اكل الاطفال في السفر

السلام عليكم ورحمة الله وبركاتة
انا طفلي عمره سنة واربع شهور
وبسافر معاه قريب ان شاء الله
ومحتارة في اكله
هو يحب شوربة ثقيله او رز ابيض مع الشوربه
وولدي اكله عله ماياكل اي شي وفوق هذا البطاطس المقلي مثلا يسبب له غازات يصيح طول الليل فماقدر اعطية اكل مطاعم.
وانا بسكن في فندق
وانا ابحث بالنت وحدة كاتبة انها تاخذ قدر طبخ الارز الكهربائي
وتطبخ فيه شوربة ورز وكل شي لعيالها
احد قد جربة؟ هل يسوي كميه صغيرره لطفل فقط؟
وش تنصحوني فيه

حلو بصراحه انصحج فيه

انا خذيته من يوريكا قبل سنتين للسفر حق بنتي لان بنتي مو اي اكل يعجبها

واهو صغير يكفي ثلاث اشخاص يمكن

واذكر كنت اسلق لها خضار واسويلها عيش مع دياي او لحم

وحمسه نقانق وتونا

طريقته سهله مثل اي جدر عادي بس اهو اسرع شوي

وتقدرين تطبخين باي وقت لان حااار طووول الوقت

.زين الله يجزاك خير
يعني اقدر اسوي شوي بس لولدي لان كاتبين انه لتر و8
يعني حول لترين
هذي نوعيه القدور اللي تقصدينها.؟
https://www13.0zz0.com/2013/07/03/14/676821682.jpg

ااب

انا بنتي كانت بعمر ولدج لمن سفرتها اول مره

بس رحنا تركيا الرز والمشويات متوفره

اخذت معاي هل جهازبخار للخضروات من مذركير بس ما يصلح للرز

ليش ماتعودون اعيالكم على اكلكم !!

ومن اهما صغار عودوهم كل شي ياكلونه علشان لا انتوا تبتلشون ولا اهما مساكين تستاثمون فيهم اذا غيرتوا الاكل عليهم

مرحبا

ممكن تاخذين جذي

بس انا مع رد اختي

عودي ولدج علي اكلج تري الاكل متوفر بكل شي

عشان ماتتعبين وتاخذين ماجله معاج وتعب

المطاعم والكوفيهات توفررر كل شي من الا
والله يخلي الجمعيات

وتروحون وتردون بالسلامه

ما قصرو البنات

نفسي بالضبط كبر ولدي بالضبط وبسافر معاه بعد شهر ونص

الريوق معاي من ريوق الفندق

الغدا معاي من مطعم بس اطلب له شي صحي مو وجبات سريعه لا

والجدر الكهربائي يطلع ريحه وراح تشتغل صفارة الحريق
ويسوون لج مشكلة الفندق

الله يعطيكم العافية وماقصرتوا
دام القدر الكهربائي يطلع ريحه هونت اجل مو ماخذتة
بفطرة من الفندق والعشا توست وجبنة او اي شي والغدا اجل بوكله معاي
وبين الوجبات مقدور عليها

احسن لج وكلي البيبي غذاء طبيعي وصحي

يعني شلون نعودهم ياكلون من اكلنا احنا بالسفر ناكل وجبات سريعه وهل السوالف شلون ياهل سنه ونص بياكل هل الاكل يبه اخذي جدر من يوريكا وهنا بهل الدول الاوربيه خضرتهم شحلوها اشتريله وسلقي وعطيه ومن هنيه اخذي عيش شويه حقه وبس غده شره ولا تصعبين السالفه ياما خذينه هل اليهال معانا سنيني لندن وفنادق نسكن وساعات شقق وبين الوجبات اشتريله هل الروب بالنكهات وعصاير والله اسهل عليج

اكيد ما ينعطي وجبات سريعة لان فيها سعرات ودهون

صاجه وحتى اكل المطاعم ماتظمنين نظافته اذا احنا الكبار نتسمم شلون الياهل
عالاقل لوتسممنا نشيل عمرنا بس الياهل واعليه شلون؟
والله اخذي الجدر رفيجتي بكل مكان تنقله وماعمرها اشتكت لامن صفاره ولاشي والريحه انتي ماراح تحمسين بصل وثوم وايدام كلها عيش ابيض مقدور عليها ان شاءالله

ااااب