبي بس على الاقل ما يزيد الوصخ و العفسة

يعني ما يحط ملابسه اي مكان و يمشي و الملابس الوصخة يحطهم مكانهم

و اذا قعد بمكان بالصالة مثلا ما يوصخها .. قواطي بيبسي و كلينكس

لا طبعا الطباخ وغيرة من مسوليات الزوجة اذا اهو متقبل انة يساعدج خبر ةبركة اما اذا ما يرضى لازم يتعود يشيل عمرة مو يطلع من الغرفة وجنة حايشها اعصار كاترينا الشغلة اللى يستخدمها يردها لمكانها وبعدين اذا شافج تشتغلين راح يستحى على وية ويساعدج

سوري فهمت سؤالج غلط اهو طبعا مسؤلية الزوجه ووالرسول عليه افضل الصلاة والسلام كان بخدمة اهله

اقول الله يعين بس

انا عندي طفلين وماني ملحقه شئ تعبت وش اسوي خدامتي راحت وبتجي بعد شهر الله يعيييييييييييييييييييين

لاتقولين جيبي مسترجعه لان جبت وحده ولوعت جبدي