|
|
السلام عليكم ورحمة الله وبركاته
خواتي سمعتو هالأيام انه بأغلب الاعراس يصير فيها سرقات ولا سرقات جايده بعد
من فتره سمعنا انه في عرس انسرق من أهل المعرس طقم ذهب كامل مسكينه راحت وطي
وأمس قالو بعد كان في عرس ثاني وكانت ام المعرس مسجينه في نهاية العرس تصرخ وتقول اسرقوووووووو منا 10 تلفونات و فلوسسسسسسسس بعد ( هدايا الناس لها ))
فشنو هالظاهره الجديده اللي قاعده تنتشر الحين
ترى ياجماعه احنا بديرة الخير وجذييييييي اشلون احنا لو دوله فقيره شنو هالنفوس التعبانه والمريضه
الله يرحم حالنا
عموما عرايس ديرو بالكم على اغراضكم وحرصو عليهم حيل
وانا استغرب على الناس اللي تحط جنطتها عند الخدامه وفيها التلفون والفلوس والذهب والبوك كل شي فيه من بطاقات بنك
على قولة اخوانا المصريين ( المال السايب يعلم الواحد السرقة )
واذا عالذهب بالله شلون ينباق بيتلونهّ من رقبتج مثلآ ؟؟؟
الا اذا عند الخدامه قاطته قلعتها
واحسن شي البطايق
شنو هذيله الاوادم اللي مو شايفة خير الحمدلله على كل حال
|
المشاركة الأصلية كتبت بواسطة وهج الخير
 احنا تقريبا كله دعوات فاحسن وافضل خواتى
|
بس ترى اختى ما اتوقع المعازييييييم ممكن يبوقون
عندج الخدم
عندج اللي يوزعون الحلو والشاي والقهوه
مساكين وايد بنات تنباق منهم فلوس وذهب وموبايلات …. وماتدرين منو اللي تبوق .. الخدم ولا وحده من المعازيم ولا منو … لذلك نصيحه يا بنات بيوم العرس جيبولكم صندوق فيه قفل وحطوا فيه كل شي غالي وخلوه داخل غرفه بالعرس وهالغرفه تكون مقفوله وخاصه لاهل العرس او حطوه عند مشرفة الصاله واكرموها …..
وعلى فكره يا بنات ترى هالظاهره واااااااااااااااااااايد منتشره بالاسابيع الاخيره مو بس بالكويت حتى بالسعوديه لان في كذا وحده من البنات سولفتلي قصتها .
وتدرون باقوا بوكي خدمة ايقاف السيارت اللي بالفندق مع اني داعسته 